IGIHE

TMC wo muri Dream Boys mu basaga 9000 barangije amasomo muri Kaminuza y’u Rwanda

3 8-11-2019 - saa 12:10, Nsengiyumva Emmy

Mujyanama Jean Claude uzwi nka TMC ni umwe mu banyeshuri barenga ibihumbi icyenda barangije muri Kaminuza y’u Rwanda.

Kuri uyu wa Gatanu tariki 8 Ugushyingo 2019 muri Stade Mpuzamahanga ya Huye hateraniye abanyeshuri barenga ibihumbi icyenda barangije amasomo muri Kaminuza y’u Rwanda.

Mu banyeshuri 9,382 basoje amasomo yabo muri bo abagera ku 5,894 ni abagabo mu gihe ab’igitsina gore bangana na 3,488.

Muri aba banyeshuri harimo n’umuririmbyi TMC wamamaye mu itsinda rya Dream Boys, wasoje Icyiciro cya Gatatu cya Kaminuza (Masters) mu byo Gucunga no Kugenzura imishinga.

Aganira na IGIHE ubwo yari ategereje gushyikirizwa Impamyabumenyi ye, TMC yashimangiye ko ashimishijwe n’intambwe yateye.

Yagize ati ”Nishimiye kuba ndangije amashuri, ni ibintu biba bitoroshye ariko ndashimira Imana ko imfashije kurangiza iki cyiciro.”

TMC ahamya ko nyuma yo kurangiza iki cyiciro azakomeza akiga n’ibikurikiyeho nkuko yabitangaje mu minsi ishize.

Igitabo uyu muhanzi yanditse arangiza iki cyiciro cya Kaminuza cyari gifite umutwe ugira uti ”Uruhare rw’ubuyobozi mu kubaka uruganda rwa muzika rugendera ku ndangagaciro n’imirongo ngenderwaho y’igihugu.”

Ni ubushakashatsi yakoze amezi umunani, yifashishije abahanzi, abayobozi n’abandi bafite aho bahuriye n’iterambere rya muzika Nyarwanda.

Mu Cyiciro cya Kabiri cya Kaminuza TMC yari yararangije amasomo ye mu bijyanye n’Ubugenge (Physics) mu yahoze ari Ishuri ry’Ubumenyi n’Ikoranabuhanga rya Kigali (KIST), ubu ni Kaminuza y’u Rwanda Ishami ry’Ubumenyi n’Ikoranabuhanga.

Reba ikiganiro twagiranye na TMC ubwo yari amaze kumurika igitabo cy’ubushakashatsi yakoze

TMC yari afite akanyamuneza ku munsi we w'amateka yaherewe Impamyabumenyi y'Icyiciro cya Gatatu cya Kaminuza
TMC yarangije Icyiciro cya Gatatu cya Kaminuza mu byo Gucunga no Kugenzura imishinga
Mujyanama Jean Claude uzwi nka TMC azwi mu muziki cyane aho abarizwa mu itsinda rya Dream Boys

Amafoto: Muhizi Serge

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Vincento 2019-11-08 09:19:37

TMC ariko by’umwihariko Dream Boys ndabakunda muri ingero nziza z’umuziki wuje inganzo nziza kandi irambye.
Nkunda umwimerere mukoresha n’inyigisho cyangwa se ubutumwa mutanga mu muziki wanyu. Mukomeze kwaguka kandi muzawukomeze hamwe ntimugasenyuke kuko muri urugero rwiza rwa partnership.
Together you can achieve more even though individual you can move very fast.
IMANA Ikomeze Ibagure cyane. Ndabakunda cyane. Congratulations TMC at your graduation.

2
che 2019-11-08 06:58:03

Congs.

3
Aimable 2019-11-08 05:53:45

Bavugako yarangije master ntabwo ari masters. Ni ikosa rusanjye

Kwamamaza