Nyuma y’iminsi Igor Mabano akubutse muri Nigeria aho yakoreye imishinga itandukanye irimo na album y’umuhanzi ‘The FloWolf’, uyu muhanzi na we yageze i Kigali ari kumwe n’itsinda bakorana mu rwego rwo gushyira akadomo kuri uyu mushinga.

Aba bagabo baturutse muri Nigeria bageze i Kigali mu ijoro ryo ku wa 5 Ugushyingo 2024, bakirwa na Igor Mabano bagomba gukorana ku mushinga wa album y’uyu muhanzi.

Mu kiganiro na IGIHE, Igor Mabano yavuze ko uyu muhanzi ari mu Rwanda kurangiza imishinga y’indirimbo bakoranye.

Ati “Ari i Kigali ari kumwe n’itsinda rya Noobian Entertainment basanzwe bakorana, bari muri gahunda zo kugira ngo turangize gukora kuri album ye nshya.”

The Flowolf azwi mu ndirimbo nka ‘DWM’ yahuriyemo n’abandi bahanzi babana muri Label barimo na Davido uyiyobora, ‘On a Jay’ yakoranye na Mayorkun na we ubarizwa muri DWM n’izindi zinyuranye.

Aba bahanzi uretse kuba bari no gukorana, umwaka ushize bakoranye indirimbo bose ‘No other way’.

Ibyishimo byari byose kuri The FloWolf ubwo yari ageze i Kigali

The FloWolf yageze i Kigali ari kumwe n'abagize itsinda bakorana

Mbere yo kuva ku kibuga cy'indege babanje gufata ifoto y'urwibutso