IGIHE

Social Mula ashobora gukomanyirizwa nyuma yo kwikura muri Salax Awards

7 12-02-2019 - saa 16:47, Muvunyi Arsène

Ubuyobozi bwa AHUPA Digital Services Ltd butegura ibihembo bya Salax bwatangaje ko mu gihe Social Mula yaba asezeye muri ibi bihembo nk’uko bigaragara ku mbuga nkoranyambaga ze, atazongera kwitabira ukundi.

ku mugoroba wo kuri uyu wa Mbere, Social Mula yitabiriye itangazwa ry’abahanzi bagiye guhatanira ibihembo bya Salax Awards 7 ndetse yanatoranyijwe muri batanu bari mu cyiciro cy’abakora injyana ya R&B ahanganye na Yvan Buravan, Bruce Melody, Yverry na King James.

Ku gicamunsi cyo kuri uyu wa kabiri Social Mula yashyize hanze itangazo rivuga ko yasezeye mu bihembo bya Salax Awards bitewe n’impamvu ze bwite.

Ni umwanzuro watunguye benshi kuko kuva na mbere atigeze agaragaza ko adashyigikiye iki gikorwa nk’uko byagenze ku bandi bahanzi bikuyemo rugikubita.

IGIHE yagerageje kumuvugisha ku mpamvu zibyihishe inyuma ariko ntibyakunda kuko atitabaga telefone ye.

Mu kiganiro na Isiaka Mulemba ushinzwe itangazamakuru muri Salax Awards, yavuze ko batarabona ibaruwa ya Social Mula asezera muri ibi bihembo.

Ku rundi ruhande ariko yavuze ko asezeye yaba anyuranyije n’amategeko y’irushanwa dore ko yari yamaze gusinya amasezerano y’ubufatanye na Salax Awards ndetse yashyikirijwe ‘Certificat’ yemeza ari mu bahanzi batanu bahatanira ibi bihembo mu cyiciro arimo.

Mulemba yagize ati “Hari amasezerano yasinye yaraye anafashe ‘certificat’.”

Yakomeje avuga ko Social Mula agomba gusubiza ‘certificat’ yahawe ndetse ko yajyanwa mu nkiko mu gihe yaba ayikoresheje mu buryo bunyuranyije n’amategeko.

Ati “Biremewe ko avamo ariko adusubize ibyacu. Tuvuge iyo ‘certificat’ ayijyanye [...] bagahita bamuha isoko, yahita akurikiranwa n’amategeko kuko twebwe umuntu uvuyemo adusubiza ibyacu.”

Amasezerano yasinywe hagati y’abahanzi n’abategura Salax Awards avuga ko “umuhanzi uzasezera ari we biturutseho, ntashobora kongera gusubira ukundi muri Salax mu gihe cyose igitegurwa na AHUPA”.

Amafaranga ibihumbi 100 Frw agenerwa buri muhanzi winjiye muri batanu bahatana muri buri cyiciro Social Mula yari atarayahabwa.

Ntabwo harafatwa umwanzuro niba Social Mula asimbuzwa cyangwa se hagumamo abahanzi bane gusa ngo ‘byose birashoboka.’

Social Mula ashobora kudasubira muri Salax Awards ashinjwa kwica amasezerano
Social Mula yari mu cyiciro cy'abahatanira ibihembo mu njyana ya R&B
Kwamamaza
Kwamamaza

Izindi nkuru wasoma

16 1 18-04-2019
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Chris 2019-02-13 02:49:43

Dady byo rwose nta Mulemba muri business nk’iriya.

2
Keisha 2019-02-13 01:33:51

Kereka nib akomanyirijwe mu muhogo nahubundi nta nka aciye amabere abandi bavuyemo kuber iki mubanz mukemure ibibazo muzana kuko nabo ntibanze ibyiza

3
Amaribori 2019-02-13 00:11:23

nashaka abivemo nibamukureho iterabwoba waba,Ibi bihembo ntibyatangwa imyaka5 kuko nta muterankunga ufatika bafite, izi ngegera z’abachinoi ntizishobora gutera inkunga ikintu incuro zirenze imwe, ndabaha urugero:
1.Rayo sport cup
2.basket
nizindi ngero mwazishakisha, Ibi bigoryi byabachinoi byo muri startimes nibisambo,
AHUP niba mwishingikirije kuri uyu muterankunga ntacyo mbijeje, cyakora nimubona undi muterankunga wenda umuntu yabyizera.

4
Dany 2019-02-12 19:48:26

Iri ariko ni iterabwoba!!!ajya muri studio mwaramufashije?kutitabira salax ni impamvu ze n’uburenganzira ahabwa n’amategeko.

5
Rubangura 2019-02-12 15:32:09

Annika hano social ndakwemeye cyane ureba kure kd ntawutibaza impamvu bose bashizemo

6
Umufasha 2019-02-12 14:38:33

Narebe ikimufitiye akamaro mumwuga we,ibindi byose ni busness,kuki harimo bake kuki abandi banze kujyamo?ubwo hari impamvu azashishoze nkumuntu mukuru.turamushyigikiye

7
Dady 2019-02-12 10:22:29

ibintu birimo Muremba wapi kabisa.agira imvugo mbi

Kwamamaza