IGIHE

Riderman yashinje Asinah gushaka kumusenyera urugo

13 11-09-2019 - saa 14:53, Nsengiyumva Emmy

Gatsinzi Emery wamenyekanye nka Riderman yashinje Asinah bahoze bakundana gushaka kumusenyera urugo, yifashishije bimwe mu bitangazamakuru n’imbuga nkoranyambaga bimuha umwanya agatangaza ibihuha bibangamiye urugo rwe.

Riderman na Agasaro Nadia bakoze ubukwe mu 2015 ndetse bamaze kwibaruka umuhungu wabo w’imfura. Uyu muraperi yakoze ubukwe bitungura benshi bari bazi ko umukunzi we ari Asinah bari bamaze imyaka umunani bakundana. Ibi byabaye inkuru n’ubu zigikomeje gukururana, hagatindwa ku bihe bagiranye hanibazwa icyabatandukanyije.

Mu gihe imbuga nkoranyambaga nka YouTube zimaze gufata indi ntera, Asinah akunze kugarukwaho mu biganiro binyuranye atanga cyangwa se mu binyamakuru bimwe na bimwe, ibintu bidashimisha Riderman na mba.

Mu kiganiro Amahumbezi cyatambutse kuri Radio Rwanda, Riderman yatangaje ko akenshi iyo abonye ibintu yanditsweho ahita abisobanurira umugore we, mu gucubya ubukari bishobora kumutera.

Ati “Sinjya ndindira ko arakara cyangwa se abimenya, iyo mbibonye ndi mu rugo cyangwa se ntahari, ndataha nagera mu rugo nkamwegera nkamubwira nti ’nabonye banditse gutya na gutya, ndatekereza ko nawe byakugezeho ariko mu by’ukuri ukuri ni ukunguku.”

Yavuze ko hari umunyamakuru w’inshuti ye yigeze kuganiriza amubaza impamvu akunda kuzamura ibibazo bye na Asinah, ngo amubwira ko abantu bakunda byacitse ku buryo bituma ikiganiro cye kirebwa cyane.

Ati “Rimwe na rimwe rero aho kugira ngo ubigire intambara ujye guhangana n’umuntu, mpitamo kwicecekera nkabireka kuko nizera ko nta nkuru iza gutya ngo irenze icyumweru ikivugwa cyane gutyo, ahubwo iraza igahita.”
Riderman yabajijwe niba adasanga aba bamukoraho ibiganiro bagamije kumucuruza, we avuga ko asanga birenze ibyo.

Ati “Biba bimeze nko gushaka gusenya urugo rw’umuntu. Ariko nizerera mu kintu kivuga gutya: Uyu munsi ushobora gushaka kuntamika urusenda, njyewe nkabyakira nkageraho nkarumenyera. Ariko se umunsi wowe ruzakugeraho witeguye kururya? Sinjye uzarumutamika, Abanyarwanda baravuga ngo gira neza wigendere. Uyu munsi ushobora kumva ko wagize nabi nta kibazo, ariko ntuba uzi ikiri imbere.”

Riderman yavuze ko abakomeza kuzamura izo nkuru bagamije ubuhemu, kuko hari ibindi bintu byinshi baganiraho kurusha kuzamura inkuru ze na Asinah.

Ati “Itangazamakuru ni umwuga wubashywe ku Isi ndetse no mu Rwanda. Hari abahanzi baba batahawe ijambo, kuki hahora hagaruka umuntu umwe buri munsi kandi avuga ibintu bimwe n’ubundi?”

Yakomeje abwira umunyamakuru ati “Uri inshuti yanjye! Hari umunsi nari nagusaba kumpa ikiganiro nta ndirimbo cyangwa igikorwa mfite? Kandi ntekereza ko nta muntu wagahawe uwo mwanya nta gikorwa agiye kuvugaho. Byanze bikunze nawe nk’umunyabwenge ushobora kuvuga uti ’kuki uyu muntu?’”

Abajijwe niba akeka ko Asinah ajya ajya kwisabira ibiganiro ngo bamuvugeho, Riderman yasubije ko atazi uko bigenda, ariko ngo ibitangazwa byose nta n’ukuri kuba kurimo.

Yakomeje ati “Gusa nshima Imana ko urugo rwanjye rukomeye, Imana iraturinze, Imana iri kumwe natwe kandi nta n’ikintu kizarusenya uko mbitekereza.”

Yavuze ko buri wese afite uburenganzira bwo kuvuga ibyo ashatse, ariko akomoza ku mvugo y’uko "Isi ntabwo igirwa nabi n’abakora ibibi gusa ahubwo igirwa nabi n’ababona ibibi biba bakicecekera," ashimangira ko abantu badakwiye kubona ibinyoma bivugwa ngo babireke bigende gutyo.

Riderman arashinja abanyamakuru guha umwanya umuntu uvuga amagambo agamije kumusenyera urugo
Riderman ahamya ko ashimira Imana ikimurindiye urugo kandi akizera ko rutazigera rusenyuka
Riderman yeruye ahamya ko ibiganiro Asinah atanga mu bitangazamakuru biba bigamije kumusenyera urugo
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
Munyana clairr 2019-09-13 10:56:26

Ewana urumuntu wumugabo baze bakuvaho

2
Dawidi furgence 2019-09-12 09:13:39

Rayinda Mani turamukunda kandi ariyubaha

3
Manzi 2019-09-12 05:07:13

hahah Riderman mbega buri joro ataha asomera umugore we inkuru za Asinah birasekeje! nonese Riderman niba umugore wawe agukunda byukuri ntiwakirirwa usobanura buri munsi ibya Asinah ahubwo umennye ibanga ry’urugo ko wowe n’umugore wawe mudakundana bihagije kugeza aho Asinah yabaye nka virus mu mitwe yanyu!

4
LEE 2019-09-12 01:27:49

hhhh Assinah aba ashaka kurya hit ku musaza cyane ko iyo ataba Riderman abenshi tuba tutazi uwo mukobwa,gusa nabe amuretse yiyubakire urwe gusa disi buriya ntariyakira kko Assinah afite post traumatic love... Riderzo humura man

5
patrick 2019-09-11 16:02:34

Kuva aba bantu batandukana public yishyizemo Asnah! gusa nge ntangiye gufunguka amaso* kuki Rider ubukwe bwabayae butunguranye? kuki yakoze ubukwe umukobwa atwite? none c ko yari yarateye umukobwa inda yayimuteye yaratandukanye na asnah? mu byukuri uyu Rider ashobora kuba azi kwishyira aheza gusa bizarangira bigiye ahagaragara.

6
Faith Mbabazi 2019-09-11 14:48:43

Komeza mushyire Imana imbere ya byose, satani akorera mu bantu ntacyo azabatwara. Aba ex nta kindi cyiza bakwifuriza atari kugusenyera, Komera Riderman ukunde ukunde umugore wawe nabo bakuvuga nabi bazageraho bakugarukire. Abo ba ex bihaye gusenya ingo zabo bakundanye kera, wowe wafashe ingamba nziza to kuzibukira abandi bisanga basubiranye nabo bagasenya ingo zabo.! Uri urugero rwiza Riderman ...iyaba ni abandi bakwigiraho. Ibya his e ntimubyiteho niko bibiliya ivuga Asinah( ni past) akuvire mu buzima .

7
Kazarusenya 2019-09-11 14:16:13

Niko ubitekereza ariko waba unibeshya ko ariko kuri, rukaba rumaze gusenyuka 55/100 45/100gasigaye ntiwamenya ibanga rizabirangiza. Nukujya kumva iherezo gusa kuko ntacyo urusha benshi zasenyutse.

8
Zainab 2019-09-11 13:40:20

@Mbabazi Biravuna gucecekana ukuri si ibya buriwese.Riderman ahubwo ni imfura kuko avuze ukuri kose nibwo mwabona uburyo ari umuntu w’umugabo .ariko aremera ibinyoma byose akabyakira acecekanye ukuri kuko atifuza guhora aburana n’abantu muri media.Ese ari wowe ubajijwe icyo kibazo wabyifatamo ute ?kuko abaye ari n’undi nkuko abandi babigenza yavuga byinshi ariko icyo yakoze ni ukwibutsa umunyamakuru ko nubwo akora inkuru igirisha aba yirengagije ko hari ingaruka bishobora kugira ubu cg kera mu rugo rwe. Ese kuki abantu tutareka ibisenya tugashyigikira ibyubaka.kuko n’abana nibakura bazasanga inkuru nkizi .si byiza pe .hagize uwo bibaho nibwo yakumva uburemere bwabyo . Iyaba byatizwaga umurindi ari n’ukuri aho ntawabarenganya ariko ibinyoma ngo ni inkuru igurisha? What goes around comes back around .

9
Zainab 2019-09-11 13:40:19

@Mbabazi Biravuna gucecekana ukuri si ibya buriwese.Riderman ahubwo ni imfura kuko avuze ukuri kose nibwo mwabona uburyo ari umuntu w’umugabo .ariko aremera ibinyoma byose akabyakira acecekanye ukuri kuko atifuza guhora aburana n’abantu muri media.Ese ari wowe ubajijwe icyo kibazo wabyifatamo ute ?kuko abaye ari n’undi nkuko abandi babigenza yavuga byinshi ariko icyo yakoze ni ukwibutsa umunyamakuru ko nubwo akora inkuru igirisha aba yirengagije ko hari ingaruka bishobora kugira ubu cg kera mu rugo rwe. Ese kuki abantu tutareka ibisenya tugashyigikira ibyubaka.kuko n’abana nibakura bazasanga inkuru nkizi .si byiza pe .hagize uwo bibaho nibwo yakumva uburemere bwabyo . Iyaba byatizwaga umurindi ari n’ukuri aho ntawabarenganya ariko ibinyoma ngo ni inkuru igurisha? What goes around comes back around .

10
Gasongo 2019-09-11 10:28:19

Nibamuveho yiyubakire urugo ariko. Hey bro stay strong.

Paji: 1 | 2  

Kwamamaza