Imihigo Miss Iradukunda Liliane ajyanye muri Miss World 2018

8 8-11-2018 - saa 07:43, Uwiduhaye Theos

Ku mugoroba wo kuri uyu wa Gatatu tariki 7 Ugushyingo 2018, Nyampinga w’u Rwanda 2018 Iradukunda Liliane, yerekeje mu Bushinwa aho agiye guhatana mu irushanwa ry’Isi ‘Miss World’, avuga ko intego afite ari ukuzana ikamba i Kigali.

Uyu mukobwa yahagurutse i Kigali saa yine n’igice z’ijoro ari kumwe na Ishimwe Dieudonné, uyobora Rwanda Inspiration Back Up itanga umukobwa uhagararira u Rwandamuri Miss World.

Aba bombi berekeje mu Bushinwa, aho Iradukunda agiye guhurira mu mwiherero n’abandi bakobwa 122 baturutse ku migabane itandukanye bitabiriye Miss World 2018.

Iri rushanwa rigiye kuba ku nshuro ya 68 rizabera ahitwa Sanya mu Ntara ya Hainan mu Bushinwa. Abahatana bazagerayo ku wa 9 Ugushyingo 2018, mu gihe uzegukana irushanwa azamenyekana ku wa 8 Ukuboza 2018.

Miss Irakudukunda mu kiganiro yahaye IGIHE mbere yo kurira indege, yavuze ko ajyanye umuhigo wo kwegukana ikamba no guhesha ishema igihugu mu buryo bwose bushoboka.

Ati “Mu Bushinwa muri Miss World icyo nitezeyo ngiye guhagararira u Rwanda, kandi icyo nizeza Abanyarwanda ni ukuruhagararira neza nkitwara neza”.

Yakomeje agira ati “Mu mihigo mfite harimo kuzana ikamba mu Rwanda kuko ntabwo ngiye by’umurimbo ahubwo ngiye guhatana. Intwaro nitwaje ni uburyo Abanyarwanda banshyigikiye kuko nibyo bizantera gukora cyane.”

Uyu mukobwa yavuze ko abakobwa hafi ya bose bagiye guhatana muri Miss World yagiye akurikira amakuru yabo ndetse benshi bakaba bakomeye, ariko nawe avuga ko atari agafu k’imvugwa rimwe.

Ati “Abakobwa hafi ya bose narabakurikiranye ntabwo boroshye ariko nanjye ndarenze ntabwo noroshye.”

Yakomeje avuga ko nta kintu yavuga ko agiye yishingirije kurusha ibindi kuko ashaka kuzaza mu myanya y’imbere muri buri cyiciro.

Yavuze no ku mpamba yahawe na Minisitiri wa Siporo n’Umuco, Nyirasafari Espérance, bahuye ku munsi w’ejo ati “Icya mbere Minisitiri wa Siporo n’Umuco mufata nk’umubyeyi ntabwo mufata cyane nka Minisitiri, impamba yampaye ni ukuzitwara neza nkerekana indangagaciro z’umuco nyarwanda, nkitwara neza kugira ngo mbe nazamura ibendera ry’Igihugu cyacu.”

Ababyeyi bamubyara yavuze ko bamubwiye ngo’ uzaduheshe ishema.’

U Rwanda rumaze kwitabira iri rushanwa inshuro eshatu; mu 2016 hagiyeho Mutesi Jolly, 2017 hajyayo Iradukunda Elsa na Iradukunda Liliane waserukiye igihugu uyu mwaka.

Umuhindekazi Manushi Chhillar w’imyaka 21 niwe wegukanye iri kamba umwaka ushize.

Nyampinga w’u Rwanda 2018 Iradukunda Liliane, yerekeje mu Bushinwa aho agiye guhatana mu irushanwa ry’Isi ‘Miss World’
Miss Iradukunda yavuze ko ajyanye umuhigo wo kwegukana ikamba no guhesha ishema igihugu mu buryo bwose bushoboka

Amafoto: Muhizi Serge

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Nema 2018-11-09 00:19:50

Wowe witwa dudu urasekeje cyaneeee,inzobe se ko ari iy abirabura yo uyizanye ute?dufite uruhu rwiza cyane rw igikara,imibiri yombi n inzobe ;nta numwe muri bariya bazungu wanatwigerereza.nabo bitera melanin ngo babashe kwiraburaho kandi baza hariya biteyeho iminwa yacu n amabuno byacu n akagufa ko kw itama byacu ngo babone kureba ko bagira ubwiza nk ubwacu ariko rwose ntibanabugira kuko fake nta nahamwe yahura na natural.twe turi beza ku isi hose mbisubiremo,kandi igikara ni nacyo kigaragara cyane neza cyane iyo habona,naho byagera n ijoro nta numwe ugaragara,rero rwose abo bazungu bawe ntibagaraga habona no mu ijoro bikaba uko. Ariko uzi igikara ku manywa ?ohhhh nta ruhu rwiza nk igikara pe,ku manywa biba ibindi bindi kuko kirasa nk izuba.Imana ijya kuturema yatugiriye neza cyane itoranya igitaka cyiza cyane cy ifumbire aba aricyo ituremamo,twe twagiriwe umugisha cyane kuba turi abirabura kuko twuzuyemo carbon iyi niyo buzima idahari ntabwabaho niyo mpamvu twe twagize ubutoni ku Mana kuko twuzuyemo ubuzima igituma ubutaka bwera ni ukubera bwuzuyemo iyo carbon ,ubwonko bukora neza kubera carbon na copper birimo,yooo navuga ubwiza bwirabura sinarangiza;ahubwo iyo umuntu agize ibyago akabura iyo carbon arwara icyo bita ibibembe cg vitiligo maze uruhu rwe rugasa nk urw abazungu,ariko urumva uruhu rukomoka ku burwayi?sha uruhu rwacu rurakize cyane ntirwagereranywa n urwo rw abazungu,nabo bagerageza kubikemura gato bakitera ka carbon(icyo bakunze kwita melanin,tan)maze bagapfa wenda kuba inzobe naho ubundi rwose winsetsaaaaaaa ubavugira kuko bari mu nsi yacu cyane turabahiga mu buranga rwose,ariko nyine ayo marushanwa si amarushanwa mu by ukuri kuko ategurwa nabo agaterwa inkunga nabo kandi bayashyiriyeho kwitora nyine kugirango bayobye mu mitwe abantu nkawe ko ari beza kukurusha hahhh ni nayo mpamvu nyine bagutumira bari uhawe ikaze kugirango nyine kwitora kwabo kugire ishingiro bavugeko bagutsinze,hahhh;nawe ushatse washyiraho ayawe ukitora mirongo ine igashira ukavuga ko uri mwiza ku isi hose nta kindi bisaba keretse gushora ayawe.aba bana bacu bajya muri ibi nababwira kutisuzuguza babijyamo,mujye mu byanyu mureke ibyabo,cg namwe muyakora muyite ay isi maze mwitore nkuko babigenza,nubwo mwe mwitoye ariko nubundi bimeze kuko muri beza cyane kubarusha;niba kandi mudashaka gushora ayanyu ndabasabye mureke kujyayo kuko rwose su amarushanwa;ubwo murumva babatora kandi mubarusha ubwiza ?nyibishoboka kuko baba bashoye ayabo niyo mpamvu bagomba kwitora kandi nicyo bayashyiriyeho.njye nta nubwo nshyigikira ibi kuko uba wishyize hasi burya iyo wemereye undi kukubera umucamanza w uburanga bwawe biba bisobanuye ko wowe utiyizeye ko ubufite bityo ukajyendera ku bitekerezo by abandi uko bakubona;ibyo ni ukwisuzugura kandi ntabyo mu muco wacu tugira none dore mwemereye iyi mico mibi y abanyamahanga kubazamo izabasenya nta kindi.igihe we ntimunige comment yanjye kuko ndashaka ko itambutsa isomo.

2
Ukuli 2018-11-08 16:34:09

Mureke amashyari guys,umwana azatsinda!

3
Ukuli 2018-11-08 15:49:45

Hahaha Dudu ugaragaje koko ko uri imworabura w’uminy’Africa bimwe bajya batuvugaho uzi ko arukuli.Ngo Abazungu iyo abonye mugenzi we agize icyo ageraho biramushimisha bokamutera ishyaka ryo gukora cyane akazakora obirenzeho"Innovation na Technology"abo muri Aziya iyo abonye mugenzi we agize icyo agezeho agerageza kumwogana mgo nawe azagere aho undi yageze,ngo naho umwirabura w’africa oyp abonye mugenzi we agize icyo ageraho ishyari n’urwango biramurenga,akumva ahubwo yapfa"intambara z’urudaca na genocide naho bihera.None Dudu narinzi ko ari imigani ariko mbonye ibyo wanditse kandi utekereza nsanga harabantu batekereza kwakindi baducaho umugani ugiye no kubyica uvangamo izina rya Yesu ubwo uri umu Kristo nyabaki niba usoma Bible Ester byagenze?Imana igufashe uhindure imyumvire na bagenzi bawe batekereza nkawe.

4
Al 2018-11-08 11:39:02

Abirabura twijuta nabi !!! Ibaze kujugunya amafaranga muribi nta n’inyungu igihugu gikuramo usibye ibihombo kandi hari abicwa na bwaki no kugwingira abirabura weee!!!!! Reka umuzungu abe umuzungu numunyabwenge .

5
Dudu 2018-11-08 09:21:44

1-Ngo azaharanira kuza mu myanya yimbere?? Aho guharanira kuba uwambere. 2-ngo yakurikiye abo bahanganye asanga barenze ? Ngo ariko nawe sa Agafu k’imvugwa rimwe .ibi bigaragaza ko ntakizere yibonamo . Gusa sinamurenganya kuko nawe arabizi ko ataca kunzobe ziba ziri hariya erega iyo urinzobe ihiye uba wera no mu mwijima uragaragara ... Ariko iyo wirabura uba wirabura no mumucyo uba wijimye ... Ge sinamwifuriza intsinzi kuko nawe ntayo yanyifuriza kandi sinamwifuriza kutahana ikamba kuko nta nyungu nabiramo nubundi ejo ntiyanshaho atwaye imodoka nyagirwa ngo abe bampa nako karifuti cyane abirabura iyo bakize bibagirwa gukinga (Birambabaza iyo mbona amafaranga ajyanwa mu bwibone kandi hari abari kwicwa ninzara) afurika we!!!! .. Yesu amfashe azatsindwe .

6
Dudu 2018-11-08 09:19:01

1-Ngo azaharanira kuza mu myanya yimbere?? Aho guharanira kuba uwambere. 2-ngo yakurikiye abo bahanganye asanga barenze ? Ngo ariko nawe sa Agafu k’imvugwa rimwe .ibi bigaragaza ko ntakizere yibonamo . Gusa sinamurenganya kuko nawe arabizi ko ataca kunzobe ziba ziri hariya erega iyo urinzobe ihiye uba wera no mu mwijima uragaragara ... Ariko iyo wirabura uba wirabura no mumucyo uba wijimye ... Ge sinamwifuriza intsinzi kuko nawe ntayo yanyifuriza kandi sinamwifuriza kutahana ikamba kuko nta nyungu nabiramo nubundi ejo ntiyanshaho atwaye imodoka nyagirwa ngo abe bampa nako karifuti cyane abirabura iyo bakize bibagirwa gukinga (Birambabaza iyo mbona amafaranga ajyanwa mu bwibone kandi hari abari kwicwa ninzara) afurika we!!!! .. Yesu amfashe azatsindwe .

7
degau 2018-11-08 01:12:57

Ibi bya ba miss bimeze nki iby’amakipe y’umupira mu Rwanda. Byaranze, nibabireke ntaho bizatugeza.

8
Adolph 2018-11-08 00:53:30

Uyu ntaryo yotwara kuko mbona asanzwe

Kwamamaza