IGIHE

Ibyiyumviro bya Harmonize nyuma yo gusabwa na Perezida Magufuli kuba umudepite

2 18-10-2019 - saa 08:58, Uwiduhaye Theos

Perezida wa Tanzania, John Pombe Magufuli, ku wa Gatatu yatangaje ko ashyigikiye ko umuhanzi Rajab Abdul Kahali uzwi ku izina rya Harmonize, aziyamamariza kuba umudepite mu Nteko Ishinga Amategeko y’icyo gihugu umwaka utaha.

Uyu muhanzi asanzwe yigaragaza mu bikorwa bishyigikira Guverinoma ya Perezida Magufuli, bitandukanye n’umuhanzi Bobi Wine wo muri Uganda uheruka kuba umudepite utavuga rumwe n’ubutegetsi, uhora ahanganye n’inzego z’umutekano.

Perezida Magufuli atangaje ko ashyigikiye ko Harmonize yinjira mu Nteko Ishinga Amategeko mu gihe icyo gihugu kimaze iminsi gikumira indirimbo z’abahanzi bamwe zishyirwa mu majwi ko zirimo amashusho y’urukozasoni.

Ikinyamakuru Mwananchi cyatangaje ko Magufuli yavuze ko azashyigikira ukwiyamamaza kwa Harmonize nyuma yo gususurutsa abaturage yasuye.

Nyuma y’aya magambo, uyu muhanzi yanditse kuri Instagram amushimira ariko avuga ko atazabyifashamo ahubwo abaturage nabo bazabigiramo uruhare rukomeye.

Ati “Wakoze cyane Perezida wanjye, Dr. John Pombe Magufuli. Iyo mba ndi umuturage usanzwe nari kumva ibyo muvuze nk’itegeko ariko abaturage bumvise amagambo yawe, tuzafatanya nabo kubigeraho. Imana ihe umugisha Tanzania, abayiyobora nanjye.”

Harmonize asanzwe aririmba indirimbo zishyushya abaturage zivuga imyato ibikorwa bya Guverinoma ya Tanzania mu gihe abandi bahanzi bakomeye muri iki gihugu nka Diamond Platnumz na Rayvanny, rimwe na rimwe bakumirwa kuririmba indirimbo zabo mu ruhame.

Harmonize yaherukaga kuririmba indirimbo igaragaza Perezida Magufuli nk’umuyobozi ukunda umurimo kandi wabaye umunyabigwi mu guharanira iterambere.

Harmonize yashimye icyifuzo cya Magufuli ushaka ko aba umudepite
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
ALLY 2019-10-18 13:51:42

arabikwiye kweli

2
Ndayikesha Damien 2019-10-18 10:38:42

Harmoniz arabikwiye pe.

Kwamamaza