IGIHE

Chris wahoze muri Just Family agiye kurongora

0 13-10-2021 - saa 09:23, Nsengiyumva Emmy

Chris wanyuze mu itsinda rya Just Family riherutse gusenyuka burundu, agiye gukorera ubukwe muri Leta Zunze Ubumwe za Amerika n’umukobwa bamaze igihe bakundana.

Uyu muhanzi wabaye mu itsinda rya Just Family kuva mu 2016 akarisezeramo mu 2018, agiye gukora ubukwe n’umukobwa witwa Claudine bamaze igihe bakundana.

Chris yerekeje muri Leta Zunze Ubumwe za Amerika mu 2019 aho byavugwaga ko asanzeyo umukunzi we.

Nyuma y’igihe bakundana, kuri ubu biyemeje kurushinga mu birori by’ubukwe bizaba tariki 20 Ugushyingo 2021, bukazabera mu mujyi wa Dallas ho muri Texas.

Mu 2018 nibwo Chris yasezeye mu itsinda rya Just Family nyuma yo kutumvikana na Bahati bari bafatanyije kubyutsa iri tsinda mu 2016, nyuma yuko ryari ryarasenyutse mu 2014.

Ubwo yasezeraga muri Just Family, Chris yavuze ko we n’abagenzi be batari bahuje intumbero bityo akaba yarahisemo kubasezera kugirango akurikire inzozi ze.

Chris wahoze muri Just Family agiye gukorera ubukwe muri Amerika
Chris yahoze mu itsinda rya Just Family ryanitabiriye irushanwa rya Primus Guma Guma Super Star
Chris yamaze gusohora integuza y'ubutumire mu bukwe bwe
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza