IGIHE

Buravan ayoboye urutonde rw’abahanzi bahatanira Salax Awards

6 11-02-2019 - saa 22:42, Muvunyi Arsène

Abahanzi bazahatanira ibihembo bya Salax Awards 7 mu byiciro icyenda batangajwe ku mugoroba wo kuri uyu wa 11 Gashyantare 2019, bayobowe na Yvan Buravan uri mu byiciro byinshi kurusha abandi, kuko ari mu cyiciro cy’umuhanzi mushya, icy’uririmba injyana ya R&B n’icy’umuhanzi w’umugabo wahize abandi.

Ni umuhango witabiriwe n’abahanzi batandukanye biganjemo abahatanye, abafasha abahanzi n’abandi bafite aho bahuriye na muzika mu Rwanda

Abategura Salax Awards babanje gutoranya abahanzi 10 muri buri byiciro uko ari icyenda, bashyiraho amatora yo kuri interineti, kuri telefone, amajwi amwe atangwa n’abanyamakuru b’imyidagaduro andi atangwa n’akanama nkempurampaka k’irushanwa. Aya matora yabaye hagati ya tariki 04 na tariki 09 Gashyantare 2019.

Gutangaza aba bahanzi byari biteganyijwe gutangira saa kumi n’ebyiri z’umugoroba ariko byatangiye bitinze ho amasaha abiri.

Bruce Melody, King James, Marina na Alyn Sano barimo guhatana mu byiciro bibiri.

Mu cyiciro cy’abaririmba ku muco harimo Clarisse Karasira, Jules Sentore, Sophia Nzayisenga, Deo Munyakazi na Mani Martin.

Icyiciro cy’abahanzi bakora indirimbo zihimbaza Imana harimo Israel Mbonyi, Aime Uwimana, Serge Iyamuremye, Patient Bizimana na Gentil Bigizi.
Mu cyiciro cy’umuhanzi ukizamuka harimo Sintex, Buravan, Alyn Sano, Marina na Andy Bumuntu.

Mu cyiciro cy’itsinda ryitwaye neza hagiyemo Just Family, The Same, Trezor, Active, na Yemba Voice.

Umuhanzi uririmba Afro Beat harimo MC Tino, Danny Vumbi, Davis D, Uncle Austin na Mico The Best.

Icyiciro cy’umuhanzi uririmba R&B harimo Bruce Melody, Yverry, Buravan, King James na Social Mula

Umuhanzi wahize abandi muri Hip Hop harimo Bull Dogg, Ama G The Black, Riderman, Jay C na Khalfan.

Mu cyiciro cy’abari n’abategarugori harimo Asinah Erra, Young Grace, Marina, Queen Cha na Alyn Sano.

Mu cyiciro cy’abahanzi b’abagabo bitwaye neza harimo Bruce Melody, Israel Mbonyi, King James, Buravan na Riderman.

Aba bahanzi bahise banahabwa amafaranga ibihumbi 100 kuri buri wese.

Biteganyijwe ko umuhango wo gutanga ibihembo uzaba kuwa 29 Werurwe 2019.

Umuhanzi uzatsinda muri buri cyiciro azahabwa amafaranga miliyoni imwe mu gihe indirimbo y’umwaka izahembwa miliyoni imwe n’igice akazagabanwa n’umuhanzi ndetse n’abayikoze haba mu buryo bw’amajwi n’amashusho.

Iri rushanwa ryatangiranye ibibazo kuko hari abahanzi bagiriwe icyizere cyo kujya mu bahatana ariko bo bakikuramo. Abo ni abahuriye muri label ya Kina Music bavuze ko hari ibibazo bafitanye n’abategura irushanwa, Urban Boys, Christopher, Oda Paccy, Charly na Nina, DJ Pius.

Ishyirahamwe ry’abatunganya indirimbo mu buryo bw’amajwi nabo basohoye itangazo ryamagana Salax Awards bavuga ritesha agaciro akazi bakora.

Ibihembo bya Salax Awards byatangiye gutangwa muri 2009 ariko byageze muri 2014 birahagarara. Byongeye gusubukurwa muri 2016 ariko na bwo abahanzi benshi bikuramo birasubikwa.

Muri uyu mwaka nibwo Ikirezi Group yateguraga iki gikorwa yahaye inshingano kampani ya AHUPA Digital Services mu gihe cy’imyaka itanu.

Abahanzi bari mu cyiciro cy'abaririmba R&B
Abahanzi batanu bari mu cyiciro cy'abashya
Bull Dogg, Khalfan na Ama G nibo bari bahari mu bahataniye Salax Awards muri Hip Hop
Cassandra na Alyn Sano bahataniraga icyiciro cy'umuhanzi ukizamuka
Davis D na MC Tino bahuriye muri Afro Beat bibazaga uko biza kugenda
Ibi birori byitabiriwe n'abahanzi batari bake
Icyiciro cy'abahanzi baririmba Afro Beat
Icyiciro cy'abahanzikazi bitwaye neza
Itsinda ry'abahanzi bahatanye mu cyiciro cy'abaririmba injyana Gakondo
Jay Polly na Bull Dogg bavugwagaho kudacana uwaka bongeye guhuza urugwiro
Muyoboke Alex na Buravan bungurana ibitekerezo
Kuri Senderi International Hit morale yari yose
Social Mula na Mukadaff bari bategerezanye amatsiko

Amafoto: Muhizi Serge

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
OKAY 2019-02-12 05:14:48

Wowe wiyise neza gabanya itiku! Hari undi ubona wari kujyamo utagiyemo? ariko ntuvuge muri bariya bigize ngo ni abacyane bagasezera nkaho gusezera kwabo ariwo muti wikibazo bafite!

2
Mukamana 2019-02-12 04:20:42

Reka nanjye nibarize.Harya upinga abo bakobwa batoranyijwe yaduha abo yumva babasimbura uretse amarangamutima?Ahubwo dushimire ikipe yakoze ako kazi,njye ndebye abikuyemo n’ibyagiye bivugwa, amatsinda yose ahagarariwe n’abahanzi bazima.Industry ya muzika yo mu Rwanda ntigomba kuzitirwa n’amatiku n’amashyari.Narebye amafoto y’ibyabaye ejo mbonamo Buravan Jay Polly Bbumuntu Mani Martin Active The same ba Muyoboke abahagarariye inyungu z’abahanzi nka Bruce Melodie Israel Mbonyi King James... ubu koko turarushwa n’iki twashyigikiye uru ruganda abantu bagashimirwa

3
Hakizimana Evariste 2019-02-12 04:11:19

Umusaza Amagi theblack arashoboye azagitwara tumurinyum

4
kapuri 2019-02-12 02:02:40

Asinah wambaye neza cyane bravo

abahanzi nka ba marina baza bambaye kamambiri zo munzu ubu biba byatuyobeye

5
NIYONZIMA JAEN CLAUDE 2019-02-11 21:37:59

MUKANDAFU NDIKUMWE NAWE SINAGOTWA NDAKWEMERA!

6
Neza 2019-02-11 18:58:52

Biratangaje kubona liste ya best female igizwe na young grace alyn sano hasina marina na quencha?? Kweli? Ariko se usibye kuba bariya bahanzi bitandukanije nabyo mwavuze ngo nukwigumura, murabona ahubwo mutari kuroha abobana koko? Nigute ufata umwana ufite indirimbo imwe ukamubwira ngo ubu ni best female??? Koko??? Ubwose aho bitagaragara ko ababitegura ntakindi bishakira uretse kuvoma inyungu kubahanzi niki?? Ministry of cultural yagakwiye gufatira ibibintu ingamba inzira zikigendwa. Nahubundi muzaba mumbwira.

Kwamamaza