Miss Bum Bum 2018: Umukobwa yateje imvururu ashinja uwegukanye ikamba kugira ikibuno cy’igikorano

5 8-11-2018 - saa 22:49, Uwiduhaye Theos

Abakobwa bari bari bahataniye ikamba rya Miss Bum Bum 2018 ribera muri Brazil, barwaniye ku rubyiniro nyuma yo gutangaza uwegukanye ikamba ry’ufite ikibuno cyiza, ariko bagenzi be bakamushinja ko ari icyiganano.

Miss Bum Bum ni irushanwa rikomeye ngarukamwaka muri Brazil rihuza abakobwa bafite ibibuno binini, uhize abandi akegukana ikamba ndetse agahabwa igihembo kingana n’amanya-Brazil 50 000, ahwanye na 11 742 506 Frw.

Mu ntangiro z’iki cyumweru ubwo Ellen Santana w’imyaka 31 ukomoka muri Leta ya Rondônia mu Majyaruguru ya Brazil yegukanaga ikamba ry’uyu mwaka, umwe mu bakobwa bari bahatanye yateje imvururu ku rubyiniro.

Zakuruwe n’uwitwa Aline Uva w’imyaka 27 wo muri Leta ya Rio Grande Do Sul iherereye mu Majyepfo y’iki gihugu.

Aline yavugaga ko Santana wahawe ikamba afite ikibuno cy’igikorano, bakaba bamuhaye ikamba birengagije ko nawe yari yujuje ibisabwa kandi afite n’ikibuno karemano.

Ati “Nari nujuje ibisabwa byose, ikibuno cyanjye ni icya nyacyo ariko Santana we ni icyomekano. Nshaka kwerekana uburyo irushanwa rya Bum Bum riba riteguye mu kavuyo, ibi byose nshaka kubishyira hanze uyu munsi.”

TMZ yatangaje ko nyuma yo gukora ibi byose, uyu mukobwa wateje imvururu yakomatanyirijwe kongera kwitabira amarushanwa ya Miss Bum Bum ndetse n’amashusho n’amafoto ye yose akaba yasibwe ku rubuga rwabo.

Irushanwa rya Miss Bum Bum ryatangiye kuba mu 2011, rishinzwe n’umunyamakuru Cacau Oliver.

Nyuma yo kubona aka kavuyo kavutse ku ry’uyu mwaka yatangaje ko ‘Imvururu nazo zari mu bigize irushanwa’.

Irushanwa ry’uyu mwaka ryari ririmo abakobwa 27 ariko abagera kuri 15 nibo babashije kugera ku cyiciro cya nyuma.

Aline Uva wateje imvururu avuga ko uwatsinze afite ikibuno yongerewe
Aline Uva yateje imvururu avuga ko uwujuje ibisabwa ariwe wari ukwiye kwambikwa ikamba
Miss Bum Bum iri mu marushanwa avugisha benshi
Uva uri iburyo yateje akavuyo ku rubyiniro avuga ko mugenzi we yahawe ikamba mu buryo budakwiye, agerageza no kumwambura umwitero
Uva yahise yamburwa uburenganzira bwo kongera kwitabira amarushanwa ya Miss Bum Bum
Kwamamaza
Kwamamaza

Izindi nkuru wasoma

395 9 7-08-2016
456 2 25-04-2016
492 0 6-04-2016
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
@fefe 2018-11-10 20:17:10

Ntugasebanye nawe fete
Abazungu hari abateranabi na abateraneza
Wabonye ubwo afransa bicwa no kurya ibiryo byumye
Tembera uburayi
Urebe abakobwa bateye Kandi batitejeho ibubono
Ubuse nabo twiganaga muri secondaire baba biteje
Hoya Hoya ibyiza byose turabisangiye nka bantu
Nibibi nuko
Abirabura bishyiramo ko bafite ibibuno
Kandi rwose hari benshi bafite imbazo
Igikurikiyeho abirabura bafite ikibuno usanga bafite nikida or amabere manini cyane ni ibicece
Mu mbavu na bwa bwiza bwikibuno bukabura
Rwose sindya ruswa uzaze scandinavie
Urebe abakobwa bateye neza kurenza na abirabura wumirwe
Or spain na italy
Ntiriwe mvuga noneho abarusiya
Simpakanyeko batera ibibuno ariko keretse abakize cyane Kandi ba abartiste
Naho umukobwa usanzwe nkawe aba ateye neza pe
Icyo ntakuburanya benshi bakora
Ni kongera umunwa byo birakorwa cyane
Buri saha umuzungu aba yongera utunwa twabo kuko bo bishyiramo ko tumeze nki inyoni
Kandi koko njye mbona bibabera
Iyo batwongereye mu buryo buri normal
Bahita basekana umunezero ku maso
Ukabona bari happy ukuntu
Nsho ikibuno, amaguru meza, imbabazi ndende
Imisatsi myiza nu uburebure
Rwose aho barihagije
Nuko abazungu baza muri Afrika ari bamwe bi imiruho muhura nabo
Naho iyo uhatuye ubona abazungu bu mwimerere
Nkuko iyo uje mu Rwanda
Uhasanga abana bumwimerere bacyeye baturuka heza
Wasa iburayi ukabona abirabura basa nabi cyane
No kubera ubuzima bubi buba bwanze
Ukagenda uvugako abirabura ari babi

2
munezero 2018-11-09 08:12:19

"Njyewe umutoza mukuru w’intore, nambuye izina ry’ubutore ikinyamakuru igihe.com kubera ikwirakwiza ry’amashusho y’urukozasoni."

3
Denys 2018-11-09 05:36:51

Akumiro ni amavunja. Ntawarubara.

4
pese 2018-11-09 04:17:08

Ibi bintu ni ibya shitani. Ntibazagere iwacu. Ayo mabuno barata ko avamo amazirantoki, ibyiza byayo ni ibihe? Ngo basigaye bashyiraho ayo bakoze. Ni akumiro pe!!

5
Fefe 2018-11-08 20:16:19

Hahh ubundi se aba bazungu bose ntibafite ibikorano nyine.uwo wamushinje abanze yishinje kuko bose nibyo bashyiraho,nta muzungu w ikibuno ntawe rwose wigeze ubaho,ariko ubu babonye uburyo bwo kubyishyirishaho none vose basigaye babeshya ngo barabuvukanyeee hahhh ariko nubundi abana babyara baza bafite za mbazo za ba nyina mbere yo kwitezaho amabuno y abiraburakazi.ariko rwose izi nkuru ntimukazicisheho kuko muba mubamamaza kandi nta mumaro rwose bifitiye abanyarwanda.

Kwamamaza