Amakipe yo mu Karere ka Kayonza yihariye umwanya wa gatatu mu irushanwa ry’Umurenge Kagame Cup riri gusorezwa i Musanze hagati ya tariki 14 na 15 Kamena 2025.

Amarushanwa “Umurenge Kagame Cup” agamije kwimakaza imiyoborere myiza, akinwa guhera ku rwego rw’umurenge mu mikino irimo Umupira w’Amaguru, Basketball, Volleyball, Amagare, Kubuguza (Igisoro), Gusiganwa ku maguru, Gusimbuka Urukiramende ndetse na Sitball.

Amakipe y’i Kayonza yegukanye umwanya wa gatatu muri Basketball mu byiciro byombi, aho mu bagabo yatsinze Kicukiro amanota 70-64, mu bagore itsinda Nyamagabe amanota 69-32.

Muri Volleyball, Kayonza kandi yatsinze Rusizi amaseti 3-0 yegukana umwanya wa gatatu mu bagore.

Mu bagore uyu mwanya wegukanywe na Nyanza yatsinze Rutsiro amaseti 3-0.

Mu mikino yo guhatanira umwanya wa gatatu muri Basketball mu bagabo, Kayonza yatsinze Kicukiro amanota 70-64.

Mu mupira w’amaguru, Ikipe ya Murunda yo mu Karere ka Rutsiro yatsinze iya Gahara yo mu Kirehe ibitego 2-1 yegukana umwanya wa gatatu mu bagore. Umwanya wa nyuma uzahuza Jabana yo muri Gasabo na Mbazi y’i Huye.

Mu bagabo, uyu mwanya wegukanywe n’Ikipe ya Kimonyi yo mu Karere ka Musanze yatsinze iya Bwishyura yo muri Karongi igitego 1-0. Umukino wa nyuma uzahuza Kacyiru yo muri Gasabo na Mahembe y’i Nyamasheke.

Mu mikino ya ½ muri Basketball mu Bagabo, Rutsiro yatsinze Kicukiro amanota 57-54, ni mu gihe Musanze yatsinze Kayonza amanota 74-56. Umukino wa nyuma uzahuza Rutsiro na Musanze.

Mu bagore, Musanze yatsinze Nyamagabe amanota 46-34, ni mu gihe Kamonyi yatsinze Kayonza amanota 63-37. Umukino wa nyuma uzahuza Musanze na Kamonyi.

Muri Volleyball y’abagabo, Ngoma yatsinze Rutsiro amaseti 3-0. Mu bagore, Gicumbi yatsinze Kayonza amaseti 3-0, mu gihe Ngoma yatsinze Rusizi ayo maseti, bityo umukino wa nyuma uzahuza Gicumbi na Ngoma.

Musanze ihanganye na Nyamagabe muri 1/2

Rutsiro ni imwe mu makipe ahanzwe amaso ku mukino wa nyuma

Musanze yatsinze Kayonza igera ku mukino wa nyuma

Abaturage bitabiriye iyi mikino ku bwinshi

Volleyball ni umwe mu mikino iba irimo ihangana rikomeye

Abakinnyi b'ikipe ya Murundo yo mu Rutsiro bishimira umwanya wa gatatu muri ruhago

Amakipe y'i Kayonza yegukanye umwanya wa gatatu muri Basketball

Kayonza yongeye kwegukana umwanya wa gatatu muri Volleyball

Kayonza yegukanye n'umwanya wa gatatu muri Basketball y'abagabo

Ikipe ya Murunda ihanganye na Gahara

Kayonza yatsinze Nyamagabe yegukana umwanya wa gatatu mu bagore bakina Basketball

Amafoto: Kwizera Moses