IGIHE

Etincelles FC yasinyishije rutahizamu ukomoka muri Ghana

0 5-08-2022 - saa 21:54, Byiringiro Osée Elvis

Ikipe ya Etincelles FC ikomeje kwiyubaka mu kwitegura Shampiyona y’uyu mwaka, aho yasinyishije rutahizamu Sumaila Moro yakuye muri Ghana.

Mu gihe habura iminsi 14 ngo shampiyona y’umupira w’amaguru mu Rwanda (Primus National League) itangire, amakipe akomeje kwiyubaka kugira ngo azaseruke neza.

Ikipe ya Etincelles FC yo mu karere ka Rubavu yatangaje ko kuri uyu wa Kane yasinyishije amasezerano y’imyaka ibiri, rutahizamu Sumaila Moro ukomoka muri Ghana.

Uyu rutahizamu abaye umukinnyi wa gatandatu iyi kipe isinyishije muri iyi mpeshyi nyuma ya Jurence Butu Lukenayo wakinaga mu Ikipe ya Daring Club Virunga muri Repubulika Iharanira Demokarasi ya Congo (RDC), Ndayishimiye Claude bakuye mu ikipe y’Amagaju FC, Rutayisire Amani bakuye muri AS Muhanga.

Iyi kipe yanaguze kandi Uzayisenga Maurice ukina hagati mu kibuga na Nyirinkindi Saleh usatira aca mu mpande, bombi bahoze muri Musanze FC.

Iyi kipe yo mu karere ka Rubavu, yasoje shampiyona y’umwaka ushize ku mwanya wa 12 n’amanota 34.

Etincelles FC yasinyishije rutahizamu Sumaila Moro yakuye muri Ghana
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza