Danny Usengimana na Bayisenge ku rutonde rw’abo APR FC izakoresha muri Champions League

13 8-11-2018 - saa 10:03, Ngabo Roben

APR FC yatanze urutonde rw’abakinnyi 28 izakoresha muri CAF Champions League 2018-19 barimo Danny Usengimana wa Tersana Sporting Club yo mu Misiri na Emery Bayisenge wa USM Alger yo muri Algeria.

Ikipe yatwaye igikombe cya Shampiyona y’u Rwanda ‘AZAM Rwanda Premier League 2017-18’, APR FC niyo izahagararira u Rwanda mu gikombe gihuza amakipe yabaye aya mbere iwayo muri Afurika ‘Total CAF Champions League’.

Biteganyijwe ko imikino ibanza y’aya marushanwa APR FC izayikina hagati ya tariki 27 na 28 Ugushyingo 2018 naho iyo kwishyura ikinwe hagati ya tariki 4 na 5 Ukuboza 2018, gusa ntabwo ikipe bizahangana iramenyekana kuko CAF itaratangaza ibyavuye muri Tombola y’uko amakipe azahura.

Iyi kipe y’Ingabo z’u Rwanda yamaze gutanga urutonde rw’abakinnyi 28 bashobora kwiyongeraho abandi babiri mu isoko ryo kugura no kugurisha abakinnyi mu Rwanda riteganyijwe muri Mutarama 2019.

Aba bakinnyi batoranyijwe na Ljubomir "Ljupko" Petrović n’abamwungirije; Miodrag Radanovic na Jimmy Mulisa ntabwo barimo myugariro w’iburyo APR FC yavanye muri KCCA yo muri Uganda, Rukundo Dennis, ushobora kwirukanwa muri Mutarama 2019 kuko bitoroshye ko yabona umwanya imbere ya Ombolenga Fitina na Michel Rusheshangoga.

Uru rutonde rwashyikirijwe CAF, IGIHE irufitiye kopi. Ruriho abakinnyi babiri b’ikipe y’igihugu Amavubi batari muri iyi kipe ubu; Myugariro Emery Bayisenge bivugwa ko wamaze kumvikana na APR FC, igisigaye ari uko iyi kipe yakumvikana na USM Alger yo muri Algeria Bayisenge asanzwe afitiye amasezerano.

Hariho kandi rutahizamu Danny Usengimana APR FC yaguze amasezerano ye muri Singida United yo muri Tanzania mu mpeshyi y’uyu mwaka ariko uyu mukinnyi w’imyaka 22 birangira atumvikanye na APR FC ku mubare w’amafaranga ya ‘Recruitment’ yagombaga guhabwa ku giti cye n’umushahara yagombaga guhembwa. Byatumye ahitamo kwerekeza muri Tersana Sporting Club yo mu Misiri.

Urutonde rw’abakinnyi APR FC izakoresha muri CAF Champions League na nimero bazambara
1. Ntwali Fiacre (1),
2. Ngabonziza Albert (3),
3. Herve Rugwiro (4),
4. Nshimiyimana Amran (5),
5. Nizeyimana Mirafa (6),
6. Mugiraneza Jean Baptiste (7),
7. Blaise Itangishaka (8),
8. Danny Usengimana (9),
9. Muhadjiri Hakizimana (10),
10. Moustapha Nsengiyumva (11),
11. Iranzi Jean Claude (12),
12. Ntwali Evode (13),
13. Byiringiro Lague (14),
14. Emery Bayisenge (15),
15. Sugira Ernest (16),
16. Maxime Sekamana (17),
17. Prince Buregeya (18),
18. Yves Mugunga (19),
19. Buteera Andrew (20),
20. Yves Kimenyi (21),
21. Michel Rusheshangoga (22),
22. Songayingabo Shaffy (23),
23. Emmanuel Imanishimwe (24),
24. Ombolenga Fitina (25),
25. Issa Bigirimana (26),
26. Dominique Savio Nshuti (27),
27. Nkinzingabo Fiston (29),
28. Ntalibi Steven (30).

APR FC irasabwa kumvikana na USM Alger, ikipe Bayisenge (wa kabiri uturutse iburyo) afitiye amasezerano
APR FC yaguze Danny Usengimana imukuye muri Singida Utd ariko birangira atayikiniye
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
kiki 2018-11-09 19:55:17

mbifurije kuzajya kunsuhuriza umwarabu ubundi mugaruke mwiruka

2
Haha 2018-11-09 19:42:07

Muzajye kunsuhuriza umwarabu ubundi mugaruke mwiruka nicyo mbifurije

3
hello 2018-11-09 08:30:20

Ndi umunyarwanda fc uzaduhagararire neza nkuko rayon yabikoze kuko ikosa nabonagamo ryari rigabanutse mwige no kuri bariya ba kecuru bari muri miderfield naho ubundi muzakina match ebyiri gusa.aller

4
Bush 2018-11-09 00:03:59

Apr kundacyaneeee mwakoze akanu kezacyane I wish you all the best Apr tubarinyuma muzakore ukomushoboye lose muzane igikombe thank you.

5
Kalisa 2018-11-08 09:11:56

Apr ndakwemera kbs iyi deal mukoze maze twongere dukomezamateka twakoze 2003 ureke abirirwa bayomba kdi bahaye za LLB ruswa none bakaba barabuze nitike ibasubozaho,icyo bita "gutora indejye nabagenzi "

6
fofo 2018-11-08 07:43:57

all the best to APR FC

7
Gatandatu 2018-11-08 07:15:25

iyi kipe se mwokabyaramwe ubu hari aho izagera kko.yasetse Gikundiro y’aba Rayons ngo bayitsinze bitanu birengagiza aho yabikubiswe igeze

8
Haruna 2018-11-08 06:22:44

NYAGASAZA MIGI 27 KOKO NTAKABESHYE AFITE 34

IRANZI AFITE 32
HARUNA AFITE 37

9
fils 2018-11-08 06:18:38

NYAGASAZA MIGI NGO AFITE 28 NUKURI
YEWE BIRABABAJE MIGI NDAMUZI YAVUTSE 1984

IRANZI YAVUTSE 1987

HARUNA YAVUTSE 1981

10
bnjr 2018-11-08 06:09:49

Courage basore bacu. APR FC yateje imbere abanyarwanda kabisa iyo usoma iyi list wumva wishimye kuko ari 100% Rwandese. ureke zazindi ngo odockor, sarupong, Diarra, Mbondi... nabandi benshi..... kandi bikarangira babatijwe papa tano.

Paji: 1 | 2  

Kwamamaza