CAF: APR FC yatomboye Club Africain yo muri Tunisia, Mukura VS yo izahangana n’iya Kwizera muri Afurika y’Epfo

19 9-11-2018 - saa 13:44, Ngabo Roben

APR FC ihagarariye u Rwanda muri CAF Champions League izahangana na Club Africain yo muri Tunisia naho muri CAF Confederation Cup ho Mukura VS izatangira isura Free State Stars yo muri Afurika y’Epfo.

Ku wa Gatandatu tariki 3 Ugushyingo 2018 mu Mujyi wa Rabat muri Maroc hateraniye inama y’ubuyobozi ya CAF iberamo tombola y’uko amakipe azahura mu marushanwa abiri y’iyi mpuzamashyirahamwe ‘Total CAF Champions League na CAF Confederation Cup’, ariko ntibahise batangaza ibyavuyemo.

Mu gitondo cyo kuri uyu wa Gatanu tariki 9 Ugushyingo 2018 nibwo amashyirahamwe y’umupira w’amaguru mu bihugu byose bya Afurika yemenyeshejwe aho amakipe yo muri ibyo bihugu azatangirira urugendo rwo gushaka ibikombe,

APR FC izahagararira u Rwanda mu gikombe gihuza amakipe yabaye aya mbere iwayo yatomboye Club Africain bita ‘CA’ yo muri Tunisia yarangirije ku mwanya wa gatatu muri shampiyona y’iki gihugu.

Umukino ubanza uzabera kuri Stade Regional ya Kigali tariki 27 Ugushyingo 2018 naho uwo kwishyura ubere kuri Stade Olympique de Radès yo mu Mujyi wa Tunis tariki 4 Ukuboza 2018.

Ikipe izakomeza izacakirana n’ikipe izakomeza hagati ya Al-Ahli Khartoum Club yo muri Sudani n’Ikipe y’Ingabo za Zanzibar, JKU SC (Jeshi la Kujenga Uchumi Sports Club).

Muri CAF Confederation Cup u Rwanda ruzahagararirwa na Mukura VS yatwaye igikombe cy’Amahoro. Yatomboye Free State Stars yo muri Afurika y’Epfo, ikipe itozwa na Luc Eymael wahoze muri Rayon Sports, inafite umunyezamu w’ikipe y’igihugu Amavubi, Olivier Kwizera.

Umukino ubanza uzabera kuri Goble Park stadium mu Mujyi wa Bethlehem wo mu Ntara ya Free State tariki 28 Ugushyingo 2018, naho uwo kwishyura ubere kuri Stade Huye tariki 5 Ukuboza 2018.

Uko amakipe yo mu Karere ka Afurika y’Uburasirazuba yatomboye

· Le Messager FC de Ngozi (Burundi) vs Al-Masry SC (Misiri)
· Gor Mahia FC (Kenya) vs Nyasa Big Bullets (Malawi)
· Simba SC (Tanzania) vs Mbabane Swallows (Eswatini)
· Vipers FC (Uganda) vs Al-Merrikh (Sudani)

APR FC yaherukaga guhura n'Abarabu mu 2015 ubwo yasezererwaga na Al Ahly yo mu Misiri ku giteranyo cy'ibitego 4-0 mu mikino ibiri
Mukura VS na APR FC zamenye amakipe zizahangana mu marushanwa ya CAF
Club Africain yasoreje ku mwanya wa gatatu muri shampiyona ya Tunisia
Free state stars ya Olivier Kwizera izatangira yakira Mukura VS
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
Ukuri 2018-11-11 23:17:24

Ndumva bitoroshye erega kugera kure biterwa na Tombora tutagiye kwirarira nange nemeza ko ikipe yacu ya Rayon iyo iza gutombora amakipe yo muburengerazuba Cg mu mujya ruguru ya Africa ndemeza ko yari guhita itaha ariko kubwamahirwe yatomboye udukipe tworoshye ari nayo mpamvu yageze hari gusa muribuka ko igihura nikipe ziyo muburengerazuba ibyatubayeho murabizi twakubiswe inshuro kandi munibuke ko ikipe yari ikomeye muzi twahuye icyo gihe yari Ikipe yo mu burundi kandi nayo mwibuke ko twayitsinze tuyihaye ruswa byanaviyemo bamwe mubayobozi bacu bakirukanwa nikipe igacibwa amande ... Ntitukagirire ishyari amakipe yandi ya hano iwacu kuko natwe ntamukino muzima tugira bivuze NGO muri rusange ntakipe yo murwanda twavuga ko irenze kuko uzasanga no mumakipe yacu abakinnyi bashoboye ari abanyamahanga Rayon=Karebu Amavubi=Kagere sinarondora kuko mwese murabizi.

2
pccm 2018-11-10 06:42:52

Umugabo ni utsinda undi reka turebe koko niba aya makipe yacu akomeye, gusa Reyon Siport yatanze akazi muri kano karere pe.

3
leo 2018-11-10 06:19:06

Sha ntacyo mbijeje!!!!! imyiteguro
myiza

4
leo 2018-11-10 06:19:05

Sha ntacyo mbijeje!!!!! imyiteguro
myiza

5
Kamina 2018-11-09 22:00:28

Baca umugani ngo uwarose nabi ......Aya makipe nta n’imwe izarenga umutaru kuko yatomboye nabi.

6
Kabisa 2018-11-09 19:18:12

Amakipe yacu ntabwo yatomboye nabi nk’uko mubyibaza, nk’uko abafana bamwe ba APR bagaragaje Fair play igihe nirirwaga mu ndege nkubita amakipe ngera 1/4 nange mbifurije amahirwe ariko kariya kavubuka kambara umukara n’umweru ko ntayo nkifurije kazajye gusuhuza abanya South Africa gahite kagaruka gakomeze Championat.

7
bernard 2018-11-09 12:01:12

ngahoda kabimye rero mukore akazikoseg

8
Emmy 2018-11-09 10:39:27

Ndabona ikipe zacu zatomboye neza pe, APR fc yatomboye Club Africain kandi niba yararangije championat kumwanya wa 3 sikimwe no guhura niyarangije ari iyambere bivuzeko forms APR fc yacu ifite izazikomezanya kandi izakomeza kko yabaye iyambere ino mugihugu kandi nubu iri imbere naho mukura vc yo yatomboye free state sport club kandi iwabo yabaye iya 7 hakiyongeraho ko itaranatsindwa muri Championat kugeza ubu bigaragazako izitwara neza ikaba yakomeza cyn ko izanabanza gusohoka hanyuma kwishyura bikabera murugo

9
Ndahimana daniel muna uganda 2018-11-09 09:51:31

Amakipe yo mu rwanda ndumva yatomboye amakipe akomeye gusa bazashyiremo ingufu ntibazadukoze isoni, kandi nizeyeko azabikora, turabakunda hano Kampala Uganda.

10
Isinimbi 2018-11-09 09:39:22

Harya ngo intego ni ukugera aho Rayon Sports yageze bakanaharenga!!!! Ntawe uvuma iritararenga reka dutegereze tuzarebe.

Paji: 1 | 2  

Kwamamaza