IGIHE

APR FC yasinyishije Ndayishimiye na Ruboneka bakiniraga AS Muhanga

2 22-05-2020 - saa 11:51, Eric Tony Ukurikiyimfura

Bidasubirwaho, ikipe ya APR FC yamaze gusinyisha abakinnyi babiri bakiniraga AS Muhanga aribo Ndayishimiye Dieudonné na Ruboneka Jean Bosco, buri umwe amasezerano y’imyaka ibiri.

Ikipe y’ingabo yari imaze iminsi mu biganiro n’aba bakinnyi bari mu bigaragaje muri uyu mwaka w’imikino wa 2019/20.

Amakuru yizewe IGIHE yamenye ni uko kuri uyu wa Gatanu aribwo aba bombi bashyize umukono ku masezeno y’imyaka ibiri, basinyira mu Mujyi wa Kigali.

Ndayishimiye Dieudonné ukina inyuma ku ruhande rw’iburyo yifuzwaga n’amakipe arimo Police FC na AS Kigali.

Yari amaze hafi imyaka itandatu muri AS Muhanga nyuma yo kumanukana nayo mu 2015. Nyuma yaho yerekeje mu Amagaju FC, ariko mu 2017 agarurwa i Muhanga n’umutoza Mbarushimana Abdou.

Ndayishimiye wazamukiye mu ikipe y’abato ya The Winners TFC y’i Muhanga, azahanganira umwanya n’abavandimwe babiri: Omborenga Fitina bivugwa ko hari amakipe yo hanze amwifuza ndetse na Nshimiyimana Yunussu.

Ruboneka Jean Bosco ukina hagati afasha abashaka ibitego, na we yari amaze imyaka ine muri AS Muhanga, yinjiyemo ubwo yari mu cyiciro cya kabiri .

Ku mwanya we azahasanga abarimo Manishimwe Djabel, Butera Andrew, Ishimwe Anicet na Nsanzimfura Keddy wasinye imyaka ibiri avuye muri Kiyovu Sports, ku wa Kane.

Ruboneka Jean Bosco ukina hagati asatira izamu, yasinye imyaka ibiri muri APR FC
Ndayishimiye Dieudonné ukina inyuma iburyo, na we yasinye imyaka ibiri mu ikipe y'ingabo
Mutsinzi Ange na Ndayishimiye Dieudonné bagiye kongera gukinana nyuma yo gukurana i Muhanga
Nsanzimfura Keddy na we yasinye imyaka ibiri muri APR FC
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Gikona 2020-05-22 09:11:09

Aba sibo bakinnyi ikipe ikeneye yewe pe duzifanira kiyovu ndabona ariyo ifite gahunda nzima

2
Red-F-k.3 2020-05-22 05:27:20

Amakipe yaseshe amasezerano kubera coronavirus bazicuza.

Kwamamaza