IGIHE

APR FC yagaruye Muhadjiri mbere yo guhura na AS Kigali mu Gikombe cy’Amahoro

4 11-06-2019 - saa 16:40, Eric Tony Ukurikiyimfura

APR FC izakira AS Kigali mu mukino ubanza wa 1/8 cy’Igikombe cy’Amahoro cy’uyu mwaka ifite abakinnyi barimo rutahizamu Hakizimana Muhadjiri wari umaze iminsi adakora imyitozo kubera imvune yagiriye mu mukino ubanza w’ijonjora ry’ibanze ikipe ye yatsinzemo Rwamagana City FC ibitego 2-0.

Hakizimana Muhadjiri yavunikiye muri uyu mukino wabaye ku wa Gatatu w’icyumweru gishize bituma atagaragara mu mukino wo kwishyura wabaye ku wa Gatandatu, APR FC itsindirwa igitego 1-0 i Rwamagana.

Uyu mukinnyi yongeye kugaragara mu myitozo kuri uyu wa Mbere, aho yatangarije urubuga rwa internet rw’ikipe ko ameze neza ndetse ashobora gukina umukino ikipe ye izakiramo AS Kigali ku wa Kane mu mukino ubanza wa 1/8 cy’Igikombe cy’Amahoro.

Ati "Nibyo nari maze iminsi mfite imvune ariko idakanganye byanatumye ntabasha gufatanya na bagenzi banjye mu mukino wo kwishyura ubwo bakinaga na Rwamagana City, ariko ubu nagarutse kandi ndumva meze neza nta kibazo. Nta gihindutse bazambona mu kibuga ku wa Kane dukina na AS Kigali”.

APR FC yatakaje igikombe cya shampiyona cy’uyu mwaka w’imikino 2018/19 irashaka kwegukana igikombe cy’Amahoro iheruka mu 2017 kugira ngo izahagararire u Rwanda muri CAF Confederation Cup ya 2019/20.

AS Kigali yabaye iya karindwi muri shampiyona na yo ikeneye kongera guserukira igihugu nk’uko yabikoze mu 2014 ubwo yari yegukanye Igikombe cy’Amahoro cya 2013 nyuma yo gutsinda AS Muhanga ku mukino wa nyuma. Mu mwaka ushize, ikipe y’abanyamujyi yasezerewe na Mukura Victory Sports muri 1/8, na APR FC isezererwa n’iyi kipe y’i Huye yatwaye igikombe muri ½.

Uko amakipe azahura mu mikino ibanza ya 1/8 cy’Igikombe cy’Amahoro (imikino yo kwishyura izaba nyuma y’iminsi itatu)

Ku wa Gatatu tariki ya 12 Kamena 2019

  • Mukura VS vs SC Kiyovu (Stade Huye, 15h00)
  • Etoile de l’est FC vs Police FC (Ngoma, 15h00)
  • Gicumbi FC vs Espoir FC (Gicumbi, 15h00)
  • Intare FC vs Bugesera FC (Stade de Kigali, 15h00)

Ku wa Kane tariki ya 13 Kamena 2019

  • APR FC vs AS Kigali (Stade de Kigali, 15h00)
  • Marines FC vs Rayon Sports FC (Stade Umuganda, 15h00)
  • Gasogi United vs Rwamagana City FC (Stade Mumena, 15h00)
  • Hope FC vs Etincelles FC (Rutsiro, 15h00)
Hakizimana Muhadjiri avuga ko kuri ubu ameze neza nyuma yo gukira imvune
Muhadjiri yari yavunikiye mu mukino ubanza APR FC yatsinzemo Rwamagana City ku wa Gatatu w'icyumweru gishize
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
kababebe 2019-06-11 14:11:50

Uyu wanditse ngo bamuririmbe. Hariwo yasabwe kuririmba. hhhhh

2
mutebi 2019-06-11 10:43:24

Muhajii wakwiyiziye muri rayon sport ugasogongera ku ma succes (sixe) y’aba rayon uzahora utsinda ntawukuririmba koko? kandi twe tuzanakwohereza mu mahanga, njo sha!

3
mutebi 2019-06-11 10:43:23

Muhajii wakwiyiziye muri rayon sport ugasogongera ku ma succes (sixe) y’aba rayon uzahora utsinda ntawukuririmba koko? kandi twe tuzanakwohereza mu mahanga, njo sha!

4
mutebi 2019-06-11 10:43:23

Muhajii wakwiyiziye muri rayon sport ugasogongera ku ma succes (sixe) y’aba rayon uzahora utsinda ntawukuririmba koko? kandi twe tuzanakwohereza mu mahanga, njo sha!

Kwamamaza