Ikipe y’Igihugu y’Abagore yatakaje umwanya umwe ku rutonde rw’Ishyirahamwe rya Ruhago ku Isi (FIFA) iba iya 166 ku Isi n’iya 34 muri Afurika.

Uru rutonde rwasohotse kuri uyu wa Kane, tariki ya 12 Kamena 2025. Rugaragaza ko Ikipe y’Igihugu y’u Rwanda y’Abagore yasubiyeho inyuma umwanya umwe, aho rwageze ku wa 166 ku Isi n’uwa 34 muri Afurika.

Mu karere ikipe iri hafi ni iya Ethiopia ya 127 ku Isi, Tanzania iri ku mwanya wa 137, Kenya ni iya 142, Uganda ni iya 148 n’U Burundi buri ku mwanya wa 178.

Muri rusange Leta Zunze Ubumwe za Amerika iri ku mwanya wa mbere ku Isi, ikurikiwe na Espagne, u Budage, Brésil n’u Bwongereza.

Ni mu gihe Umugabane wa Afurika uyobowe na Nigeria, Afurika y’Epfo, Maroc, Cameroun na Zambia.

Amavubi y'Abagore yatakaje umwanya umwe ku rutonde rwa FIFA