IGIHE

LeBron James yatanze nimero 23 yambaraga muri Los Angeles Lakers

0 10-06-2021 - saa 10:06, Habimana Sadi

LeBron James yafashe icyemezo cyo guha nimero 23 mugenzi we bakinana muri Los Angeles Lakers, Anthony Davis.

LeBron James w’imyaka 36 y’amavuko, yahaye iyi nimero ye Anthony Davis nk’impano yamugeneye, nyuma y’uko uyu musore yaje muri Los Angeles Lakers mu 2019.

LeBron James yahise avuga agomba gufata nimero 6 n’ubundi yigeze kwambara agikinira ikipe ya Miami Heat kuva mu 2011-2013.

Kuva mu mwaka utaha w’imikino, LeBron James azaba yambara nimero 6, ndetse zanatangiye kugurishwa ku bwinshi muri Leta Zunze Ubumwe za Amerika.

LeBron James ni umugabo w‘izina rinini mu mukino wa Basketball muri Leta Zunze Ubumwe za Amerika, kuko amaze kwegukana ibikombe bya shampiyona ya NBA, bigera kuri bine (2012, 2013, 2016 na 2020).

Yagiye yegukana ibihembo byo ku giti cye byinshi, birimo bine yabaye MVP (2012, 2013, 2016 na 2020) yabaye umwiza mu bakinnyi b‘intoranywa inshuro eshatu (NBA All-Star) mu 2006, 2008 na 2018.

Ni umugabo wagiye yiharira ibihembo byinshi, yaba ibyo yagiye atwarana n’amakipe yakinnyemo n’ibyo ku giti cye.

James yakiniye Cleveland Cavaliers (2003-2010), Miami Heat (2010-2014), asubira muri Cleveland Cavaliers (2014-2018), mu 2018 ahava ajya muri Los Angeles Lakers akiri kugeza ubu.

Anthony Davis kuva mu 2012 kugeza ubu, nimero 23 ni yo yakunze kwambara kuva muri New Orleans Pelicans (2012-2019).

LeBron James yambaraga nimero 23 muri Los Angeles Lakers amazemo imyaka ine
James niwe wabaye umukinnyi wahize abandi (MVP) mu mwaka ushize
LeBron James yegukanye ibikombe bitandukanye muri Cleveland Cavaliers
Muri Miami Heat naho yahatwaye ibikombe bitandukanye
Anthony Davis yambara nimero 3 muri Los Angeles Lakers
Anthony Davis yambaraga nimero 23 muri Pelicans
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza