Habonetse kimwe mu bisobanuro by’imvura y’amaraso yaguye muri Espagne

3 7-01-2016 - saa 19:33, Bayingana Bonfils

Nyuma y’igihe kirekire Umujyi wa Zamora muri Espagne wibasirwa n’imvura y’amaraso hakayoberana inkomoko yayo, abahanga bo muri Kaminuza ya Salamanque baravuga ko batahuye kimwe mu bisobanuro n’inkomoko by’iyi mvura.

Mu bihe by’ubukonje n’imvura ikabije mu bihugu by’i Burayi mu 2014, Umujyi wa Zamora waguyemo imvura idasanzwe, yari yiganjemo ibitonyanga bitukura byatumye banayita imvura y’amaraso.

Benshi mu bihe bitandukanye bakunze kwibaza niba hari indege zakwirakwije uburozi bwangiza ikirere, bikaba ari nabyo nkomoka y’iyi mvura y’amaraso igwa mu Mujyi wa Zamora.

Mu bushakashatsi n’ubusesenguzi abahanga bo muri kaminuza ya Salamanque bakoze, bapimye amazi y’iyi mvura bayasangana ikimera gito cyane cyitwa “Haematococcus pluvialis” gishobora gutanga isura itukura ku mazi nk’uko byagaragajwe n’ubushakashatsi bwo mu kinyamakuru ’Spanish Royal Society of Natural History Journal.’

Javier Fernández-Lozano n’itsinda bakoranye ubushakashatsi kuri iyi mvura idasanzwe, bavuze ko mu bipimo bafashe, basanze utwo tunyabuzima duto tuba twifitemo ikinyabutabire cya ’astaxanthine’, ndetse ngo igihe turi ahantu haboneye icyo kinyabutabire gitanga ibara ritukura.

Aba bahanga bemeza ko inkomoko y’imvura y’amaraso muri Zamora ari nk’iyaguye muri Kerala mu gihugu cy’u Buhinde mu mwaka wa 2001.

Ihurizo risigara ku nkomoko y’ikinyabuzima cya ’Haematococcus pluvialis’ mu kirere cya Zamora, mu gihe aho kigaragara cyane ari muri Amerika y’Amajyaruguru no mu Burayi bwegereye inyanja ya Atlantique, gusa aba bahanga bo muri kaminuza bemeza ko iki kimera cyavuye mu bindi bice kigateza iyo mvura kuba amaraso.

Ikinyamakuru maxisciences kivuga ko mu gusuzuma amakuru ajyanye n’ikirere y’igihe imvura y’amaraso yagwaga, bemeje ko imiyaga y’Iburengerazuba yahuhaga buri munsi ari yo yazanye ibicu byiganjemo ikimera cya Haematococcus pluvialis,ariko ibisobanuro byuzuye ku nkomoko y’iyi mvura ntibiraboneka.

Imvura y'amaraso muri Espagne yabonewe inkomoko
Imvura y'Amaraso muri Espagne yatewe n'ikimera cya Haematococcus pluvialis
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
ningiri 2016-02-23 02:08:27

abarokore byarabacitse baba baravuze ko ari amarira ya Yezu

2
Kamana 2016-01-07 16:08:00

Icyo n’ikimenyetso cy’ibyenda kuba ahubwo, kuko n’amarenga y’uburyo Imana yenda guhindura amazi amaraso biturutse ku bihano abamalayika bazahanish’isi ubwo bazasuka inzabya z’umujinya w’Imana mu nyanjya n’imigezi bigahinduk’amaraso, ntabe akibasha kunyobwa.
Ibyahishuwe 16: 3-4.
Ayo n’amarenga ngo abaz’ubwenge bamenye ko Imana iriho guc’amarenga no kuburira abanyabwenge ngo bibuk’ibyanditswe.

Kwamamaza