Kuri uyu wa 13 Ugushyingo 2024, u Rwanda na Pologne byashyize umukono ku Masezerano Mpuzamahanga yerekeye ubufatanye bwo mu kirere buzwi nka BASA Agreement (Basic Air Service Agreement).

Aya masezerano yasinyiwe i Varsovie muri Ministeri y’Ibikorwaremezo ya Pologne , yashyizweho umukono n’Umunyamabanga wa Leta muri iyo Ministeri ushinzwe Ubwikorezi bwo mu kirere, Maciej Lasek, ku ruhande rw’u Rwanda yasinywe na Ambasaderi w u Rwanda muri Pologne, Prof Anastase Shyaka.

Aya Masezerano azatanga uwuhe musaruro?

Mu kiganiro kigufi na IGIHE, Amb. Prof. Shyaka yavyuze ko aya masezerano ai ingenzi, kuko azateza imbere ubufatanye mu by’ubukungu ndetse n’ubukerarugendo hagati y’ibuhugu byombi.

Ati "Ubu Sosiyete y’u Rwanda itwara abantu n’imizigo mu nzira y’ikirere, Rwandair na Lot ya Sosiyete y’Igihugu ya Pologne babonye uburyo bakubakiraho ubufatanye bwakorohereza abagenzi b’ibihugu byombi, ndetse n’abandi banya-Burayi baturanye na Pologne."

Aya masezerano asinywe nyuma y’integuza yari yasinywe tariki ya 20 Ugushyingo 2023.

Abayobozi bombi bavuze ko bishimiye intambwe ibihugu byombi bikomeje gutera mu kuzamura ubufatanye mu bukungu, ishorasmari n’ubukerarugendo.

U Rwanda rwasinyanye na Pologne amasezerano y’ubufatanye mu bwikorezi

Ku ruhande rwa Pologne yashyizweho umukono n'Umunyamabanga wa Leta muri Ministeri y'Ibikorwaremezo ushinzwe Ubwikorezi bwo mu kirere, Maciej Lasek

Ku ruhande rw'u Rwanda aya masezerano yasinywe na Ambasaderi Prof. Shyaka Anastase

[email protected]