Abanyamuryango ba FPR Inkotanyi batuye mu bice bitandukanye by’Umujyi wa Berlin na Kaiserslautern mu Budage, bahuriye mu gikorwa kigamije kwitegura amatora y’Umukuru w’Igihugu mu Rwanda, banagaragaza ko biteguye gutora Umukandida Paul Kagame watanzwe n’uwo muryango ndetse bagatora n’abadepite batanzwe na wo.

Ni igikorwa cyabaye ku wa 6 Nyakanga 2024, cyitabirwa n’abahagarariye Abanyamuryango ba FPR Inkotanyi muri iyo mijyi, ndetse n’Umunyamabanga wa mbere muri Ambasade y’u Rwanda mu Budage, Gildas Mukunde.

Mu ijambo rye, Gildas Mukunde yibukije abitabiriye icyo gikorwa ibizagenderwaho ngo amatora agende neza, ndetse n’ibindi byose biyerekeyeho birimo amatariki y’igihe amatora azabera, aho bazatorera n’ibindi birimo impamvu bakwiye gutora.

Ati ‘‘gutora Umukandida wacu Paul Kagame, ni ugukomeza ibyiza yatugejejeho kandi ni ukureba kure kuko tuzi aho tuvuye n’aho atugejeje mu iterambere, mu mibereho myiza y’abaturage, umutekano n’ibindi.’’

Icyo gikorwa kandi cyaranzwe n’ubusabane mu ndirimbo zitandukanye zo kwamamaza umukandida Paul kagame wa FPR Inkotanyi, zahimbwe n’abahanzi batandukanye b’Abanyarwanda.

Bibukijwe ko gutora Paul Kagame ari ugushyigikira iterambere yagejeje ku Rwanda muri manda ze zabanje

Abanyamuryango ba FPR Inkotanyi baba mu Budage bahize kuzatora Paul Kagame

Abanyamuryango ba FPR Inkotanyi batuye mu Mujyi wa Berlin na Kaiserslautern mu Budage, biteguye gutora Paul Kagame ku mwanya w'Umukuru w'Igihugu mu Rwanda