IGIHE

Zimwe mu nyamaswa zisinzira igihe kirekire kurusha izindi

0 24-01-2023 - saa 14:51, Zigiranyirazo Bajecteur

Bimenyerewe ko iyo umuntu amaze amasaha umunani asinziriye mu ijoro, kiba ari igihe gihagije ariko ku nyamaswa zimwe na zimwe biratandukanye kuko hari izishobora kumara akubye ayo inshuro zirenga ebyiri.
Zimwe muri izi nyamaswa zizwiho gusinzira umwanya munini, harimo iyitwa “Koala bear” ifite ubushobozi bwo kuba yamara amasaha abarirwa hagati ya 20 na 22 isinziriye ku munsi.
Koala zigira inkomoko muri Australie, zikaba inyamabere zizwiho kwita ku bana bazo aho zibitaho zibaheka ku mugongo (...)

Bimenyerewe ko iyo umuntu amaze amasaha umunani asinziriye mu ijoro, kiba ari igihe gihagije ariko ku nyamaswa zimwe na zimwe biratandukanye kuko hari izishobora kumara akubye ayo inshuro zirenga ebyiri.

Zimwe muri izi nyamaswa zizwiho gusinzira umwanya munini, harimo iyitwa “Koala bear” ifite ubushobozi bwo kuba yamara amasaha abarirwa hagati ya 20 na 22 isinziriye ku munsi.

Koala zigira inkomoko muri Australie, zikaba inyamabere zizwiho kwita ku bana bazo aho zibitaho zibaheka ku mugongo cyangwa ku nda nibura kugeza ku gihe cy’umwaka umwe. Koala inazwiho kuba ishobora kumara ubuzima bwayo bwose iba mu giti kimwe.

Sloth

Iyi na yo ni imwe mu nyamaswa zizwiho kumara umwanya munini zisinziriye. Sloth ziboneka cyane mu biti byo mu mashyamba akunze kugwamo imvura nyinshi muri Amerika y’Epfo n’iyo Hagati. Ibigabo bya “sloth” ni byo bizwiho gusinzira umwanya muremure cyane aho bishobora kumara amasaha 20 ku munsi bisinziriye.

Brown Vespertilio

Ubu ni ubwoko bw’agacurama buboneka cyane muri Amerika y’Amajyaruguru. Kabarizwa mu nyamabere, kakaba gakunze gutungwa n’utundi dukoko duto tuguruka ndetse na ko kakaba muri zimwe mu nyamaswa zimara igihe kirekire zisinziriye aho gashobora kumara amasaha 19 ku munsi gasinziriye.

Armadillo

Armadillo ni indi nyamabere ishobora kugira ibiro 54 n’uburebure bwa metero imwe n’igice, ikaba na yo izwiho kumara umwanya muremure aho ishobora kumara amasaha 18 ku munsi isinziriye cyangwa ikamara igihe kirenze icyo.

Uruziramire

Python cyangwa se uruziramire ni ubwoko bw’inzoka zitagira ubumara. Yahawe iryo zina na François Marie Daudin mu 1803. Zikunda kuboneka muri Afurika, Aziya na Océanie, zikaba zizwiho kuba zishobora kumara amasaha 18 zisinziriye. Ibi python ibihuriyeho na "opossum", indi nyamabere ifite inkomoko mu gace ko hagati ya Leta Zunze Ubumwe za Amerika na Argentine aho na yo ishobora kumara amasaha 18 isinziriye.

Night Monkey

Ni ubwoko bw’inkende buboneka muri Amerika yo Hagati n’iy’Epfo. Zishobora kumara igihe cy’amasaha 17 ku munsi zisinziriye mu gihe indi nyamaswa ishobora kumara amasaha menshi isinziriye ari urusamagwe rushobora kumara hagati ya 15 na 16 ku munsi rusinziriye.

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza