IGIHE

Ku nshuro ya mbere umubare w’abantu bakuze waruse uw’abana bato

1 13-08-2019 - saa 21:28, Iradukunda Serge

Umuryango w’Abibumbye wagaragaje ko bwa mbere mu mateka y’Isi kuri ubu uyu mubumbe ubarirwaho abakuze benshi cyane kuruta abana.

Imibare ya Loni yerekana ko mu mwaka wa 2018 abafite imyaka 65 gusubiza hejuru warenze umubare w’abafite munsi y’imyaka itanu.

BBC yanditse ko kuri ubu ku Isi habarirwa miliyoni 705 z’abafite imyaka irenga 65 mu gihe abafite munsi y’imyaka itanu ari miliyoni 680.

Ubushakashatsi bugaragaza ko 2050 umubare w’abafite hejuru y’imyaka 65 uzaba ukubye kabiri umubare w’abafite munsi y’imyaka itanu.

Imibare ya Loni igaragaza ko kugira umubare munini w’abakuze byiganje mu bice byose by’Isi aho nk’u Buyapani ari umubare w’abakuze ungana na 27% by’abaturage bose, ibihugu byo mu Muryango w’Ubumwe bw’u Burayi ho bangana na 19.7% mu gihe muri Afurika yo Munsi y’Ubutayu bwa Sahara bangana na 3%.

Igaragaza ko ukwiyongera kw’abakuze kuruta abato biterwa n’impamvu zitandukanye zirimo kuba serivisi z’ubuvuzi zariyongereye, kwiyongera kw’icyizere cyo kubaho, serivisi zo kuringaniza urubyaro ariko ikerekana ko muri Afurika ho biterwa cyane n’impfu z’abana bapfa bavuka zikiri hejuru.

Imibare ya Banki y’Isi igaragaza ko mu 1960 uburumbuke bwanganaga n’abana batanu ku mugore umwe, kuri ubu bukaba bungana n’abana 2.4 ku mugore umwe.

Abahanga berekana ko imibare y’abakuze nikomeza kwiyongera ugereranyije n’iy’abato bizatera ibibazo mu bukungu bw’Isi nko kubura kw’abakozi no gutakaza amafaranga menshi muri serivisi zo kwita ku bakuze kuruta ashyirwa mu bikorwa remezo.

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
ARuremire 2019-08-13 16:20:26

impamvu nuko abakuze batandikisha abato mu irangamimerere,ugasanga abavutse batazwi

Kwamamaza