Perezida Kagame yahuye na Minisitiri w’Intebe wa Québec nyuma yo gushyigikira Mushikiwabo

4 10-10-2018 - saa 22:36, Rabbi Malo Umucunguzi

Perezida Paul Kagame yagiranye ibiganiro na Minisitiri w’Intebe wa Québec,François Legault, nyuma yo kwemera gushyigikira kandidatire ya Louise Mushikiwabo ku mwanya w’Umunyamabanga Mukuru w’Umuryango w’ibihugu bikoresha Igifaransa, OIF.

Perezida Kagame n’abandi bayobozi bo mu bihugu biri muri OIF bari mu Mujyi wa Erevan, aho kuri uyu wa Kane hatangira inama y’Inteko Rusange ya 17 y’uyu muryango.

Ubutumwa bwashyizwe ahagaragara n’Ibiro by’Umukuru w’Igihugu buvuga ko aba bayobozi bahuye nyuma y’uko Legault “yemeye gushyigikira Louise Mushikiwabo, umukandida ushyigikiwe n’Umuryango wa Afurika Yunze Ubumwe nk’Umunyamabanga Mukuru utaha wa OIF’.

Ku mugoroba wo kuri uyu wa Kabiri nibwo byatangajwe ko Canada yateye umugongo uwahoze ari Guverineri Mukuru wayo, Michaëlle Jean, uri gushaka uko yatorerwa manda ya kabiri yo kuyobora OIF.

Nyuma yaho, Minisitiri w’Intebe wa Quebec, François Legault, umugabo wari umwe mu bashyigikiye uyu mugore cyane, nawe yavuze ko azashyigikira Mushikiwabo.
Itangazo ryashyizwe ahagaragara na Québec rigira riti “Minisitiri w’Intebe ntazashyigikira ukongerera manda Michaëlle Jean ku Bunyamabanga bwa OIF.”

Rikomeza rivuga ko Afurika ari umugabane ugaragaza neza ahazaza h’ururimi rw’igifaransa ari yo mpamvu ‘mfite ubushake bwo gushyigikira umukandida uturutse kuri uyu mugabane’.

Perezida Kagame ubwo yahuraga na Minisitiri w’Intebe wa Québec,François Legault
Minisitiri w’Intebe wa Québec,François Legault, yaraye atangaje ko ashyigikiye kandidatire ya Mushikiwabo
François Legault yavuze ko nta mpamvu n'imwe itatuma adashyigikira Umukandida wa Afurika nk'umugabane ugaragaza ahazaza h'ururimi rw'Igifaransa
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
habonimana j.marie 2018-10-11 04:26:00

mukomeze mutugezeho amakuru agezweho mukarere ka bugesera

2
Inezaye 2018-10-11 01:16:20

Ubu ni uburyarya ariko budafite icyo butwaye u Rwanda. Ubundi se yarayobewe ko Africa ifite ahazaza kuki atamushyigikiye rugikubita. Uko byasa kose ikiza kiruta ikibi. Bigup Mushikiwabo

3
Cyubahiro 2018-10-11 01:10:21

Ndasabako nanjye mwajya munshyira mu mafoto hamwe n’abayobozi bakuru, ndabinginze rwose muzaba mugize neza

4
Looser 2018-10-10 17:47:20

She will loose. Change my mind!

Kwamamaza