IGIHE

Miss Aurore Kayibanda ari mu Rwanda

0 2-07-2022 - saa 08:05, Uwiduhaye Theos

Miss Mutesi Aurore Kayibanda wabaye Nyampinga w’u Rwanda mu 2012, yagaragaye mu gitaramo cya Kigali Jazz Junction nyuma y’imyaka myinshi atagera mu Rwanda.

Uyu nyampinga yagaragaye ari mu Rwanda nyuma y’imyaka isaga itandatu ari hanze y’u Rwanda.

Ntabwo yigeze akunda kuvugana n’itangazamakuru cyangwa ngo yigaragaze cyane, ndetse ntabwo icyamuzanye mu Rwanda kiramenyekana.

Kayibanda agaragaye i Kigali nyuma yaho urukundo rwe na Mbabazi Egide rurangiriye.

Mu mpera z’umwaka wa 2014 nibwo byatangiye kuvugwa ko Miss Mutesi Aurore ari mu rukundo na Mbabazi Egide.

Icyo gihe ntibigeze babihakana cyangwa ngo bihishire kuko akenshi wasangaga amafoto yabo ku mbuga nkoranyambaga bari kumwe, barebana akana ko mu jisho ndetse banabwirana amagambo meza y’urukundo.

Ku wa 1 Werurwe 2018 hagiye hanze amakuru yemeza ko Mutesi wabaye Nyampinga w’u Rwanda mu 2012 yambitswe impeta y’urukundo na Egide Mbabazi bari bamaze igihe kirekire bakundana, amusaba kumubera umugore bakinjira mu buzima bazabanamo akaramata.

Egide yambikiye Miss Mutesi Aurore impeta y’urukundo muri Pariki ya Grand Canyon iherereye i Las Vegas muri Leta ya Nevada.

Icyo gihe amakuru yasakajwe n’umuvandimwe wa Miss Mutesi Aurore, Grace Kamuronsi abinyujije kuri Instagram, atangaza ibihe by’umunezero udashira Mbabazi na Mutesi batangiye bibaganisha ku kurushinga, mu mafoto yasakajwe Miss Aurore byari byamurenze asuka amarira.

Aba bombi bahanye isezerano imbere y’amategeko ku wa 29 Nyakanga 2018 ku nkombe z’inyanja mu Mujyi wa Portland muri Leta ya Maine, bemeranya kubana ubudahemukirana haba mu byiza no mu makuba.

Muri Gashyantare umwaka ushize nibwo Kayibanda yemeje ko yatandukanye n’umugabo we.

Uretse kuba Mutesi Aurore yarabaye Nyampinga w’u Rwanda mu 2012, yanambitswe ikamba rya Miss FESPAM ryatangiwe mu Mujyi wa Brazzaville mu iserukiramuco Nyafurika rya muzika, Festival Panafricain de la Musique mu 2013.

Aje mu Rwanda hashize umwaka urenga atangaje ko yatandukanye n'umugabo we
Hari hashize igihe kinini Aurore atagera mu Rwanda
Miss Aurore Kayibanda ari mu Rwanda
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza