Kigali: Abashaka akazi bagiye guhuzwa n’ibigo bisaga 100 bigafite

6 7-11-2018 - saa 22:19, Emma-Marie Umurerwa

Umujyi wa Kigali ubinyujije mu kigo gihuza abashaka akazi n’abagatanga, Kigali Employment Service Center, wateguye igikorwa kizahuza abashaka akazi n’ibigo bigatanga kizwi nka ’Job Net’ ku nshuro ya gatandatu.

Ku wa 6 Ukuboza 2018 guhera saa mbiri za mu gitondo kugeza saa kumi n’imwe, muri ‘Conference and Exhibition Village’ hasanzwe hazwi nka Camp Kigali hazaba hahuriye ibigo bitanga akazi bigera kuri 100 hamwe n’abagashaka bashobora kurenga 1000.

Mu bitabiriye Job Net mu 2015, ababonye akazi ni 128; mu 2016 ababonye akazi ni 130 naho mu 2017 ababashije kubona akazi ni 297. Abashaka akazi ntacyo basabwa uretse kwitabira gusa.

Umuyobozi wa Kigali Employment Service Center, Niyonsaba Aloys, yabwiye IGIHE ko iki gikorwa ngarukamwaka kimaze guhesha akazi abakozi basaga 1000 mu myaka itanu ishize.

Yagize ati “Umwaka ushize hitabiriye abashaka akazi bagera ku 1214, ibigo byitabiye byageraga muri 50, Uyu mwaka hateganyijwe ibigo 100 abashaka akazi bo bashobora kurenga 1000 kuko baritabira cyane.”

Muri gahunda yo guhuza akazi n’abagashaka yabaye umwaka ushize wa 2017, ababonye akazi ngo bagera kuri 297 mu 1000 bari bitabiriye.

Benshi mu bashaka akazi bitabira iyi gahunda ngo baba barangije kaminuza mu mashami atandukanye, hakaba hari gahunda ko iki gikorwa cyajya kiba kabiri mu mwaka aho kuba rimwe nk’uko byari bisazwe.

Ibigo by’abikorera mu Rwanda bikangurirwa kwitabira iyi gahunda kuko bihakura abakozi b’inararibonye, bikaba n’umwanya mwiza wo kumenyekanisha ibyo bakora.

Abashaka akazi bagiye guhuzwa n'abagatanga ku nshuro ya gatandatu

[email protected]

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Dya 2018-11-09 02:49:03

Ibi bintu nabigiyimo uyu mwaka arko nibwo bwa mbere mu buzima nari ntaye umwanya nitike...muzajyeyo muzambwira

2
Alexis 2018-11-08 10:44:02

Nonese nabize kaminuza gusa

3
Iryivuze Olivier 2018-11-08 04:47:04

Icyo gikorwa nicyiza ariko numvaga ahubwo aho kugirango babikore kabiri mumwaka ahubwo bakwegereza iyo gahunda mu mirenge yindi .
Urugero : guhuza imirenge ya gikomero; bumbogo; Rutunga ; Rusororo na ndera hanyuma wenda igikorwa kigashyirwa mumurenge wo hagati
Murakozs

4
Clerk 2018-11-07 23:37:50

Nibyiza rwose

5
Emmy 2018-11-07 22:40:14

Mukorera he he umuntu ngo ahagere ese iyi gahunda izaba ryari

6
ndugu 2018-11-07 21:49:01

mwaryama cg mugashakira nomubindi bihugu abarangiza kaminuza nibenshi cyane barakabije kubona nabarangiza engineering asigaye akubitwa nubusheri . ibikera ntibyabagaho engineer yabaga arumuntu ukomeye cyane nahubu arutwa numunyonzi

Kwamamaza