Kicukiro: Ishuri rivugwaho gukubitirwamo umunyeshuri ryasobanuye ikibazo cye

25 9-11-2018 - saa 08:07, IGIHE

Ku wa 5 Ugushyingo 2018 havuzwe inkuru y’umwarimu wigisha mu Ishuri rya Mère Agathe riri ku Kicukiro washinjwe gukubita no gukomeretsa umunyeshuri amuziza kutajya muri korali hamwe n’abandi.

Uyu munyeshuri w’imyaka umunani asengera mu Bahamya ba Yehova. Ikibazo cyatangiye yanga kujya muri korali kuko se yamubujije guteranira muri Kiliziya Gatolika.

Mu gihe abandi bari bagiye muri korali, nkuko umubyeyi we yabisabye ikigo, umwana hamwe na murumuna we ubuyobozi bwaberetse aho bari bube bari kuko bo imyemerere yabo [abahamya ba Yehova] itabibemerera.

Ubuyobozi bw’ishuri buvuga ko korali irangije kuririmba abana basubiye mu mashuri yabo; uyu munyeshuri nawe ajyana n’abandi ari kwiruka we na mugenzi we bigana witwa Rukundo, aza gutsitara ku intebe akayikubitaho akomereka ku mutwe.

Ni yo makuru yatangarije abarimu n’umubikira ushinzwe gutanga ubuvuzi bw’ibanze wamuvuye ndetse n’abanyeshuri bigana barayashimangira imbere y’Umubyeyi we, umunyamakuru ndetse n’ubuyobozi bw’ishuri.

Gusa ngo yageze mu rugo abwira ababyeyi ko mwarimu yamukubise irati akamukomeretsa mu mutwe.

Umubyeyi we witwa Ntagungira Aimable yabwiye IGIHE ko yaganirije umwana we inshuro nyinshi, akamubaza uko yaba yarakomeretse undi agashimangira ko yakubiswe n’umwarimu.

Ati “ Umwana aravuga ko yakubiswe. Nakomeje kumuganiriza nk’inshuti yanjye, umwana w’imyaka umunani ntabwo muziho kubeshya. Nakomeje kumubaza nti ubwo ntiwaba warabeshye ukababeshyera? Ati ni ukuri njye narakubiswe.”

Uyu mubyeyi avuga ko nyuma y’aho umwana we ahuye n’iki kibazo, yahise atanga ikirego mu Bugenzacyaha (RIB) ategereje ibizava mu iperereza gusa yafashe umwanzuro wo kudasubiza umwana we muri iki kigo.

Umuyobozi wa Ecole Mère Agathe, Umubikira Nzale Kahindo Lucie, yatangarije IGIHE ko uyu mwana wiga mu mwaka wa Gatatu w’amashuri abanza, bamaranye imyaka itandatu.

Yagize ati “Ku wa Mbere twari mu myiteguro ya misa isoza umwaka. Umwana yabwiye umwe mu bayobozi ko Se yamubujije gusengera muri Kiliziya. Na we bamuhamagaye arabihamya.”

Yatumwe murumuna we ngo bashakirwe aho baba bari, ari nabwo yaje gusubira mu ishuri akahakomerekera.

Ati “Ubwo abandi basubiragamo indirimbo, wa mwana hamwe na murumuna we bari bicaye aho beretswe n’ubuyobozi. Nyuma basoje kuririmba, umwana yagiye mu ishuri ari naho yakomerekeye.”

“Yabajijwe icyo yabaye avuga ko yakubise umutwe ku ntebe ari gukina n’uwitwa Rukundo. Bagenzi babyemeje imbere y’Umubyeyi we.”

Yahise ajyanwa kwa Soeur Francine wita ku bagize uburwayi ku ishuri. Uyu yabonye igikomere kidakanganye cyane amushyiriraho umuti, ndetse yagiye gutaha gisa n’icyumye.

Ubusanzwe abanyeshuri barwaye cyane bahabwa ubutabazi bw’ibanze, abakeneye ubufasha bwisumbuyeho bakoherezwa mu bitaro.

Mu ijoro, Se w’umwana (Ntagungira Aimable) yoherereje umwe mu barezi b’ishuri ubutumwa buherekejwe n’amafoto bugaragaza umujinya mwinshi cyane.

Umuyobozi w’ishuri avuga ko yamuhamagaye amusobanurira amakuru umwana we yatanze ariko undi amusubiza ko yagejeje ikirego kuri Polisi.

Yavuze ko “Twiteguye kuganira na RIB. Ntabwo twakwemera ibinyoma, dushaka kubaka umwana uhamye mu burezi, ubuzima bw’umubiri n’umwuka. Ntabwo twakanga ko ukuri kw’ibintu gushyirwa hanze.”

Yasobanuye ko umubyeyi yari akwiye kuganira n’ubuyobozi bw’ikigo mbere yo gufata undi mwanzuro.

Yagize ati “Ikigo cyacu cyakira abana bo mu madini yose kandi tubigisha nta vangura. Amategeko y’ikigo ateganya ko umunyeshuri ategekwa kuyakurikiza, iyo hari misa tubajyana hamwe kugira ngo byorohe no kubacungira umutekano.”

Umuyobozi uhagarariye Abarimu muri Ecole Mère Agathe, Ntihinyurwa Aphrodis, yavuze ko Dunia Dieudonné ushinjwa gukubita umwana ariwe uhagarariye korali.

Ati “Twari kumwe turi gutanga ibizamini ku batarabikoreye igihe. Ntabwo yigeze agera mu ishuri umwana avuga ko yakubitiwemo.”

Perezida w’Ababyeyi muri Ecole Mère Agathe, Simba Peter, umaze imyaka ine ayobora yavuze ko yari atarahamagarwa abwirwa ikibazo cy’umwana wahowe idini.

Ati “Komite y’ababyeyi dufite inama rusange ku wa 10 Ugushyingo 2018, tuzasobanuriramo ukuri kw’ikibazo. Turakomeza gukurikirana ikibazo, twegere uyu mubyeyi tubiganireho.”

Ecole Mère Agathe ibarizwamo abanyeshuri barenga 600 ni ishuri ryashinzwe mu 2015.

Ubuyobozi bwa Ecole Mère Agathe buvuga ko abana bubahirwa imyemerere yabo ijyanye n'idini
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2 | 3  

1
Natacha 2018-11-10 15:55:21

Gusa icyo nzi cyo,abo babikira aho bava bakagera,bagira mukushi kumutima!

Ubugome bakorera abana mu bigo bunyuranye bayobora birenze ubunyamaswa!
Iyo bakwanze nta n,uwaguha amazi yo kunywa!

2
rubaita athanase 2018-11-10 02:51:12

amakuru

3
kkk 2018-11-09 23:30:22

niba abana Bose babsjyana muri misa Bose Ni abagatolike aho harimo Kubangamira umuntu mu murmerere yidini,
ikigaragara umwana yarakubiswe

4
Bimawuwa 2018-11-09 17:23:06

Njye ntabwo narinziko icyo kigo cyu bugenzacyaha RIB gikora cyakira ibirego bya bantu kikabikurikirana nanziko gikurikirana ikibazo cyananiwe na police hama ikifashishamicyo kigo nimba ariko gikora umuntu ufite ikibazo akagihamagara police ntacyo imaze rero cg wenda nicyo kibanza kureba ikibazo cyananirana ikagiha police nariniko kizakora nka FBI cg ibindi bigo bikome kubryo police ibyiyambaza yabuze igisubizo kukirego runaka

5
N.Emmy 2018-11-09 15:09:39

uyumubyeyi ahubwo ukurikiranwe namategeko uku afite ingengabitekerezo yokuvangura muriwe rwose kukobigaragara ko mbere yuko ikibazo kiba yariyabitangiye ese koko abayohova niko imyemerere yabi iri ?byaba aramahano mu rwanda abaye ariko biri. ikibazo nuko ntanishuri bagira kandi bagashaka nokumera nkatwe bagera imbere bakabihakane...ukunuguhohotera umwana pe

6
Neutral 2018-11-09 13:04:50

Bavandimwe, reka mbabwire. Njye ndagaya abantu babiri.
1. Umubyeyi: mbere yo gushyikiriza ikibazo RIB, yari kwegera abarezi b’ishuri, akababaza neza ibyabaye Ku mwana we. Yakumva atanyuzwe akabona kugana inzira y’ubutabera.
2. Ndagaya RIB: iyo ikibazo kiri mu iperereza, numva kitagombye kujya mu itangazamakuru. RIB yari kureba abayobozi b’ishuri, ikaganiriza umwana n’abandi bafite icyo babizi ho hanyuma igatanga umurongo ngenderwaho.
Ibyo muvuga by’amadini n’imyemerere, ntimukabitindeho. Buri wese agira icyo akunze kandi akumva yakiraga umwana we.
Rero sinumva impamvu iyi nkuru yaje muri media.

7
R.A. be 2018-11-09 12:31:25

aba bayweyi bagomba kubabafite icyo nbafpa uwomwana akaba ariwe ubigaragaje : ariko kandi bibaho ko ana bakina uwe agakomeretsa udi atabigambiriye abandi bana nibo bavuga ukobyagenze.

8
Ukuri 2018-11-09 11:26:38

Njye simbona ko kuba umubyeyi yasaba ko umwana we mu gihe cy’amasengesho yo ku kigo yigaho mu gihe adahuje ni myemerere ye,
Kuba yasaba ko atazajya ayitabira haba hatimo ivangura!!

Ahubwo kuba Ubuyobozi bw’ikigo bwashyiraho amabwiriza ategeka abana bose kwitabira amasengesho yo mu kigo kandi bise badahuje imyemerere ibyo ni Uguhonyora Uburenganzira bwa Muntu ku kwigenga ku myerere ye.

Leta yacu yagakwiye gukosora iyo myumvire iba mi bigo bimwe na bimwe kandi bikunze kugaragara mu bigo bya Kriziya ni ibya Abadventiste.

Niba UMUGANDA W’IGIHUGU ngaruka mwaka warahaye bamwe uruhushya rwo kutawitabira kuko baba bari mu masengesho yabo,

Noneho bagahabwa umunsi wabo wihariye,

Ese kuki mu mashuri habamo guhatira abana gusenga bimwe kandi batandukanye amadini...?

Erega umwana agendana ni myemerere ya babyeyi be nta kumutandukanya na babyeyi be rero icyo cyumvikane.

Ndashima abaislamu kuko bo mu bigo byabo nta mwana uhiga ari umukirstu uhatirwa gusengana nabo.
Ndetse babaha na barimu babigisha iyobokamana rijyanye nibyo bemera mu bukirstu.

9
Nda 2018-11-09 10:30:25

Birashoboka ko uyu mwarimu atakubise uyu mwana. Ahubwo umwana yabeshye se kuko afite ubwoba bwo guhanwa na se kuberako ari inkubaganyi, kandi azi nezako ise ntacyo yatwara mwarimu bityo rero yahisemo kuba ariwe abeshyera. Uvuga rero ko umwana w’imyaka 8 atabeshya arimo arishuka kuko abana bo muri iyi myaka barabeshya cyane babitewe n’ubwoba bwo gutinya ingaruka z’amakosa bakoze.

10
Eduth 2018-11-09 08:29:27

Kubuza umwana gusenga mubandi nabyo ni ivangura .mumibanireye nabo aba yumva ko batandukanye ,ubwo se ko twuze my bigo by’abadivantiste ko twubahirizaga gahunda zabo neza ,abiga mubigo by’abasirsmu se ko bambara uniforms nkizabandi ,iyo wumva utishimiye imyemerere y’abandi nawe ugomba kujyana aho wumva hakunogeye ,amashuri yabihaye Imana niyo yonyine yubahiriza uburenganzira bwandi madini ,aho gutezayo amatiku rero muzabavaneyo murebeko babura abanyeshuri abahashakira ubwenge nibo benshi kndi bazaabubonayo.iby’abavuga NGO umwana wimyaka 8 ntabeshya mumenyeko is I yahindutse nuwitatu arakubeshyera kndi bigafata.

Paji: 1 | 2 | 3  

Kwamamaza