Haravugwa ubusambanyi muri Miss Earth Umutoniwase akubutsemo

12 9-11-2018 - saa 16:21, Uwiduhaye Theos

Umukobwa wari uhagarariye Canada muri Miss Earth 2018, Jaime VandenBerg, Umwongerezakazi Abbey-Anne Gyles-Brown na Emma Mae Sheedy wari uhagarariye Guam muri iri rushanwa, bazamuye ijwi bavuga ko basabwe na bamwe mu baterankunga b’iri rushanwa ko baryamana.

Aba bakobwa uko ari batatu bifashishije urubuga rwa Instagram bagaragaje agahinda batewe no kuba baragiye muri Miss Earth bagatungurwa no gusabwa na bamwe mu baterankunga ko bakorana imibonano mpuzabitsina.

Jaime VandenBerg wari uhagarariye Canada mu butumwa yanditse ku rukuta rwe rwa Instagram, yagaragaje ko ibyo yabonye muri iri rushanwa atari byo yari yiteze kuko yasabwe gukorana imibonano mpuzabitsina na bamwe mu baterankunga.

VandenBerg yakomeje avuga ko hari umwe mu baterankunga atigeze avuga izina wahawe nimero ze z’uyu mukobwa n’umuntu atazi ndetse uyu mugabo akaza kumuhamagara amubaza icyumba cya Hoteli araramo undi akamubera ibamba.

Yakomeje avuga ko uyu mugabo yabaga ari hafi mu bikorwa byose Jaime yagaragaragamo amwereka ko azamwishyurira ibintu byose azakenera ariko akamusaba ko azamubimuha igihe bazaba bamaze kuryamana ndetse akamufasha kugira umwanya mwiza mu irushanwa.

Umwongerezakazi Gyles-Brown nawe yasangije abamukurikira agahinda ke avuga ko 50% by’urugendo yagiriye muri Philippines byari umunezero ariko indi 50% ikaba umubabaro kubera uburyo yagiye yasabye kenshi na bamwe mu baterankunga kuba yaryamana nabo kugira ngo azahabwe ikamba.

Uyu mukobwa yakomeje avuga ko ibi byose byabereye mu kabyiniro kitwa Manila Yacht Club bajyanywemo, ndetse akaba ari ko na Jaime VandenBerg avuga ko we na bagenzi be bo mu itsinda rimwe bajyanywemo bagasabwa kwifotoza amafoto y’urukozasoni.

Miss Earth, Guam Emma Mae Sheedy, nawe mu minsi ishize yigeze kwandika kuri Instagram avuga ku gahunda yari ahuriyeho n’aba bagenzi be ko gusabwa kuryamana n’abaterankunga.

Abakobwa babwirwaga kwitwara neza

Aba bakobwa bavuze ko iyo bazamuraga ijwi babwira abategura irushanwa ko bari guhohoterwa babifataga nk’urwenya.

VandenBerg ati “Abategura irushanwa barasekaga, bakatubwira kuba beza. Gusa twari twemerewe kugenda tukicara mu modoka yari yatuzanye tukava muri Manila Yacht Club. Njye n’abandi bakobwa batandatu twahise tugenda tujya muri iyo modoka kubera ko twumvaga nta mutekano dufite muri iki gikorwa.”

Gyles-Brown we yavuze ko yagirwaga inama yo kutarira kugira ngo bidatuma ibirungo yisize [make up] byangirika.

Ati “Nta kutwubaha na guke yaba kuri njye cyangwa ku bandi. Nakuye ihungabana muri iri rushanwa ndetse hari amajoro menshi maze ntagoheka.

VandenBerg, Gyles-Brown na Sheedy bavuze ko n’ubwo ibi byose byabaga nta cyakorwaga ngo bihinduke.

VandenBerg yavuze ko bamenyesheje ikibazo cyabo Lorraine Schuck wari uri mu bashinzwe gutegura Miss Earth akababwira bagiye gukurikirana ikibazo cyabo ariko ntihagire igihinduka.

Ati “Twari twarabwiwe ko uyu mugabo agiye gukumirwa ntabe hafi yacu ariko Lorraine Schuck nta kintu yigeze abikoraho.”

Uyu mukobwa yakomeje avuga ko hari undi wari uri mu bategura irushanwa witwa Peachy Veneracion wamubwiye ko ari iby’agaciro kuba inshuti n’abaterankunga b’irushanwa.

Lorraine Schuck mu kiganiro yagiranya na GMA News yavuze ko VandenBerg atigeze abamenyesha ibijyanye no gushaka gusambanywa ku gahato.

Yakomeje avuga ko hari n’abapolisi bari bashinzwe kurinda aba bakobwa ku buryo ntawari guhungabanywa.

Monica Aguilar Cuba nawe aherutse kwandika ku rukuta rwe rwa Instagram avuga ko nta mukobwa wigeze asabwa n’abaterankunga ko baryamana.

Mu kiganiro na IGIHE Umutoniwase Anastasie wari uhagarariye u Rwanda muri iri rushanwa, yavuze ko nta kintu yabivugaho kuko bitigeze bimubaho.

Ubwo hatangwaga ikamba
Uhereye ibumoso: Jaime VandenBerg wo muri Canada, Abbey-Anne Gyles-Brown w’u Bwongereza na Emma Mae Sheedy wo mu Birwa bya Guam
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
Pook 2018-11-11 11:25:19

Ahubwo abo bakobwa batanze ibyo
basabwe hanyuma ntibahabwa ibyo basezeranyijwe none agahinda kari kubashengura umutima!!!?!! Uwacu se ko ntacyo avuga,we ntabwo bamwiteje?

2
manzi 2018-11-10 12:07:32

Ubundi se uretse kwikosa ubundi ujjya mu irushanwa rya miss aba akigira ibanga ry’umubiri we?

3
Rwasibo 2018-11-10 07:16:03

Iyi si iteye agahinda.Reba nawe ukuntu Abakobwa baba bambaye ubusa.Mu byukuri,Girls are men’s sex objects.Ni ibikoresho by’abagabo.Kuki buri gihe mu ndirimbo,ibitaramo,fashion shows,etc...buri gihe ari abakobwa Bambara ubusa gusa?Kwambara ubusa,biteze imbere ubusambanyi.Sex y’abakobwa,yabaye "tool" (igikoresho) yo kubona akazi,gutsinda ikizami n’andi marushanwa.Nyamara Imana yaduhaye sex kugirango tuyihe umuntu umwe gusa tuzabana binyuze mu mategeko.Millions and millions z’abantu basambana,ntabwo bemera ko ari icyaha kizatuma batabona ubuzima bw’iteka muli paradizo dutegereje.Ntacyo bimaze kwishimisha akanya gato,hanyuma ukazabura ubuzima bw’iteka muli Paradizo kandi ntuzazuke ku Munsi w’Imperuka.Nukugira ibitekerezo bigufi cyane.

4
Al 2018-11-10 04:28:05

Ge sindi injiji ipfa kwemera ibivuzwe byose ntagihamya mbifitiye hari nabi twaza ko ibyo iyo bamaze gutsindwa kugirango yerekane ko yari gutsinda iyo yemera kuryamana nabo .... Ubuse tuvuge ko uwatsinze nabaje imbere ari abaryamanye nabo noneho ababuze I midari akaba ari abanze gutanga ituru y’imyanda ? Nibitwaze ibindi .

5
Rutayisire John 2018-11-10 04:20:49

Ibyo MAZIMPAKA avuze ni ijana kwijana, kuko ntabwo ubwiza bw’umukobwa buba mukwambara ikariso nuko ugaharara imbere yabagabo, kuko gitsina gabo always aba nyine ari igitsina gabo rero ntawundi ugomba kumwambarira ubusa imbere uretse umugore we bashakanye gusa. ikindi nuko buriya bariya bakobwa babivuze ari ababyanze kuko ababyemeye byurya aba aribo benshi kubera kwizezwa ama dorari

6
Rutayisire John 2018-11-10 04:20:44

Ibyo MAZIMPAKA avuze ni ijana kwijana, kuko ntabwo ubwiza bw’umukobwa buba mukwambara ikariso nuko ugaharara imbere yabagabo, kuko gitsina gabo always aba nyine ari igitsina gabo rero ntawundi ugomba kumwambarira ubusa imbere uretse umugore we bashakanye gusa. ikindi nuko buriya bariya bakobwa babivuze ari ababyanze kuko ababyemeye byurya aba aribo benshi kubera kwizezwa ama dorari

7
Semahane Simon 2018-11-10 04:05:41

Ariko c uretse kwigiza nkana ubwo hari abo byatungura! Ahubwo wenda ibyo bari basezeranyijwe ntibabihawe! Naho se ubundi bakwirirwa bakaraga ayo mabuno, izo ntege, ayo matuza.... imbere y’ibigabo byishyiriyemo ifaranga ryabyo (nta muvandimwe cg umwana wabo barebamo)bakumva birangira gutyo gusa. Ntibakajye bigiza nkana!!!!
Naho uwo waduserukiye niba azamagana ikibi gusa ari uko cyamugezeho directly ndumva tutamutegerezaho byinshi!

8
matuba 2018-11-10 02:51:17

Bajye bakura ubupfayongo aho. Ibyo bintu baba bagusaba se ko twabiherewe ubuntu kandi wapfa ukabijyana kubitangaho rimwe bakaguha akantu bitwaye iki?Nanjyr uwangezayo maze nkagitanga nkibera uwa mbere

9
ishimwe eric,nyabihu,jomba,gasura. 2018-11-10 02:35:33

birababaje kuba wizeye ko ugiye mukazi abaterankunga buwomushinga bagashaka ko muryamana,abo ba ninyampinga biheshe ishema kuko ibyo ataribyo batorewe.

10
ishimwe cedrick 2018-11-09 14:21:14

byaba bibabaje pe! ariko ibuye ryagaragaye ntiriba rikishe isuka ubwo ubutaha baza bigenzure neza

Paji: 1 | 2  

Kwamamaza