Abanyarwanda bafitiye icyizere itangazamakuru ku kigero cya 75.3%

11 7-11-2018 - saa 11:42, Mukaneza M.Ange

Icyegeranyo cya 2018 ku bipimo by’iterambere ry’itangazamakuru mu Rwanda, cyagaragaje ko abanyarwanda bafitiye icyizere itangazamakuru ku kigero cya 75.3%.

Igipimo cy’uko itangazamakuru rihagaze mu 2018 (Rwanda Media Barometer) cyamuritswe kuri uyu wa Gatatu, cyagaragaje ko muri rusange riri kuri 72.4% mu gihe mu 2016 ryari kuri 69.6%.

Cyakozwe n’Urwego rw’Igihugu rw’Imiyoborere hagendewe ku bipimo umunani harimo n’igishya kigamije kureba icyizere abaturage bafitiye itangazamakuru, igipimo kikaba cyerekanye ko bari kuri 75.3%.

Urwego rwasubiye inyuma ni ururebana n’ubushake bw’abanyamakuru mu kubahiriza amabwiriza agenga umwuga n’ikigero cyo gukurikiza amategeko agenga umwuga w’itangazamakuru, biri kuri 64.2%, mu gihe mu 2016 byari kuri 71.4%.

Nk’uko byagaragajwe n’iki gipimo, ibirebana n’ubwisanzure bw’itangazamakuru byasubiye inyuma, aho byavuye kuri 82.1% mu 2016, bikagera kuri 81.3% mu 2018.

Icyegeranyo kigaragaza ko ibirebana no kugira ibitangazamakuru bikora mu byiciro bitandukanye biri ku kigero cya 66.2%, itangazamakuru nk’urubuga rufasha kugera muri demokarasi biri kuri 74.9%.

Ingingo yo kongerera abanyamakuru ubushobozi no gutera inkunga ibigo bigira uruhare mu gutuma habaho ubwisanzure biri ku kigero cya 68.4%, gushyiraho rya gahunda n’ibikorwaremezo bigamije kurushaho gutuma itangazamakuru ryigenga rigatera imbere biri kuri 72.4%.

Uburyo abaturage babasha kugera ku itangazamakuru n’uburyo bagera ku makuru biri ku kigero cya 76.4%.

Umunyamabanga Nshingwabikorwa w’Urwego rw’abanyamakuru bigenzura mu Rwanda (RMC), Mugisha Emmanuel, yagaragaje ko muri rusange bishimira intambwe itangazamakuru rimaze gutera, kandi ibi byagizwemo uruhare n’amavugurura atandukanye yagiye akorwa.

Ati “ Icya mbere cyabigizemo uruhare n’itegeko rirebana no kugera ku makuru, guhabwa uburenganzira bwo kwigenzura no guhindura Ikigo cy’Igihugu cy’Itangazamakuru kikava mu maboko.”

Umunyamabanga Nshingwabikorwa y’Inama Nkuru y’Itangazamakuru, MHC, Peacemaker Mbungiramihigo, we yagarutse ku gipimo kigaragaza uko abaturage bakira amakuru bahabwa n’ibitangazamakuru avuga ko ari ibyo kwishimira kuko bigaragara ko itangazamakuru aribo rikorera koko.

Ati “ Ibi bigaragaza ko itangazamakuru rikora akazi karyo uko rishoboye. Ubu urubuga rusesuye rwahaye n’abikorera uburenganzira bwo gushinga ibitangazamakuru ku buryo hari ibitekerezo binyuranye bica mu itangazamakuru […]. Kubera ko dufite ibitangazamakuru byinshi bitanga amakuru atandukanya, bituma abaturage bagira agaciro bariha.”

Umuyobozi w’agateganyo wa RGB, Dr Usta Kayitesi, yavuze ko kuba byaragaragaye ko ubwisanzure bw’itangazamakuru bukiri hasi kandi nyamara abaturage bo bagaragaza ko batanga ibitekerezo mu bwisanzure ku kigero kiri hejuru ya 80%, biterwa n’impamvu nyinshi zirimo n’abanyamakuru ubwabo.

Dr Kayitesi yavuze ko hari abantu usanga basabwa amakuru ntibayatangire igihe, ariko ku rundi ruhande hakaba hari n’abanyamakuru ubwabo bakifitemo kwitinya no kumva ko atari buri gitekerezo batanga.

Mu gukora iki cyegeranyo habajijwe abantu 11,872 bo mu turere 30, mu gihe mu 2016 hari habajijwe abantu 3000 bo mu turere 15.

Ni ku nshuro ya gatatu Rwanda Media Barometer ishyizwe ahagaragara, iya mbere yamuritswe mu 2013. Igikorwa cyahujwe no kwizihiza Umunsi Nyafurika w’Itangazamakuru.

Umuyobozi w'ishami rishinzwe Itangazamakuru muri RGB, Gerard Mbanda, niwe wamuritse iki cyegeranyo
Umuyobozi w'Inama Nkuru y'Itangazamakuru, Mbungiramihigo Peacemaker (iburyo) akurikirana igipimo cy'itangazamakuru mu Rwanda
Umuyobozi Mukuru w'agateganyo wa RGB, Dr Usta Kaitesi (ibumoso), Minisitiri muri Perezidansi Uwizeye Judith (hagati) n'Umunyamabanga wa Leta ushinzwe Itegeko Nshinga n'andi mategeko Evode Uwizeyimana bakurikirana icyegeranyo
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
blaise 2018-11-08 08:10:52

ibyo ni ukubeshya kuko byonyine kuba munyonga comment z’abantu zinenga ibitagenda nukuvuga ko nta bwisanzure mwitangazamakuru,ngaho niba hari ubwisanzure mureke iyi itambuke

2
Amiel 2018-11-08 04:50:21

Ariko ariko ariko abanyarwanda twagatorwa!!!!!!!!! Ejo ko kwa Asinaporo bagiye murukiko bagakoronga ko ntacyo mwatumvishije bavuze niba koko itangazamakuru ryigenga.Ni nk’uwakwihandagaza akifata kugahanga akavuga ko ubucamanza bwigenga!!!!!! Byose bizasubirwamo numvise oposition y’abagore isigaye ivuga nta kugira ubwoba

3
Mukamurigo 2018-11-08 00:11:36

Ubwo abo ni abahe banyaranda uvuga ? Yewe rekera aho niba ari amanota ushaka bazayaguha ntivbazakwirukana humura.Ahubwo se hano haba itangazamakuru ko bose ubwoba bwabamaze! Ko ntarabona hari ujya kubaza ba Ingabbire na ba Diane bati bite ko ntacyo mutangariza abaturage!! Icecekere.Nta na 5% niba ushaka kumenya ukuri.Itekinika we!!!!!!!!!!!!!!

4
kabayiza 2018-11-08 00:10:38

Reka reka mwikwitera ijeki iyo abanyarwanda bashaka amakuru bishakira BBC na VOA naho iryinyemezabigwi ni akaga 0.2%

5
Kanyarwanda 2018-11-07 12:58:18

Itangaza makuru ntacyo wari nenga kuko ntacyo ryishe nta nicyo rikijije
Wenda umunsi umwe rizagera aho rikanguke!!

6
kevin 2018-11-07 12:35:46

amakuru ya sport numuziki ho byo ni 100% naho gusesengura politic ubutabera nimibereho yabaturage ni 10% iyo riba rikorera abaturage ibibazo bibera muma cooperative barya umusaruro wabo transport barara kumirongo ibyiciro byubudehe bitaribyo na ibyegeranyo bitaribyo riba ribivugaho ark ryibera mubwongereza mumipira gusa

7
kevin 2018-11-07 12:35:46

amakuru ya sport numuziki ho byo ni 100% naho gusesengura politic ubutabera nimibereho yabaturage ni 10% iyo riba rikorera abaturage ibibazo bibera muma cooperative barya umusaruro wabo transport barara kumirongo ibyiciro byubudehe bitaribyo na ibyegeranyo bitaribyo riba ribivugaho ark ryibera mubwongereza mumipira gusa

8
kaks 2018-11-07 09:59:49

Minister, icecekere ngo ribara uwariraye abanyamakuru bitinya?????? hum

9
Andreya Rudatinya 2018-11-07 08:17:39

Rwose njye ndashima iri tangazamakulukuko rinyuranije nirya cyera ryatumye abatutsi bashira!
Cyakora nyine ntabyera ngo de! Haracyarimo abarikoresha ubusambo, uburiganya nubuswa bahimbira abantu kugira ngo babone ifaranga! Abo nabo nimubarwanya muzagera ku 100%
Harya abo umuntu yabarega hehe?

10
Ndeze 2018-11-07 07:43:13

Nushaka uvuge ko TV 1 tuyifitiye icyizere 99 ku ijana kuko ivugira abaturage

Paji: 1 | 2  

Kwamamaza