IGIHE

Uganda: Polisi irashinjwa gufatira no guherana impeta y’isezerano ya Bobi Wine n’isokoreki ebyiri

3 11-01-2019 - saa 20:58, IGIHE

Polisi ya Uganda irashinjwa gufatira imitungo ya Depite Robert Kyagulanyi Ssentamu, uzwi nka Bobi Wine mu muziki, irimo impeta ye y’isezerano ndetse umwe mu bo bareganwa yafatiwe isokoreki ebyiri.

Bobi Wine na bagenzi be 35 bafatiwe mu bikorwa byo kwiyamamaza ku bakandida depite bifuzaga guhagararira Arua mu Nteko Ishinga Amategeko ya Uganda muri Kanama 2018.

Uyu mudepite na bagenzi be bashinjwa guteza imvururu n’imidugararo no gutera amabuye imodoka za Perezida Museveni.

Mu iburanisha ryo ku wa 10 Mutarama 2019 ryabereye mu Rukiko rwa Gulu, basabye gusubizwa imitungo yafashwe na Polisi kuko nta sano ifitanye n’ibyaha bakurikiranyweho.

Bobi Wine yavuze ko Polisi yamwatse ibirimo impeta ye, iPhone y’amashilingi miliyoni 3.5; $600, isaha n’ibyangombwa birimo icya Kaminuza ya Cavendish n’ikimugaragaza nka depite mu nteko.

Chimpreports yanditse ko Depite Kassiano Wadri yashinje Polisi ya Uganda kumwambura amafaranga miliyoni 85 y’amashilingi, inkweto yari afite.

Mu bandi bareganwa barimo Nighty Asara uri mu bayobozi b’inzego z’ibanze muri Uganda we yavuze ko yambuwe ibikapu byarimo ibitabo by’amategeko, icyangombwa cy’uwitabye Imana n’isokoreki ebyiri.

Mu mitungo Polisi ya Uganda ishinjwa irimo imodoka, telefoni zabo n’imyambaro.

Umunyamategeko Henry Kilama Komakech uhagarariye umwe mu badepite yasabye urukiko gutegeka Polisi ya Uganda gutanga iyo mitungo gusa Umushinjacyaha Mukuru, Julius Ocen, yavuze ko ibyafatiriwe bidashobora gusubizwa hagikorwa iperereza.

Urubanza rwa Bobi Wine na bagenzi be bakurikiranyweho ibyaha by’ubugambanyi rwimuriwe ku wa 14 Werurwe 2019 ngo ubushinjacyaha buzabe bwakusanyije ibimenyetso byose.

Depite Karuhanga Gerald uri mu bakurikiranwe yavuze ko gusubika icibwa ry’urubanza bidindiza akazi nk’abadepite kuko bahora mu ngendo nyinshi i Gulu aho baburanira.

Bobi Wine we yashimangiye ko batotejwe aho guhabwa ubutabera.

Ku wa 23 Kanama 2018 nibwo Bobi Wine yakuriweho n’Urukiko rwa Gisirikare ibirego birimo ibyo gutunga intwaro binyuranye n’amategeko no guteza imyigaragambyo igamije guteza inabi mu baturage, yoherezwa mu rukiko rwa Gisivili.

Bobi Wine yatawe muri yombi ashinjwa ibyaha birimo no gutera amabuye imodoka ya Perezida wa Uganda, Yoweri Museveni
Kwamamaza
Kwamamaza

Izindi nkuru wasoma

11 2 18-06-2019
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Mwiza 2019-01-13 12:45:52

[email protected] nagirango ngusubize ikibazo cyawe , ISOKOREKI ni IKARISO

2
ASKER 2019-01-12 02:20:53

’’ISOKOREKI’’ ni iki ra? iri jambo ryanyobeye rwose. nimba risanzwe munyihanganire ni ingaruka zo kuba i mahanga.

3
Dusingizimana jie 2019-01-11 15:09:30

mukura tuyifurije amahirwe masa

Kwamamaza