Tanzania yasabwe gufungura abatinganyi 10 yataye muri yombi bari mu bukwe

10 8-11-2018 - saa 13:14, Emma-Marie Umurerwa

Umuryango mpuzamahanga wita ku burenganzira bwa muntu (Amnesty International) wasabye Leta ya Tanzania gufungura abatinganyi 10 bataye muri yombi na polisi.

Aba batinganyi batawe muri yombi ku wa Gatandatu w’icyumweru gishize bari bitabiriye ubukwe bwa mugenzi wabo bwabereye ku kirwa cya Zanzibar.

The Washington Post ivuga ko inzego zishinzwe umutekano zabaguye gitumo muri ibyo birori kubera amakuru yatanzwe n’abaturage. Uretse 10 batawe muri yombi, abandi bagabo batandatu bari muri ubwo bukwe bahise bacika inzego z’umutekano.

Umuyobozi wungirije wa Amnesty muri Afurika y’Iburasirazuba no mu biyaga bigari, Seif Magango, yavuze ko ari ikintu kibabaje nyuma y’uko Guverinoma yijeje ko ntawe uzatabwa muri yombi ku mpamvu zerekeye gukora imibonano mpuzabitsina.

Yagize ati “Dufite ubwoba ko aba bagabo bashobora guhatirwa gupimwa mu kibuno, uburyo Guverinoma yahisemo gukoresha mu guhinyuza ko abagabo badakorana ibitsina. Ibi ntabwo bikwiye kubaho, aba bagabo bagomba guhita barekurwa.”

Abatawe muri yombi ngo bafungiye kuri sitasiyo ya polisi yo mu gace bakoreragamo ibirori kandi ngo nta cyaha na kimwe bashinjwa.

Imiryango iharanira uburenganzira bwa muntu ikomeje kotsa igitutu Guverinoma ya Tanzania, kubera icyemezo cyafashwe na Guverineri wa Dar es Salaam, Paul Makonda, cyo gutangira guhiga abatinganyi.

Human rights Watch nayo yagaragaje impungenge ku buryo Tanzania ikoresha mu gupima abagabo mu kibuno ngo irebe ko bataryamana.

Nyuma y’ibyatangajwe na Makonda, ishami ry’Umuryango w’abibumbye ryita ku burenganzira bwa muntu, ryavuze ko ibi bimeze nk’ibyigeze kubaho byo guhiga abarozi kandi bishobora gufatwa nk’ihohoterwa, ivangura n’ibindi bikorwa bibi byibasira abatinganyi.

Nyuma y’inkuru yo guta muri yombi abatinganyi itarakiriwe neza mu ruhando mpuzamahanga, Minisiteri y’Ububanyi n’Amahanga ya Tanzania, yavuze ko yitandukanye n’ibyavuzwe n’uyu muyobozi.

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Ally said 2018-11-10 05:09:42

Hhh ge ndumva umuntu ari uburenganzira bwe kuryamana nuwo bahuje igitsina ... Naho ibyo bamwe mwandika ngo ntibijyanye numuco , mwibagiwe ko umuntu ahitamo umuco umushimishije nkuko numuntu ahitamo idini ashaka ese ubundi umuco muvuga haruwukibaho? Ninde usigaranye umuco nyarwanda? Nuyu wadutse wabakire bikubira ibintu? Nuyu se wumukire amena ibiribwa umekene ashonje? Nuyu se wo kurya ibyimfubyi n’abapfakazi ? Nuyu se wa benshi mugitsina gore basigaye batunzwe n’ igitsina bagurisha? Umuco se muvuga usigaye nuwuhe niba mutararindagiye gusa ??

2
Ally said 2018-11-10 05:04:52

Hhh ge ndumva umuntu ari uburenganzira bwe kuryamana nuwo bahuje igitsina ... Naho ibyo bamwe mwandika ngo ntibijyanye numuco , mwibagiwe ko umuntu ahitamo umuco umushimishije nkuko numuntu ahitamo idini ashaka ese ubundi umuco muvuga haruwukibaho? Ninde usigaranye umuco nyarwanda? Nuyu wadutse wabakire bikubira ibintu? Nuyu se wumukire amena ibiribwa umekene ashonje? Nuyu se wo kurya ibyimfubyi n’abapfakazi ? Nuyu se wa benshi mugitsina gore basigaye batunzwe n’ igitsina bagurisha? Umuco se muvuga usigaye nuwuhe niba mutararindagiye gusa ??

3
bobo 2018-11-09 14:50:31

Iyi miryango ikoreshwa mu gushyigikira no kwimika ingeso mbi n’imico idafitiye akamaro ibihugu biyihatirwa. Iyi miryango ni ibikoresho bya bamwe mu bafite inyungu mu gusenya imibereho n’imitekerereze karemano y’ikiremwamuntu. The more people lose their values, culture and principles the easier it is for them to be led as sheep. This is the aim of those who are behind the so called groups of human rights. And globalisation has made is another weapon they’re using to forcefully influence our countries/communities.Birababaje.
Igitekerezo cyanjye simvugira uwo ari we wese.

4
Alexis 2018-11-09 07:08:32

Babakanire urubakwiriye, iki ni icyaha Imana yanga urunuka!!!! Nk’ubu bakajya babakubita inkoni 500, ukareba ko batareka ayo mabi yabo!!!

5
Kabeni 2018-11-09 03:28:54

Ariko abazungu bamaze guta ubumuntu kweri barongorana mukibuno kubera iki nabakobwa beza bahari nibyo bits human right Mana tabara

6
Meriane 2018-11-08 15:06:57

Umutinganyi aho ari hose ni haram. Azafatwe akanirwe urumukwiye. Ntimukabeshye ngo Imana yabaremye gutya cg kuriya. Ubutinganyi ni ingeso si karemano puuuu

7
Bad Action 2018-11-08 10:07:06

Icyakorwa mu kunaniza gouvernement y’a Tanzania ni uko abakerarugendo bonmu bihugu bikize cyane cyane gay community bareka gutemberera muri Tanzania ndetse na Zanzibar.

8
Bitababaje 2018-11-08 09:46:22

Icyakorwa mu kotsa igitutu Tanzania nuko abantu baturuka mu bihugu byubahiriza ikiremwa muntu bahagarika ingendo z’ubukerarugendo muri Tanzania maze ubwayo izibwiriza yidubireho nibona ama devises y’a tourisme agabanuka.

9
Bitababaje 2018-11-08 09:46:21

Icyakorwa mu kotsa igitutu Tanzania nuko abantu baturuka mu bihugu byubahiriza ikiremwa muntu bahagarika ingendo z’ubukerarugendo muri Tanzania maze ubwayo izibwiriza yidubireho nibona ama devises y’a tourisme agabanuka.

10
Aristide Sage 2018-11-08 05:30:56

Haha. Iyo ni imibobano mpuza bitsina bakora canke ni mpuza gitsina? Hari ibitsina bibiri: Gabo na gore!!!None umugabo n’umugabo bahuza iki?Umugore n’umugore bahuza iki? Ngo hari n’igitsina kitari determiné!!!!Emwe yemwe….ivyo ntibibaho kk umwe wese umubwiye uti kura impuzu turabe inyishu iraboneka. Leta nayo kwitandukanye n’ukuri ni ibisanzwe kk ni Leta nyene.

Kwamamaza