IGIHE

Tanzania: Umunyepolitiki Lissu wabaga mu buhungiro agiye gutahuka

0 25-01-2023 - saa 08:33, IGIHE

Umunyepolitiki Tundu Lissu, wigeze kuba umukandida ku mwanya wa Perezida wa Tanzania, akaba yabaga mu buhungiro mu Bubiligi, kuri uyu wa Gatatu arasubira mu gihugu cye.

Uyu muyobozi w’abatavuga rumwe n’ubutegetsi agiye gutahuka nyuma y’aho guverinoma yahaye rugari abanyepolitiki batavuga rumwe na yo ndetse aragirana ibiganiro n’abamushyigikiye nyuma ya saa sita.

Uwahoze ari Perezida wa Tanzania, John Pombe Magufuli ni we wari warimye urubuga abatavuga rumwe n’ubutegetsi kuva mu 2016.

Lissu yasimbutse urupfu kenshi kuko yarashwe inshuro zigera kuri 16 mu 2017 mu Murwa Mukuru wa Tanzania, Dodoma, ari na cyo cyatumye ahita ahungira mu Bubiligi.

Yaje gusubira muri Tanzania mu 2020 ahamara iminsi mike, ubwo yari agiye guhatana na Magufuli mu matora yabaye muri uwo mwaka ariko agira amajwi 13% gusa.

Ishyaka rye, Chadema ryamaganye ibyavuye mu matora rivuga ko habayemo uburiganya.

Tundu Lissu agiye gusubira mu gihugu cye nyuma y'igihe aba mu buhungiro mu Bubiligi
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza