IGIHE

RDC: Guverinoma yasubijeho internet nyuma y’itangazwa ry’ibyavuye mu matora

1 10-01-2019 - saa 13:42, IGIHE

Guverinoma ya Repubulika Iharanira Demokarasi ya Congo yasabye ibigo bitanga serivisi z’itumanaho gusubizaho internet, yari yakuweho guhera ku wa 1 Mutarama 2019.

Ibigo bitanga serivisi z’itumanaho kuri uyu wa Kane byamenyeshejwe uyu mwanzuro wa guverinoma, ndetse ikigo Africell gihita gisubiza ku murongo abakoresha internet yacyo.

Mu gihe ibintu byari bitangiye gushyuha hegereje umunsi wo gutangaza ibyavuye mu matora, internet n’uburyo bwo kohererezanya ubutumwa bugufi byari byahagaritswe, nk’uko ikinyamakuru Politico cyandikirwa muri RDC cyabitangaje.

Guverinoma yatangaje ko yafashe icyo cyemezo hagamijwe kwirinda ko hazabaho gukwirakwiza ibihuha ku byavuye mu matora.

Mu majwi y’agateganyo yatangajwe mu ijoro ryo kuri uyu wa Gatatu, Felix Tshisekedi utavuga rumwe n’ubutegetsi ni we watsinze amatora n’amajwi 7.051.013 ahwanye na 38.57%. Akurikiwe na Martin Fayulu wagize 6.366.732 angana na 34.83% mu gihe Emmanuel Shadary wari umukandida w’ishyaka riri ku butegetsi yagize amajwi 4.357.359 angana na 23.84%.

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
baptiate 2019-01-18 08:14:10

ariko muri African niho habaye indiri yabahakana ,ibyavuye mu matora.kuba atavuga rumwe na reta ntibimubuza gutsinda.

Kwamamaza