IGIHE

RDC: Fayulu yajuririye urukiko ku byavuye mu matora ya Perezida

2 12-01-2019 - saa 19:33, IGIHE

Martin Fayulu watanzweho umukandida n’amwe mu mashyaka atavuga rumwe n’ubutegetsi muri Repubulika Iharanira Demokarasi ya Congo (RDC), yatanze ubujurire ku byavuye mu matora by’agateganyo.

Kuri uyu wa Gatandatu nibwo Fayulu yajuririye Urukiko rushinzwe kurinda itegeko Nshinga asaba ko amajwi yongera kubarurwa. Ni nyuma y’uko Komisiyo y’amatora itangaje ko Félix Tshisekedi ari we watsinze amatora by’agateganyo.

BBC yanditse ko yatanze ubujurire hanze y’urukiko ndetse no ku rugo rwe hakwirakwijwe abasirikare.

Fayulu arashinja Tshisekedi na we utavuga rumwe n’ubutegetsi bwa Kabila, akagambane. Umunyamategeko we, Feli Ekombe, yavuze ko ‘ubusabe bwabo ari ugutesha agaciro ibyavuye mu matora yo kuwa 30 Ukuboza 2018’.

Fayulu we yagize ati “Nzakora igishoboka cyose kugira ngo haboneka ukuri kuko Abanye-Congo, bakeneye impinduka’. Avuga ko ibyatangajwe bidahuye n’ibyo abaturage batoye.

Hagati aho abamushyigikiye bari bakikije urugo rwe baririmba indirimbo zirwanya Kabila na Tshisekedi. Gusa hakimara kuza inzego z’umutekano bose bahungiyemo imbere mu rugo.

Nubwo Fayulu yajuririye urukiko, avuga ko afite amahirwe make kuko abenshi mu barugize ari abambari ba Kabila. Avuga kandi ko Tshisekedi yashyizweho na Kabila ngo akomereze aho yari agejeje.

Fayulu avuga ko Tshisekedi yashyizweho na Kabila ngo akomereze aho yari agejeje
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Kambasu Vilimumbaro 2019-01-12 23:15:01

Ese Martin Fayulu abwiye niki ko ariwe watowe.Mutinye Kiriziya Gatulika. Yamukoreye compagne bucece igihe cya penetensiya aliko birayipfubana..None bataye umutwe. Nibemere ibyavuye mu matora. Dore igihe ikiriziya igiriye akaraha kangahe?

2
Nix 2019-01-12 12:54:09

BIRAGOYE KO MURI AFRICA KO CANDIDAT USHYIGIKIWE NA WESTERN COUNTY KO YATSINDA, ISURA YARAHINDUTSEE, EX. KENYA, RDC,....
KAMBILA YAKOZE IGIKWIYE.

Kwamamaza