IGIHE

RDC: Abantu 11 baguye mu myigaragambyo yamagana intsinzi ya Félix Tshisekedi

7 11-01-2019 - saa 13:31, HABIMANA James

Nyuma y’uko Komisiyo y’amatora muri RDC itangaje ko Félix Tshisekedi yatsinze amatora ya Perezida by’agateganyo, bamwe mu baturage bakoze imyigaragambyo ibyamagana, aho 11 bamaze kuyigwamo mu bice bitandukanye.

Imyigaragambyo ikaze ikomeje gukorwa mu ntara ya Kwilu ari naho umukandida Martin Fayulu wabaye uwa kabiri akomoka.

Uyu mujyi ujerereye mu birometero 500 uvuye mu murwa mukuru Kinshasa.

Ikinyamakuru Jeune Afrique cyatangaje ko hari amasasu yumvikanye muri uyu mujyi mu ijoro.

Abatangabuhamya bavuze ko muri uyu mujyi abapfuye ari batandatu barimo abapolisi babiri, kandi abashinzwe umutekano barashe bakoresheje amasasu.

Yagize ati “Inyubako za leta zatwitswe harimo nk’Inkiko, ibiro bya polisi ndetse intwaro zimwe zibwe, abigaragambya kandi bacikishije imfugwa.”

Kugeza ubu kandi ibihumbi by’abigaragambya bakomeje kwigaragambiriza mu Mujyi wa Kisangani, polisi ikaba yakoresheje ibyuka biryana mu maso mu kubatatanya.

Imihanda ijya ku kibuga cy’indege yafunzwe n’abigaragambya, ku buryo ngo ibice binini by’uyu mujyi byashegeshwe n’iyi myigaragambyo.

Indi myigaragambyo ikomeye yibasiye agace ka Kananga na Kasai, aho abantu batatu barashwe bagakomereka, harimo umwana w’imyaka 18 n’undi w’imyaka 13.

Mu Ntara ya Tshikapa, abantu batatu bishimiraga instinzi ya Tshisekedi nabo bapfuye, barashwe n’inzeg0 z’umutekano.

Mu Mujyi wa Lubumbashi, abigaragambya ho babikoze mu mahoro, urubyiruko rushyigikiye umukandida Fayulu rukaba rwakoze urugendo ruva mu mujyi wa Kenya uherereye mu Majyepfo y’uyu mujyi, bagana mu Mujyi wa Kamalondo.

Mu murwa Mukuru Kinshasa, abaturage ngo bafite ubwoba ko hashoborwa kwaduka imyivumbagatanyo nyuma yo gutangaza ibyavuye mu matora.

Hagati aho mu gace ka Kimbanseke, habaye gushyamirana kwahuje abashyigikiye Fayulu na Tshisekedi, babiri bahasiga ubuzima.

Mu murwa mukuru Kinshasa gusa, abantu 22 bamaze gukomereka abandi 13 batabwa muri yombi.

Komisiyo y’amatora muri RDC (CENI), yatangaje ko Félix Tshisekedi yatorewe kuba Perezida n’amajwi 7 051 013 angana na 38,57% by’amajwi amaze kubarurwa. Martin Fayulu yaje ku mwanya wa kabiri na 6 366 732 bingana na 34,83%, imbere ya Emmanuel Ramazani Shadary watowe n’abaturage 4 357 359 bingana na 23,84%.

Gusa Inama y’Abepiskopi Gatolika (CENCO) yatangaje ko ibyatangajwe bidahuye n’ibyo indorerezi zayo 40 000 zabonye ari na byo byaranashingiweho mu cyumweru gishize itangaza ko izi uwatsinze amatora bigendanye n’ibyo abaturage batoye.

Inzego z'umutekano zakajije umutekano hafi ya Komisiyo y'amatora
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Ismael 2019-01-11 23:41:49

Abakomani rwose baratangaje m’ubujiji!
Bavuze ko badashaka Kabila bagira impungenge ko hashobora gutsinda uwo Kabila yizaniye none hatsinze uwo bashakaga barasenya?!
Gusa inama naha igisirikare na polisi ni uko aho kwica gitera wakwica ikibimutera,nitunge iminwa y’imbuta kuri za katedrale aho abasenyeri bashye abaturage urebe ko bidakemuka.

2
Sikubwabo Marie 2019-01-11 21:43:31

Ukuri guca muziko ntigushye. Tureke kwikoma abanyamahanga. Amahoro n imidugararo byombi biri mu mitima y aabanyafurika.Icyo bazahitamo nicyo bazabona.

3
Bimawuwa 2019-01-11 17:49:13

Imyaka 18 ntabwo aba ari umwana please

4
Natus 2019-01-11 10:06:20

Yes,nubundi nta mvururu zibaye nyuma y’amatora , ngo abantu bapfe abazungu baba babihombeyemo..Ibi nibyo byari bitegerejwe n’abazi gusesengura ibya politike.Kko ikibazo cya congo ntabwo cyari Kabila,uwo ariwe wese watsinda niyo yatorwa 100/100 batamwibonamo bashaka uko bamwikiza vuba,bagira amahirwe yo kubona ibigoryi bibafasha bikigaragambya, sawa deal iba iciyemo,bahita bapanga uko baza guhagarika ubwicanyi basahura ,abashomeri babo bakabona akazi,imbunda zikabona akazi aho kuborera muri za stock...ngayo nguko.Afrika waravumwe..

5
mahoro jack 2019-01-11 09:40:32

Harya ubwo iyo abaturage bishinze ibyo abashaka ubutegetsi bababwiye bagatwika inzu za leta nyuma bakaraswa bakahasiga agatwe inyungu aba ari iyihe ku miryango yabo?
Nge mbona abanyafrica benshi tutaramenya icyo politiki aricyo, ni ugufana gusa ngo twitwaje amoko, abandi ngo runaka avuka iwacu, abandi ngo RFI ya France yavuze ngo ntibyemeye, abandi ngo....mbese usanga huzuyemo ubugoryi bwinshi ntagifite umumaro kirimo!

6
Ngwino 2019-01-11 09:06:07

ariko ntimumbonera Kiliziya ra ,ubu iraje ikongeze umuriro,amasasu yice benshi,nyuma bazaze bisabishe imbabazi .Kandi ngo nibo bahanga tugira ubu ntibabona ko ari uguha karibu bya bisambo by’abazungu

7
kibonge 2019-01-11 07:29:02

njye ndabona Catholic ariyo irimo guteza akavuyo mubaturage ibeshya ko ariyo izi ibyavuye mumatora nigute se yabimenya kurusha ceni leta ya DRC ikwiye kubungabunga umutekano wabaturage ikaniyama kiriziya kwivanga mu

Kwamamaza