IGIHE

U Bushinwa: Icyiciro cya kabiri cy’igerageza ku rukingo rwa Coronavirus cyagaragaje ko rushobora kwizerwa

5 28-06-2020 - saa 14:14, Umwali Zhuri

Ikigo cy’u Bushinwa gikora ubushakashatsi ku miti, CNBG, cyatangaje ko igerageza ry’ibanze ry’urukingo rwa Coronavirus ryakorewe ku bantu, ryagaragaje ko rushobora kuba rwizewe ndetse ko rwatanga umusaruro.

Ubu bushakashatsi bwagaragaje ko uru rukingo rwifitemo ubushobozi bwo hejuru bwo kurinda umubiri ku bantu bose baruhawe mu cyiciro cya kabiri cy’ubushakashatsi bwakorewe ku bantu 1120.

Abashakashatsi ndetse na Sosiyete zo mu Bushinwa zahawe uburenganzira bwo gukora ubushakashatsi ku nkingo umunani, bugakorerwa ku bantu mu gihugu no hanze yacyo, bituma u Bushinwa buza imbere y’ibindi bihugu mu rugendo rwo gushaka urukingo rw’iki cyorezo kimaze guhitana abantu bagera ku bihumbi 500 ku Isi.

CNBG ishamikiye ku kigo cy’igihugu gishinzwe imiti, Sinopharm, mu ntangiriro z’uku kwezi yari yatangaje ko urundi rukingo rwakozwe n’ikigo cyo muri Wuhan narwo rwagaragaje ubushobozi buri hejuru bwo kurinda umubiri mu igerageza ry’ibanze ryakozwe.

Urukingo rugomba kugaragaza neza ko rukora mu igerageza rikorwa mu byiciro bitatu ku bantu. CNBG yatangaje ko ku wa Kabiri w’iki cyumweru aribwo icyiciro cya gatatu cy’igerageza kizakorwa muri Leta Zunze Ubumwe z’Abarabu.

Isi yose ihanze amaso urukingo rwa Coronavirus
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
KING👑 2020-07-05 23:15:52

Agakino bakina muri korona barakazi.
Ibyapanzwe birahari
Bajye bareka kutujijisha.

Izo ngirwa nkingo zintera asyi😪😤😤
Bashaka kuzaduhumanya ngo baradukingira

2
Kaka 2020-06-28 15:16:22

muraho ariko twe ntabushakashatsi bwakozwe ngo tuzabone ubugingo

3
Rubanda 2020-06-28 12:24:06

Dushaka kumva PIB y’ubushinwa ikubye x Europe na USA mu minsi micye kbs. Vive china

4
FELIX UMUHOZA 2020-06-28 07:54:19

Uru rukingo ruzaboneka kubera ko twese dusangiye I kibazo n’abazungu .

5
Mugbo 2020-06-28 07:51:05

Narabivuzeko China ikomeye bamwe ntibabyumva icyonzi nuko China izatanga abazungu kubona urukingo

Kwamamaza