IGIHE

Oman yahagaritse ingendo ziva mu bihugu umunani bya Afurika

0 23-02-2021 - saa 10:40, Bukuru JC

Ubwami bwa Oman bwahagaritse kwakira abagenzi baturuka mu bihugu 10 barimo umunani byo ku Mugabane wa Afurika mu gukumira ikwirakwira ry’icyorezo cya COVID-19.

Abagenzi Oman yahagaritse kwakira ni abava muri Sudani, Afurika y’Epfo, Nigeria, Tanzania, Ghana, Ethiopia, Guinea na Sierra Leone, Brésil na Liban. Biteganyijwe ko iki cyemezo kizatangira kubahirizwa ku wa 24 Gashyantare kikazamara iminsi 15.

Uretse abagenzi bakomoka muri ibi bihugu, iki cyemezo kinareba abagenzi banyuze muri ibi bihugu mbere ho iminsi 14 bahereye umunsi basabiye uburenganzira bwo kwinjira muri Oman.

Abatarebwa n’iki cyemezo ni abaturage ba Oman, abanyepolitiki n’abakora mu nzego z’ubuzima ndetse n’imiryango yabo.

Iki cyemezo gifashwe nyuma y’uko mu ntangiriro z’uku kwezi Minisiteri y’Ubuzima muri Oman itangaje ko ubwandu bwa COVID-19 buva mu bihugu by’amahanga byiganjemo ibya Afurika bwihariye 18% bw’ubwandu bwose buri muri iki gihugu.

Oman yatangaje ko itazongera kwakira abagenzi baturutse mu bihugu umunani bya Afurika mu gihe cy'iminsi 15
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza