IGIHE

Igikomangoma cy’u Bwongereza cyashinjwe gushora abana bataruzuza imyaka y’ubukure mu mibonano mpuzabitsina

0 1-08-2020 - saa 08:51, Ndahayo Emmanuel

Igikomangoma cy’u Bwongereza, Andrew Albert Christian Eduard, umuhungu wa kabiri w’Umwamikazi w’Ubwami bw’u Bwongereza, ari mu mazi abira nyuma y’uko hasohowe ibirego bishya bimushinja gushora abana bataruzuza imyaka y’ubukure (imyaka 18) mu mibonano mpuzabitsina.

Ibi birego byasohowe muri raporo igaragaza ko Igikomangoma cy’u Bwongereza, Andrew, cyashoye uwahimbwe Jane Doe #3, ari we Virginia Roberts Giuffre ufite imyaka 36 ubu, mu mibonano mpuzabitsina mu gihe yari akiri umwana, ibi ngo bikaba byarabereye ku kirwa cyihariye cy’iki Gikomangoma giherereye mu Birwa bya Virgin Islands, biri muri Leta Zunze Ubumwe za Amerika.

Aya makuru akubiye mu kirego Giuffre yarezemo Jeffrey Epstein na Ghislaine Maxwell wahoze ari umukunzi we. Aba bombi ni ibyamamare bikomeye byashinjwe kwijandika mu byaha byo gucuruza no gushora abana batuje imyaka y’ubukure mu mibonano mpuzabitsina.

Bivugwa ko Maxwell yashakaga abakobwa bakiri bato akabahuza na Epstein, uyu nawe abo atasambanyaga yabahaga abandi bantu bakomeye ku Isi barimo abanyapolitike, abayobozi n’ibigo by’ubucuruzi, n’abandi bantu b’inkorokoro kuri uyu mubumbe.

Ibi ngo yabikoraga agamije kubona indonke n’andi mahirwe atandukanye, ndetse ni muri urwo rwego yatanze Giuffre ku Gikomangoma cy’u Bwongereza.

The Guardian itangaza ko Giuffre yahuye na Epstein mu 1999, afite imyaka 15 gusa, amumarana imyaka itatu ari ‘umucakara wo gukoreshwa imibonano mpuzabitsina’ mbere y’uko uyu mukobwa atoroka mu 2002.

Epstein yaje kwiyahura ari muri gereza aho yashinjwaga ibyaha birimo gushora abana mu mibonano mpuzabitsina, Maxwell nawe kuri ubu ari mu rukiko i New York, aho ashinjwa ibyaha birimo kugurisha abana no kubashora mu mibonano mpuzabitsina.

Igikomangoma cy’u Bwongereza, Andrew Albert Christian Eduard, yashinjwe gushora abana bataruzuza imyaka y’ubukure mu mibonano mpuzabitsina
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza