IGIHE

Brexit: Theresa May yahaye Abadepite umushinga mushya wo kwivana muri EU

1 21-05-2019 - saa 21:18, IGIHE

Minisitiri w’u Bwongereza Theresa May, yavuze ko abadepite bafite amahirwe ya nyuma yo kwemeza ukwivana kw’iki gihugu mu Muryango w’Ubumwe bw’u Burayi (Brexit), abasaba gushyigikira ibyo yise ‘amasezerano mashya’.

Abadepite bazatora niba hazabaho indi kamarampaka ‘referendum’, nibashyigikira ukwivana k’u Bwongereza muri EU.

Aya masezerano mashya arerekana icyo May yiyemeje ku burenganzira bw’abakozi, kurengera ibidukikije n’umupaka wa Ireland y’Amajyaruguru n’ibijyanye na gasutamo.

Uzaba ukubiyemo mu buryo burambuye ibijyanye n’umubano mushya, cyane cyane amategeko agenga abakozi bo muri EU, uburenganzira ku bidukikije, uruhare rw’abadepite mu gufata ibyemezo ku mikoranire y’u Bwongereza mu rwego rw’ubukungu na EU, mu gihe u Bwongereza buzaba bumaze kuvamo.

Aya masezerano akubiyemo ibyo Theresa May yaganiriye na EU mu 2018 kandi uyu muryango ntabwo wifuza kongera kuyaganiraho.

May ubwo yatangaga aya masezerano yagize ati “Abenshi mu badepite bavuga ko bashaka gutanga igisubizo cya referendum, ndemera ko aya ari amahirwe ya nyuma yo kubikora”.

“Turimo gutanga ubusabe bushya dushaka icyo twahuriraho mu Nteko Ishinga Amategeko, nibwo buryo bushoboka bwa Brexit.”

Hari ibimenyetso bigaragaza ko uyu mushinga utazashyigikirwa n’abadepite benshi bo mu Ishyaka rya Labour ndetse na bamwe bo mu Ishyaka rye rya Conservative, rimaze gusa n’iricikamo kabiri kubera iki kibazo.

Abo mu ishyaka Labour bavuga ko ari ugusubiramo gahunda zisanzwe mu gihe abo mu ishyaka rya May, badukiriye imbuga nkoranyambaga bakagaragaza uburakari.

Jacob Rees-Mogg yavuze ko amasezerano mashya ari mabi kuruta aya mbere, mu gihe Zac Goldsmith, yavuze ko ari akavuyo k’uruvangitirane.

Abadepite bamaze kwanga inshuro eshatu amasezerano yo kwivana muri EU k’u Bwongereza, Theresa May, yaganiriyeho n’uyu muryango ndetse bagerageza uko bashyira hamwe n’ishyaka rya Labour ariko birananirana.

Theresa May yavuze ko afite umushinga mushya wa Brexit
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
KAYITARE THEOPHILE 2019-05-22 02:29:37

Ko asa na Helaliy Clunton

Kwamamaza