IGIHE

Amerika ntigohetse, ihangayikishijwe n’ibitero by’iterabwoba

0 5-08-2022 - saa 08:09, Umwali Zhuri

Umuyobozi w’Urwego Rushinzwe Iperereza muri Amerika, FBI, Christopher Wray, yatangaje ko hari ubwoba bw’uko hashobora kuba ibitero by’iterabwoba ku butaka bwa Amerika biturutse muri Afghanistan.

Wray yavuze ko hari icyuho cy’amakuru y’ubutasi Amerika ikura muri Afghanistan kuva yafata umwanzuro wo gukura ingabo zayo muri icyo gihugu mu mpera za 2021.

Ubwo yitabaga Komite Ishinzwe Ubutabera muri Sena ya Amerika, Senateri Lindsey Graham, yabajije Wray niba nta mpungenge afite ko hari ibitero byaterwa ku butaka bwa Amerika bikozwe n’abantu bo muri Afghanistan.

Wray yasubije ati “Impungenge zirahari. Cyane ko twavuyeyo. Mfite impungenge z’uko dushobora kubura uko tugerwaho n’amakuru y’ubutasi aturutse hariya.”

Yakomeje agira ati “Mfite impungenge ko dushobora kubona al Qaeda yisuganyije, ISIS-K ikaba yabyuriraho ishaka kwangiza ibikorwa byacu bya gisirikare, kandi mfite impungenge kubera ibyihebe, hano ku butaka bwacu muri Amerika kubera ibyo twagiye tubona hariya.”

Aya magambo ye aje nyuma y’iminsi mike Amerika itangaje ko yishe Ayman al-Zawahiri wahoze ari Umuyobozi w’Umutwe wa al Qaeda. Yiciwe i Kabul ku ibaraza ry’inzu ye arashwe hakoreshejwe drone.

Perezida Joe Biden yasezeranyije abaturage ba Amerika ko azakora ibishoboka byose ibikorwa by’iterabwoba bikarwanywa.

Christopher Wray uyobora FBI ahangayikishijwe n'ibitero bishobora guterwa ku butaka bwa Amerika
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza