IGIHE

Sergey Brin washinze Google agiye gutandukana n’umugore we

0 23-06-2022 - saa 10:29, Sonia Umuhoza

Umuherwe wa Gatandatu ku Isi, Sergey Brin, wafatanyije na Larry Page mu gushinga urubuga rwa Google, agiye gutandukana n’uwari umugore we, Nicole Shanahan; bombi bari bafitanye umwana w’imyaka itatu.

Ubusabe bubatandukanya bwahamyaga ko bafite ibyo batumvikanaho bidashoboka ko bagiranaho imishyikirano, bityo ko bafashe icyemezo cyo gutandukana.

Brin w’imyaka 48 atandukanye n’umugore ku nshuro ya kabiri, kuko yari yaranabikoze mu 2015 ubwo yatandukanaga na Anne Wojcicki. Ntabwo ibijyanye n’uburyo aba bombi bazagabana umutungo biratangazwa, ariko bikekwa ko mbere y’uko babana, bari bagiranye amasezerano azubahirizwa mu gihe bazaba batandukanye.

Ku mutungo wa miliyari 94$, Brin ni umukire wa gatandatu ku Isi, akaba undi muherwe utandukanye n’umukunzi we mu myaka ibiri ishize, nyuma ya Bill Gates na Jeff Bezos batandukanye n’abagore babo.

Kuva mu 2019, Brin yavuye mu buyobozi bwa Google na Alphabet Inc. ikigo kigenzura Google. Icyakora uyu mugabo aracyari mu Nama y’Ubutegetsi y’icyo kigo ndetse aracyagenzura imigabane ye, ari naho akomora ubukungu bwe.

Sergey Brin washinze Google agiye gutandukana n’umugore we
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza