IGIHE

OMS yanenze itabi rya e-cigarette yemeza ko ari ribi ku buzima

3 27-07-2019 - saa 10:34, IGIHE

Ishami ry’Umuryango w’Abibumbye ryita ku buzima (OMS), ryatangaje ko itabi rikozwe mu buryo bw’ikoranabuhanga (electronic cigarette), nta gushidikanya ari ribi ku buzima kandi ridafasha abantu kureka kunywa itabi ry’umwotsi.

OMS ishinja inganda zirikora kubeshya ko zishaka kugabanya ibyago byo kunywa itabi. Iri shami kuri uyu wa Gatanu ryasabye ko habaho ubugenzuzi bw’itabi rikozwe mu buryo bw’ikoranabuhanga kuko nta gihamya cy’uko rifasha abanywi baryo kureka iritumurwa ahubwo ko rituma abakiri bato babatwa naryo.

Electronic cigarette, ni akuma k’ikoranabuhanga kohereza ibimeze nk’amazi mu kanwa biba bigizwe n’ibintu bitandukanye birimo nicotine, propylene glycol, glycerine; uyikoresha akurura umwuka uba wavuyemo ibyo bita Vaping.

Abantu benshi bakunze kugirwa inama yo gukoresha aka kuma bakunze kwita e-Cigarette, kuko ari bumwe mu buryo bwafasha kureka gutumura itabi risanzwe.

Umujyi wa San Francisco niwo wabaye uwa mbere muri Leta Zunze Ubumwe za Amerika, mu guhagarika ubucuruzi bw’itabi ryo mu bwoko bwa e-cigarette, kugeza ubwo ingaruka zaryo ku buzima zizasobanuka.

Iki cyemezo gifashwe mu rwego rwo kurinda urubyiruko kwishora mu ngeso zo kunywa itabi, gusa hari abavuga ko kizatuma abanywa itabi bagaruka ku risanzwe n’aho abandi bakishora muri magendu.

OMS ivuga ko ku Isi yose hari abantu miliyari 1.1 banywa itabi aho 80% byabo bari mu bihugu bikennye n’ibifite ubukungu buciriritse. Imibare y’iri shami kandi yerekana ko kunywa itabi n’ibindi biryerekeyeho byica abarenga miliyoni zirindwi ku mwaka, abenshi bakaba bicwa n’indwara y’umutima, ibihaha n’izindi kanseri.

OMS yashimangiye ko e-cigarette ari mbi ku buzima
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
gatete 2019-09-15 02:52:18

Mwadufasha kumenya aho OMS yabivugiye, uwaba yabivuze cg ubushakashatsi bwaba bwabyerekanye? ibi byafasha kwigisha abaturage.

2
gatare 2019-07-27 04:27:29

kuvuga ngo uretse itabi nyamara ukanywa e-cigarette,bijya kumera nko kuvuga ngo reka nirinde Sida nge nambara Kapote.
Byombi ni icyaha.E Cigarette nta kabuza igira ingaruka ku buzima.Imyotsi yayo ijya mu mubiri ukayangiza.Byaba byiza na e-cigarette bayiretse.Ahantu henshi muli bible,imana itubuza kwangiza umubiri wacu.Ngewe nanyweye itabi imyaka 25.Ariko maze gusoma bible ngasanga imana itubuza kwangiza umubiri yaduhaye,nahise ndeka itabi,kimwe nuko naretse ibindi byose imana itubuza,kugirango nzabone ubuzima bw’iteka.Nashatse umuntu twigana bible,kugirango menye neza icyo imana idusaba.Kubaha imana nibwo umuntu agira ibyishimo nyakuri.Ubu nange nigishije abantu benshi bible,bareka itabi.

3
gaturuku 2019-07-27 04:16:22

Harya itabi ryiza ryemewe ritagira ingaruka mbi kubuzima niryahe?

Kwamamaza