IGIHE

OMS yatanze impuruza ku ikoreshwa ry’itabi rituma hatemwa ibiti miliyoni 600

0 1-06-2024 - saa 15:27, Idukunda Kayihura Emma Sabine

Ishami ry’Umuryango w’Abibumbye ryita ku Buzima (OMS) ryatanze impuruza ku birebana n’ikoreshwa ry’itabi, kuko uretse kwica abarenga miliyoni umunani ku mwaka, rinatuma hatemwa ibiti miliyoni 600 kugira ngo rihingwe.

Ibi ni bimwe mu byagarutsweho mu gihe Isi yose yizihiza Umunsi Mpuzamahanga wo kurwanya itabi cyane ko kurinywa bikomeje kuba nk’icyorezo kuko rihitana benshi kandi rishobora kwirindwa.

OMS ivuga ko itariki ya 31 Gicurasi ubwo hizihizwa uyu Munsi, ari igihe gikomeye cyo kwibukiranya ko hakwiye gufatwa ingamba zo gukumira itabi.

Igiteye inkeke OMS igaragaza ni ukuntu itabi rikomeje gukoreshwa n’abana kurusha abakuru. Miliyoni 37 bari mu myaka iri hagati ya 13 na 15 ubu banywa itabi, hakaba hari n’ubwiganze bw’abana bakoresha itabi ryifashisha ikoranabuhanga.

OMS kandi igaragaza ko mu kwizihiza uyu munsi mu 2024 hagombwa kwitabwa ku guha urubyiruko n’abana umwanya bakisanzura bagatanga amakuru kuko ari bwo buryo bwiza bwo kumenya icyo bakeneye n’ibiri kubabaho, bagafasha abanywa itabi muri bo kuba banarireka.

Ku bijyanye n’itemwa ry’amashyamba buri mwaka, Raporo y’ibigo nka World Wildlife Fund igaragaza ko 5% by’amashyamba atemwa, atemwa mu nyungu zo guhinga itabi ndetse n’ibindi bihingwa biri kuri hegitari ibihumbi 200 bigasimbuzwa itabi buri mwaka.

Ibyo bigo bigaragaza ko mu kurengera ubuzima bwa muntu hanabungwabungwa ibidukikije, hakenewe ubufatanye bw’inzego mu bihugu, hagashyirwaho gahunda zihamye zo gukumira ikoreshwa ry’itabi n’ihingwa ryaryo.

OMS itanga impuruza ku guhangana n'ikibazo cy'umubare w'abanywa itabi ukomeje kwiyongera
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza