IGIHE

Hari kugeragezwa amavuta azajya afasha abantu bakoze imibonano idakingiye kutandura SIDA

1 22-07-2019 - saa 10:31, Iradukunda Serge

Guverinoma ya Kenya yahaye ikigo gishinzwe ubushakashatsi (IPR) miliyoni 4.5 z’amashilingi zo gushyigikira ikorwa n’icuruzwa ry’umuti wica agakoko gatera Sida.

Uyu muti ukiri mu igeragezwa witwa ‘Unipron’, ukoze mu buryo bw’amavuta ukaba ufite ubushobozi bwo kwica agakoko gatera Sida nk’uko ikigo gishinzwe ubushakashatsi muri Kenya kibitangaza.

Uyu muti uzajya ushyirwa mu gitsina cy’umugore mu gihe cy’imibonano mpuzabitsina ukazaba ufite ubushobozi bwo kwica agakoko gatera Sida n’utundi dukoko.

Umuyobozi w’iki kigo Ozwara Hastings, yavuze ko iri gerageza nirigenda neza, uyu muti uzaba ubaye uwa mbere wica agakoko gatera Sida ugiye ku isoko.

Yagize ati “turizera ko ibizava mu igerageza bizaba ari byiza bikanadufasha no ku rwego rukurikira, aho dukeneye icyemezo cy’ubuyobozi mbere y’uko uyu muti ugezwa ku isoko”

Umuyobozi w’agateganyo w’ikigo cya Kenya gishinzwe guhanga udushya Dr Guchu Salome yavuze ko bafitiye icyizere uyu muti.

Yagize ati “ Dutewe ishema n’igitekerezo cya IPR cy’ubucuruzi bw’uyu muti kandi tuzagishyigikira.”

Umushinga wo gukora uyu muti wahawe ubuzima gatozi muri 2007,ubu ukaba uri kugeragerezwa bwa nyuma ku bantu ngo barebe ko ukora.

Umuti mushya ushobora kujya utuma abantu bakora imibonano idakingiye ntibandure
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
agaciro peace 2019-07-22 05:40:47

hhhh nubundi abantu bari basigaye bakorera aho! Nibagire vuba ahubwo batubwire niba OMS/WHO yemera uwo muti kuko abantu aho bukera barashira!

Kwamamaza