IGIHE

Inama zagufasha kudasiragira mu gihe cyo kugura inzu n’indi mitungo itimukanwa

0 23-09-2019 - saa 12:53, Ishimwe Israel

Inshuro nyinshi usanga abantu bakunze kugorwa no kubona aho gutura, inzu zo gukodesha cyangwa ubutaka bwo gukoreraho ibikorwa bitandukanye bitewe no kutamenya aho babariza.

U Rwanda rwashyize imbere gahunda zigamije gufasha abarutuye kuba aheza no gukoresha ubutaka mu buryo bukwiye hagendewe ku gishushanyo mbonera haba mu mijyi n’ibice by’icyaro.

Ni gahunda itagerwaho mu gihe Leta idafatanyije n’izindi nzego zirimo n’abikorera.

Mu gutera ingabo mu bitugu uyu mushinga uri no muri gahunda ya Guverinoma y’imyaka irindwi (NST1), Ikigo cy’Ubucuruzi cya Multi Design Group cyiyemeje gutanga serivisi zo kugena agaciro k’imitungo, gucunga imitungo itimukanwa, gukora no gucunga imishinga n’ibindi.

Serivisi iri mu zagutse iki kigo cyashyizemo imbaraga ni iyo kugurishiriza no gukodeshereza ba nyir’imitungo, guhuza abagura n’abagurisha inzu n’ibibanza.

Ubusanzwe bamwe bagorwaga no kubona izi serivisi bitewe no kutamenya aho kubariza ndetse bagasiragira bashaka aho bazikura.

Multi Design Group Ltd imaze imyaka 10 ikorera ku butaka bw’u Rwanda; muri Kamena 2019 nibwo yatangije serivisi nshya zirimo isoko ryo kuri internet rigurishirizwaho inzu n’ibibanza no guhuza abakiliya n’abagurisha imitungo itimukanwa.

Umuyobozi ushinzwe Ubucuruzi mu Ishami rihuza Abagurisha n’Abakiliya muri Multi Design Group Ltd, Murebwayire Espérance, yabwiye IGIHE ko mu mezi atatu imaze ku isoko abayigana bishimira serivisi zayo.

Yagize ati “Dufite ishami rishinzwe kugurisha imitungo itimukanwa ndetse tukanahuza abaguzi n’abagurisha imitungo yabo. Icyo dusanzwe dukora ni uko abakiliya bacu batugana, bashaka kugurisha imitungo yabo bakaduha uburenganzira bwo kugira ngo tuyishyire ku isoko.’’

Multi Design Group Ltd yorohereje abashaka serivisi zitandukanye aho zimwe ziboneka kuri internet binyuze ku rubuga rwayo www.mdgrou.com.

Yakomeje avuga ko “Dufite website aho twamamariza iyo mitungo itimukanwa irimo ibibanza, inzu zigurishwa n’izikodeshwa. Twerekana iyo mitungo ngo abantu benshi babashe kuyibona.’’

“Twamamariza ahantu henshi kandi hatandukanye kugira ngo tworohereze abaguzi kubona ibyo bashaka ku buryo iyo ugiye kugura umutungo wabanje no kuwureba, biguha ishusho y’icyo ushaka bigatuma uzigama igihe cyawe utiriwe ujya gushakisha utazi n’aho uri buronkere.’’

Multi Design Group Ltd ikorera mu turere twose tw’igihugu, aho ifasha Abanyarwanda kubona imitungo itimukanwa ijyanye n’amahitamo yabo.

Usibye kuba abashaka izi serivisi batamenya aho kugana banatakazaga umwanya kugira ngo bazigereho.

Umuyobozi ushinzwe Ubucuruzi mu Ishami rihuza Abagurisha n’Abakiliya muri Multi Design Group Ltd, Murebwayire Espérance, yasobanuye ibijyanye na serivisi zo guhuza abakiliya n'abaguzi bifuza inzu n'ibibanza/ Ifoto yafashwe na Dushimimana Ami Pacifique

Murebwayire yavuze ko “Iyo utugannye kuko tuba dufite iyo mitungo igurishwa n’ikodeshwa, tukakwereka ugahitamo iyo ushaka bityo ukazigama umwanya wo kwirirwa uyishakisha.’’

Yakomeje agira ati “Umwihariko dufite ni uko dukorera Abanyarwanda mu turere twose kuko tuhafite abantu bafasha abahatuye bakabona serivisi zihuse. Abakozi bacu ni ibintu bigiye, babifitemo uburambe, bituma dukorana n’abakiliya neza badufitiye icyizere.’’

Iyi serivisi yakemuye ikibazo cy’amakimbirane yakundaga kubaho aho umuntu yashoboraga guhabwa ikiraka cyo kuranga inzu cyangwa ikibanza ariko agatenguha abamutumye.

Mu mezi atatu, iki kigo cyafashije benshi, kibahuza n’abashaka serivisi zo gukodesha no kugura inzu.

Murebwayire yavuze ko “Ubibonye wese ahita avuga ati ibi bintu nari mbikeneye, nkeneye ikigo nizeye kiri bumfashe.’’

Multi Design Group iyo imaze guhuza umukiliya n’ugura inakurikirana neza ikamenya niba yaranyuzwe na serivisi yahawe.

Yagize ati “Twagabanije icyuho nko ku bantu batuye mu mahanga aho baba bafite nk’inzu mu Rwanda bashaka kuyigurisha ariko badafitiye icyizere uwayibagurishiriza ino. Icyo gihe we aratwitabaza tugasinyana amasezerano ko tugiye ku mugurishiriza iyo nzu noneho inzira zose tukazimukurikiranira.’’

Multi Design Group yatangije urubuga rwa internet www.mdgrou.com rumeze nk’isoko, aho umuntu wese ashobora gushyiraho inzu cyangwa ikibanza agurisha, abaguzi bakabasha kukibona ako kanya.

Ushaka kwerekana umutungo agurisha, asabwa gufungura konti ku rubuga, akishyura amafaranga make, akayishyurira aho ari akoresheje MTN Mobile Money, Airtel Money adakoze ingendo ndende kuko byose bikorerwa ku rubuga. Kuri ubu hatanzwe poromosiyo y’amezi atatu aho uwo ariwe wese yagurishirizaho atishyuye.

Uru rubuga ni amahirwe ku basanzwe banakora ubukomisiyoneri mu bice baherereyemo cyangwa bakoreramo, kuko ubyifuza ashobora gushyiraho amafoto y’inzu cyangwa ikibanza ari kugurisha abakiliya bakabibona byoroshye.

Ushaka gucururiza kuri uru rubuga imitungo itimukanwa ariko adafite internet ihagije cyangwa mudasobwa, ashobora kwifashisha telefoni igezweho ‘smartphone’ cyangwa akajya muri cyber café (inzu bagurishirizamo internet) imwegereye, abahakora bakabimufashamo.

Imwe mu nzu ziri ku isoko mu Karere ka Huye mu Ntara y'Amajyepfo
Ku Gisozi mu Mujyi wa Kigali hari inzu igurishwa binyuze kuri Multi Design Group Ltd
Isoko rihuza abashaka n'abifuza inzu ryagabanyije amanyanga yakundaga kubonekamo
Multi Design Group Ltd ikorera mu bice bitandukanye by'igihugu
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Nta gitekerezo kirajyaho. Ba uwa mbere!  

Kwamamaza