IGIHE

MTN Rwanda yatangije Connect Forward, uburyo bugamije guteza imbere ubucuruzi

0 17-09-2019 - saa 12:27, Thamimu Hakizimana

Sosiyete y’Itumanaho, MTN Rwanda yatangije ubukangurambaga bwiswe ‘Connect Forward’ bugamije gufasha no gukangirira abakora ubucuruzi bunini n’ubuciriritse kuyigana kugira ngo biteze imbere.

Ubu buryo bukubiyemo serivisi zitandukanye zigamije gufasha ibigo n’abandi bakora ubucuruzi bakabaha internet nziza haba iyo mu biro no kuri telefone, guhuza uburyo bw’itumanaho ku kigo gifite amashami atandukanye, gutanga ububiko bwizewe bw’amakuru (hosting), uburyo bw’ubwirinzi mu ikoranabuhanga (Anti Virus) n’ibindi.

Kuri uyu wa Mbere ubwo hamurikwaga ubu buryo bushya, Chantal Kagame, Umuyobozi ushinzwe ibikorwa by’ubucuruzi muri MTN Rwanda yavuze ko icyifuzo cyabo ari uguteza imbere ubucuruzi mu Rwanda binyuze mu ikoranabuhanga n’itumanaho.

Ati “Nk’abafatanyabikorwa b’abacuruzi bato n’abaciriritse, ibigo binini n’abikorera muri rusange , turajwe ishinga n’iterambere rishingiye ku itumanaho n’imikoranire myiza inyuze mu ikoranabuhanga.”

Nk’imwe muri serivisi nshya MTN yazanye muri Connect Forward, harimo uburyo bwo guhuza itumanaho mu kigo cyibyifuza bwiswe ‘MTN Business Call assit, bufasha abacuruzi n’ibigo ku buryo mu gihe umukiliya ahamagaye nimero runaka y’umucuruzi cyangwa y’ikigo cy’ubucuruzi nticemo, bihita bijya ku wundi bakorana akaba ari we witaba aho gucika ikavaho nkuko byari bisanzwe.

Umukozi wa MTN Rwanda ushinzwe Ubucuruzi, Ndoli Didas yabwiye IGIHE ko uburyo bwa Connect Forward ari ibisubizo ku bakiliya babo n’abandi bashaka gutera imbere kuko hakubiyemo ubunararibonye bwafashije icyo kigo gutera imbere mu myaka 20 ishize.

Ati “Uyu munsi twaje kukubwira ko twatangije ubukangurambaga bugenewe abakora ubucuruzi twise ‘Connect Forward. Twazanye ibisubiso bitandukanye bigamije kugufasha mu bucuruzi bwawe gutera imbere. Iyo ukoranye na MTN , ubucuruzi bwawe bujya mbere . Ni uburyo bwo kugusangiza uburaribonye twagize mu myaka 20 ishize ku buryo nawe bigufasha guteza imbere ubucuruzi bwawe.”

Ubwo bukangurambaga bugiye kuzenguruka igihugu cyose, MTN Rwanda ihamagarira abakiliya bayo kuyizera ikabaha internet yihuta yo gukoresha mu mirimo yabo ya buri munsi, kubabikira amakuru y’ikoranabuhanga n’ibindi.

MTN ifite ububiko bw’amakuru y’ikoranabuhanga bugezweho kandi burinzwe, bufite ubushobozi bwo gukomeza gukora amasaha 72 nta kibazo buragira mu gihe umuriro wagiye.

MTN yatanze umurongo wa 3111 wo guhamagara ngo abakeneye ibisobanuro birambuye kuri Connect Forward barusheho gusobanukirwa.

Sosiyete MTN Rwanda ifite ubunararibonye bw’imyaka 20 imaze itanga serivisi z’itumanaho mu Rwanda. Izwi muri serivisi zo guhamagara, internet, kwishyurana hifashishijwe uburyo bwa Mobile Money n’ibindi byagize uruhare rukomeye mu iterambere ry’ubukungu bw’u Rwanda.

Abakozi ba MTN Rwanda bitabiriye uyu muhango
Umuyobozi Ushinzwe Ubucuruzi n’ibindi bikorwa muri MTN Rwanda, Chantal Kagame na we yari yitabiriye iki gikorwa
Umukozi wa MTN Rwanda ushinzwe Ubucuruzi, Ndoli Didas yabwiye IGIHE ko uburyo bwa Connect Forward ari ibisubizo ku bakiliya babo n’abandi bashaka gutera imbere
Abantu bateze amatwi ubwo hamurikagwa serivisi ya ubukangurambaga bwa Connect Forward
Alain Numa ushinzwe itumanaho muri MTN Rwanda na we yari yitabiriye
Abakiriya ba MTN Rwanda bitabiriye uyu muhango wo kumurika ubukangurambaga bwa 'Connect Forward' bahawe impano zitandukanye
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Nta gitekerezo kirajyaho. Ba uwa mbere!  

Kwamamaza