Abemerewe gutunga inzu zo muri ‘Vision City’ bagiye gutangazwa

8 8-11-2018 - saa 11:09, Mukaneza M.Ange

Abasabye kugura inzu mu mudugudu wa Vision City uri Gacuriro mu karere ka Gasabo bujuje ibisabwa bazamenyekana mu mpera z’uku kwezi ka Ugushyingo.

Mu ntangiriro za Ukwakira 2018, nibwo byatangajwe ko ibiciro bya ziriya nzu byagabanyijweho 60%. Aya mahirwe yashyiriweho abakozi ba leta batari ku rwego ruri hejuru y’Umuyobozi w’Ishami cyangwa urwego bingana.

Ibi byatangajwe n’Ikigo cy’Igihugu cy’Iterambere, RDB n’ikigo Ultimate Developers Ltd (UDL) gikurikirana uyu mushinga.

Umuyobozi Mukuru w’agateganyo wa UDL, Ntamitondero Alice, yabwiye The NewTimes ko mu mpera z’ukwezi aribwo bazatangaza abemerewe kugura izi nzu, ubundi bagatangira urugendo rwo kwaka inguzanyo.

Ati “Bazabasha kujya kuri banki gusaba inguzanyo, kandi bazaba bazi ko bafite amahirwe yo kuba abakozi ba mbere ba leta batunze izi nzu. Banki nizo zizafata umwanzuro ku birebana no kuba babona inguzanyo yo kugura inzu.”

Yakomeje avuga ko inzu zizagurishwa ari 304 ziri mu byiciro bitandukanye birimo iz’ibyumba bibiri, bitatu na bine.

Umuyobozi Ushinzwe Itumanaho muri RDB, Sanny Ntayombya, yatangaje ko uku kugabanya ibiciro bizatuma abakozi ba leta barushaho gukora badahangayikishijwe n’aho gutura, akaba n’amahirwe ku bakiri bato bifuza gutunga inzu yabo ya mbere.

Inzu y’ibyumba bibiri izajya igurishwa miliyoni 63,000,000 Frw, zivuye ku giciro gisanzwe cya miliyoni 108 Frw. Iy’ibyumba bitatu izajya igurishwa miliyoni 94Frw mu gihe ubusanzwe yagurishwaga miliyoni 163 Frw, naho iy’ibyumba bine igurishwe miliyoni 108 Frw mu gihe yagurishwaga miliyoni 187 Frw.

Abakeneye inguzanyo, bazajya bayihabwa ku nyungu ya 11% ishobora kwishyurwa mu myaka 20. Umuntu ukeneye inzu ku nguzanyo ashobora gusabwa kwitangira 10% by’igiciro n’ubwo atari ihame.

Abakozi ba leta bazahabwa inguzanyo yo kugura izi nzu bazajya bayishyura mu byiciro guhera ku bihumbi 585 Frw kugera kuri 1,120,000 Frw bitewe n’inzu baguze ndetse n’uburyo bw’imyishyurire bahisemo.

Gahunda yo korohereza abakozi ba leta kwigurira inzu muri Vision City yashobotse ku bufatanye bw’Ikigo cy’Igihugu cy’Ubwishingizi, RSSB, gifite imigabane igera kuri 25.1% muri BK, kikaba ari nacyo muterankunga w’umushinga w’ubwubatsi ushyirwa mu bikorwa na UDL.

UDL ifite umushinga wo kubaka inzu zisaga 4,500 mu byiciro bine mu gihe cy’imyaka umunani. Mu cyiciro cya mbere hubatswe inzu 504, muri Mata izigera ku 120 zari zimaze kugurishwa.

Abemerewe kugura inzu mu mudugudu wa Vision City bazatangazwa mu mpera z'uku kwezi

[email protected]

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Ukuri 2018-11-09 00:45:30

Umukozi muto wa leta uhembwa ayomafranga ni uwuhe, plz imishahara yo muri leta ko tuyizi ! ayo manyanga yogushaka kwigwizaho imitungo mukabinyuza kubandi, ayo mazu agiye kugurwa n’abo muvugako batayemerewe kko nibo bahembwa ayo mafranga !! Nonese inzu yibyumba2 igura 60M!!!! yagurwa nande uretse abagashize (abayobozi), ahubwo iyo muvugako abayobozi bigabanyirije ibiciro kurayo mazu, shame on you

2
MM 2018-11-09 00:23:49

IBYUMBA 2 =63M ZUNGUKA 11% K’UMWAKA ANGANA NA 6,930,000 K’UMWAKA 1 MU MYAKA 20 =138,600,000
WAKONGERAHO IDENI UKABA USABWA 138,600,000 63,000,000= 201,600,000

BANK ZIRUNGUKA AYA YOSE KU INZU Y’IBYUMBA 2 .

3
Emmy 2018-11-08 23:01:54

Izi nzu zirahenze cyaneee. Kuko uwajya abona biriya bihumbi magana atanu birenga yakiyubakira iruta uriya. Ni ngombwa ngo umuntu ngo autre muri vision City!?
Inzu y’ibyumba 2 ya millions 63,000,000fr. ahaaa! Leta ni irebe aba bantu barashaka inyungu y’umurengera.

4
Bimawuwa 2018-11-08 18:30:00

I just pass njye ntacyo mfite cyo kuvuga abagura ni bagure twe mureke twikomereze mu bukode ubundi bwo nta gihugu kigira abaturage bose bari mu mazu ahenze gutyo ni bihugu byateye inbere cyane turacyahasanga ba homeless barara kumihanda

5
Gashugi Emile 2018-11-08 16:26:18

@Narumiwe;woe uzakomeza wumirwe kabsa;Abarimu ba primaire na Secondaire uri kuvuga,urabona nubwo bakora imyaka ingana nubuzima bashigaje kuri iyi so,byonyine iriya nzu y’ibyumba bibiri bayigondera???Ubundise ntabwo uziko Abarimu Batangiye kububakira Za Dortoire bazajya bacumbikamo???Ntimukishyire mirwego mutarimo;knd niwumva ucyeneye kubahwa no Kwihesha agaciro,uzareke kwigisha,Basi ucuruze M2U nibura witwa ko ukora business.

6
Gashugi Emile 2018-11-08 16:26:01

@Narumiwe;woe uzakomeza wumirwe kabsa;Abarimu ba primaire na Secondaire uri kuvuga,urabona nubwo bakora imyaka ingana nubuzima bashigaje kuri iyi so,byonyine iriya nzu y’ibyumba bibiri bayigondera???Ubundise ntabwo uziko Abarimu Batangiye kububakira Za Dortoire bazajya bacumbikamo???Ntimukishyire mirwego mutarimo;knd niwumva ucyeneye kubahwa no Kwihesha agaciro,uzareke kwigisha,Basi ucuruze M2U nibura witwa ko ukora business.

7
walter 2018-11-08 07:09:54

Ndasobanuza, itegeko ko ritemera ko umuntu yishyura inguzanyo amafaranga arenze kimw cya kabiri cy’umushahara we, kdi nkaba mbona hazajya hishyurwa guhera ku bihumbi 585 Frw bivuze ko umuntu uzabasha kuyibona ari uhembwa guhera kuri 1,170,000 RWF. Ndangirango mbaze abantu bahembwa ayo mafaranga muri leta kdi bari ku rwego mwavuze (abakozi ba leta batari ku rwego ruri hejuru y’Umuyobozi w’Ishami cyangwa urwego bingana) ni bande? Nibarizaga gusa.

8
Narumiwe 2018-11-08 04:44:52

Nizere ko zabaye iyanga kubera ukuntu zihendutse! Ariko se ye harya abanyarwanda binjiza arenga 585,000 rwf ku kwezi nibangahe? Ngirango na doctor wigisha muri University mu Rwanda ntiyasyaho da, aha nzaba mbarirwa! Nisabiraga no kuzibuka abakiri bato bahembwa atarenze 100,000 rwf nabo bakwibukwa bakubakirwa izo babonera ubushobozi. Ndavuga nk’abarimu b’amashuri abanza batageza kuri 60,000rwf nabo muy’ isumbuye ba Ao batarenza 140,000rwf.

Kwamamaza