Tanzania igiye guteza cyamunara inka 10,000 zafashwe zivuye mu Rwanda na Uganda

4 14-11-2017 - saa 12:36, Rabbi Malo Umucunguzi

Ubuyobozi bwa Tanzania bwatangaje ko bwafashe inka zirenga 10,000 zinjiye ku butaka bwayo zivuye mu Rwanda na Uganda nk’uko Minisitiri ushinzwe ubworozi n’uburobyi, Luhaga Mpina, yabibwiye Inteko Ishinga Amategeko kuri uyu wa Mbere.

Minisitiri Mpina yavuze ko izo nka zigomba gutezwa cyamunara nk’uko icyo gihugu giheruka kubikora ku nka zirenga 1000 zafatiwe ku mupaka wa Tanzania na Kenya mu minsi ishize, ibintu byakuruye umwuka mubi hagati y’ibyo bihugu.

Nk’uko The Citizen yabitangaje iby’itezwa cyamura ry’izo nka byatangajwe ubwo Mpina yari mu Nteko agiye gutanga igitekerezo kuri gahunda y’iterambere ry’igihugu yo mu mwaka 2018/2019. Abadepite baje kumubaza icyo igihugu kiri gukora ku matungo yinjira mu buryo budakurikije amategeko.

Mu cyumweru gishize, Perezida wa Tanzania, Dr John Pombe Magufuli, yatangaje ko Tanzania izakomeza gufata no guteza cyamunara amatungo yinjira mu buryo butemewe, avuga ko atari urwuri rw’inka zo mu bihugu bituranye na yo.

Tanzania iheruka guteza cyamunara inka 1,325 z’Abanyakenya zinjiye muri icyo gihugu.

Minisitiri Mpina yashinje aborozi bo muri Uganda n’Abanyarwanda kuvogera amategeko ya Tanzania, bakajyana inka zabo kurisha hirya y’umupaka w’ibihugu byabo.

Yahise yihutira no kuvuga ko umubano w’icyo gihugu n’abaturanyi bacyo mu Muryango wa Afurika y’Iburasirazuba umeze neza.

Ayo magambo aje akurikira ibyo guverinoma ya Kenya iheruka kwita “ibikorwa bigamije kwibasira Abanyakenya n’inyungu zabo mu bucuruzi.”

Umunyamabanga wa Leta ya Kenya ushinzwe imibanire n’amahanga mu bya politiki na dipolomasi, Tom Amolo, yanenze umwanzuro Tanzania iheruka gufata wo gutwika inkoko nzima zigera ku 6400 zari zivuye muri Kenya no kugurisha inka zari ziturutse muri icyo gihugu binyuze mu cyamunara, hatabayeho kubanza kuvugisha ubutegetsi bw’i Nairobi.

Yavuze ko ibyo bikorwa bishobora gusubiza ahabi umubano w’ibihugu byombi. Hari amakuru avuga ko abaturage b’aba Masai bo muri Kenya, nabo mu minsi ishize bafashe inka 4000 zo ku ruhande rwa Tanzania, mu buryo bwo kwihimura.

Turacyakurikirana amakuru y’aborozi bo mu Rwanda baba barafatiriwe inka zambutse umupaka zikajya kurisha muri Tanzania.

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Tito 2017-11-16 23:58:37

Ko mutangiye muri comments zanyu kuzamura amarangamutima yanyu ubwo umuturanyi we amarangamutima ye muragira ngo aba ateye ate? Njye nenze uburyo bwo gufata icyemezo utabanje kuganiriza ubuyobozi bwaho amatungo akomoka. Niba aribyo koko. Kuko ibibazo abaturage bateza igihugu ni byinshi. Igihe abiwawe bakoze amakosa iwabandi biganiriweho neza hakwirindwa umuco mubi wo kwihimuranaho.

2
Hamadi 2017-11-14 14:03:58

Izonka zambuka umupaka zijya kurisha muri Tanzaniya baziteze cyamunara.Bizaha isoma abajya kutagira mu bwatsi bw’abandi.

3
Guillaume 2017-11-14 08:56:06

Kuki Tanzania ikunda gu hohotera abaturanyi. Ejobundi babikoze Kenya. Ubuyobozi bwacu mu shake umuti uko mwabikoze ubwo bazamuraga ibiciro ku ma modoka yacu atwara imizigo acha iwabo

4
Guillaume 2017-11-14 08:56:06

Kuki Tanzania ikunda gu hohotera abaturanyi. Ejobundi babikoze Kenya. Ubuyobozi bwacu mu shake umuti uko mwabikoze ubwo bazamuraga ibiciro ku ma modoka yacu atwara imizigo acha iwabo

Kwamamaza