Inama y’Abaminisitiri idasanzwe yemeje ingengo y’imari ya leta y’umwaka utaha ya miliyari 2443.5 Frw

11 12-06-2018 - saa 20:05, Mathias Hitimana

Inama y’Abaminisitiri idasanzwe yateranye kuri uyu wa Kabiri, tariki ya 12 Kamena 2018, yemeje ko Umushinga w’Itegeko rigena ingengo y’imari ya Leta y’umwaka wa 2018/2019 ingana n’amafaranga y’u Rwanda 2,443,535,804,386.

Iyi nama y’abaminisitiri idasanzwe yari iyobowe na Minisitiri w’Intebe, Dr. Ngirente Edouard, niyo yemeje iyo ngengo y’imari ya Leta nk’uko bigaragara mu itangazo yasohoye ku mugoroba.

Muri Mata 2018, nibwo Minisitiri w’Imari n’Igenamigambi, Dr Uzziel Ndagijimana, yamurikiye Iteko Ishinga Amategeko inyandiko y’ingengo y’imari y’igihe giciriritse 2018/19 n’imibare y’ikigereranyo cy’ingengo y’imari ya 2018/19-20/2021.

Icyo gihe yerekanye ko mu ngengo y’imari y’umwaka utaha ingana na miliyari 2443.5 Frw, amafaranga akomoka imbere mu gihugu azagera kuri miliyari 1508 Frw, bingana na 62% by’ingengo y’imari yose ya leta mu 2018/2019.

Yavuze ko inkunga z’amahanga zizagera kuri miliyari 396.3 Frw bingana na 16 % by’ingengo y’imari yose ; inguzanyo z’amahanga zikaagera kuri miliyari 400.9 Frw bingana na 16% by’ingengo y’imari yose naho inguzanyo z’imbere mu gihugu zigere kuri miliyari 137.7 Frw, bingana na 6 % by’ingengo y’imari yose.

Uretse iby’ingengo y’imari, nk’uko mu nama ya Guverinoma yateranye kuri uyu wa Kabiri, bunguranye ibitekerezo ku ngingo zirimo kunoza ikoreshwa ry’ikoranabuhanga mu mashuri abanza n’ayisumbuye; Gahunda yo kugabanya ikoreshwa ry‘ibikoresho bya pulasitiki cyane cyane ibikoreshwa inshuro imwe bigahita bijugunywa, ndetse n’ibyabisimbura bitangiza ubuzima bw’abantu n‘ibidukikije.

Minisitiri w’Intebe, Dr. Ngirente Edouard
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Paji: 1 | 2  

1
Bosch 2018-06-26 03:03:28

We munyamakuru, ubutaha uzandike tiriyali ebyiri, miriyari magana ane mirongo ine n’eshatu na miriyoni eshanu. N.B. bashyire amenshi muri basic education and family planning

2
Kurazikubone Jean 2018-06-17 09:22:17

Niba dushoboye guha ikipe yo mu mahanga miliyari 40, kuki twakurikirana uwafashe miliyoni imwe cyanga ebyili agiye gufasha abanyarwanda benshi baribafite ibibazo? Ntabwo byaba gukunda igihugu!

3
Alice 2018-06-13 11:37:38

Kugaragaza ingengo y’imari ni byiza!Ariko kuyirinda no guhana abayikoresha nabi bibe intego !Bakurikiranwe pee!Ntibakagore Perezida wacu n’abaturage batanga imisoro!

4
MABANO 2018-06-13 10:30:34

Kay iyi mibare dore uko isomwa ndumva wayigizeho ikibazo : Triard 2 milliard 443 millioni 535 ibihumbi 804 n ibiceri 386. Niba atari byo munkosore.

5
Emmy 2018-06-13 09:17:28

nyine ni 2,443; ahubwo wize he ?

6
Mudacumura Gordon 2018-06-13 05:15:41

Belthazar, Ngo birarenga % Wize ikigoroba jye utuza uceceke

7
theos 2018-06-13 02:59:36

Aya mafaranga nimenshi namwalimu yagombye gutekerezwaho.

8
GILBERT 2018-06-13 02:23:53

ngiye gutanga igitekerzo kandi ndabasaba ko mwakingereza kubabishinzwe kandi niba bishoboka muzampe feedback : bitewe nuko mbona bibonekako abadepite bibavuna kandi bibagoye gukurikirana umutungo wa Leta nasabaga niba bishoboka bakagira ikintu nakwita nka Branhe muturere cyangwa muntara kuko namwe nimutekereze kuba hari amafaranga bagikurikirana yanyerejwe 2007 kandi bigaragara ko batigeze bacogora gukora iki rero nikimenyetso kigaragaza ko bafite akazi kenshi kandi bo ari bakeya bitabaye ibyo ntabwo bashobora kugera kuntego yokugaruza ibyanyerejwe . murakoze
ntegereje feedback iturutse kuri igihe.com inyerekako igitekerezo cyange mwakigejeje kubo bireba

9
Balthazar 2018-06-13 01:15:11

ko igiteranyo kirenga ijana %

10
Aimable 2018-06-12 23:53:29

Cong’s to our Gov.
Ntako bisa rwose Niba inkunga y amahaga are 16 kwijana.
2020 Izagere Kuri zero

Paji: 1 | 2  

Kwamamaza