IGIHE

Umunsi wa Kabiri w’imurikagurisha ry’ubukerarugendo u Rwanda rwitabiriye i Cannes (Amafoto)

0 6-12-2018 - saa 17:57, Karirima A. Ngarambe

Ku munsi wa kabiri w’Imurikagurisha ry’ubukerarugendo rizwi nka ILTM (International Luxury Travel Market) ribera mu mujyi wa Cannes mu Bufaransa, u Rwanda rwaganirije abanyamakuru mpuzamahanga n’abashoramari mu bukerarugendo.

Ni ku nshuro ya Gatatu u Rwanda rwitabiriye iri murikagurisha rizwi ku izina rya ILTM (International Luxury Travel Market), ribera mu mujyi wa Cannes, uzwi cyane nk’umujyi uhuriramo ibihanganjye mu bijyanye na sinema ku Isi.

Iri murikagurisha ry’ubukerarugendo ribera muri ‘Palais des Festivals’ ari nayo nyubako yakira iryo murika rya sinema ku rwego mpuzamahanga.

Rihuza abaguzi, abagurisha n’abafatanyabikorwa mu bijyanye n’ubukerarugendo rwo ku rwego ruhanitse. Ritegurwa ku Isi yose mu matsinda yo muri Afurika, Aziya, Amerika y’Amajyepfo, Cannes, ibihugu by’Abarabu n’u Bushinwa.

Umunsi wa kabiri watangijwe n’ibiganiro hagati y’abanyamakuru mpuzamahanga, abashoramari mu bukerarugendo hirya no hino ku Isi, bagiranye n’abagurisha ubukerarugendo ku giti cyabo baturuka mu Rwanda.

Ibi biganiro byagarutse ku buryo burambuye ku kwerekana mu mashusho no gutanga ibisobanuro ku bukerarugendo mu Rwanda muri rusange, no gusobanura kuri buri wese icyo ikigo cye gikora cyangwa cyamarira uwaza gusura u Rwanda. Habayeho kubazwa no gusubiza ibibazo.

Abakora mu by’ubukerarugendo batanze ibiganiro ni Rosette Rugamba uhagarariye Songa Africa, Robert Gakimbiri wa Primate Safari, Elise Milenge wa Charleston Travel and Tours, Manzi Kayihura wa Hills Africa, Robert Gakimbiri wa Wilderness Safaris, Mwaka Utanje na Habba Haijah ba Uber Luxe Safari, Eloise wa Volcanoes Safari, Linda Mutesi na Claudine Rubagumya bahagarariye RDB.

Bamwe mu bikorera bagiye basubiza ibibazo, aho Rosette Rugamba yabwiye abanyamakuru ko u Rwanda atari Ingagi n’ibirunga gusa ko hari n’ibindi byinshi bibategereje kandi bazakirwa neza baza ari itsinda cyangwa umwe umwe,kuko ibikenewe ngo umuntu yishimire urugendo rwe mu Rwanda byose byizweho neza.

Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Nta gitekerezo kirajyaho. Ba uwa mbere!  

Kwamamaza