IGIHE

Uburyo Uganda yarengereye ikifashisha umurambo w’umunyarwanda ku mpamvu za Politiki

4 28-05-2019 - saa 16:29, Albert Rudatsimburwa

Kubera urwego umwuka mubi hagati ya Uganda n’u Rwanda uriho, hari imyumvire rusange abaturage b’ibihugu byombi bafite ko intambara idashoboka.

Nari umwe mu biyumvishaga ko ikibazo gishobora gukemurwa mbere y’uko bigera ku rwego rw’intambara. Gusa ubukana bwacyo ubu bunyereka ko ibyo natekerezaga atari byo.

Nageze kuri uyu mwanzuro ubabaje kimwe n’abandi benshi mbonye umurambo w’umunyarwanda mu isanduku ukinirwaho icyakwitwa umukino wa politiki n’abayobozi ba Uganda batumira abadipolomate mu ‘birori byo guhererekanya’, byari bigamije gukoza isoni u Rwanda.

Igihe kinini nyuma ya Jenoside yakorewe Abatutsi, amakimbirane hagati y’u Rwanda na Uganda, ntiyahwemye kubaho ndetse ibihe byo guhangana cyane byavuyemo gukozanyaho i Kisangani hagati ya 1999 na 2000.

Ibi byakemuwe mu buhuza bwanzuye ko ibihugu byombi bikura ingabo muri Repubulika Iharanira Demokarasi ya Congo. Kuva ubwo habayemo agahenge mu makimbirane y’ibihugu byombi. Mu by’ukuri, ariko ibyabaga byarirengagizwaga bikagenzurirwa mu ibanga.

Urugero ni ubwo Uganda yahaga akazi ndetse igafasha Karegeya Patrick na Kayumba Nyamwasa, bombi bakiriwe n’abayobozi bakuru mu nzego z’umutekano z’iki gihugu Colonel Leopold Kyanda na Salim Saleh, ubwo bahungaga bambutse umupaka

Ahagana mu 2016 byamenyekanye ko umutwe w’iterabwoba wa Kayumba, RNC, ushaka abayoboke muri Uganda ubifashijwemo mu buryo butaziguye n’inzego z’umutekano za Uganda, by’umwihariko Urwego rushinzwe iperereza (CMI).

Aba kandi ntibarekeye aho kuko mu Ugushyingo 2017, imodoka yafatiwe ku mupaka wa Kikagati basangamo abasore 46 bari bahawe impapuro mpimbano zibajyana mu kigo cy’imyitozo cya RNC, kiri i Minembwe muri Kivu y’Amajyepfo muri RDC.

Bari bajyanywe muri RNC n’impapuro bazihawe n’abayobozi ba CMI bababwiye ibyo babeshya inzego z’abinjira n’abasohoka ku mupaka wa Kikagati.

Ukuvuguruzanya mu byo bavugaga nibyo byatumye abayobozi bashinzwe abinjira n’abasohoka bagira impungenge. Bajyanywe mu rukiko bahita barekurwa kubera gutinya ko bahishura amakuru akomeye ajyanye n’uko kuvuguruzanya.

Amezi nyuma yaho, kuwa 28 Werurwe 2018, mu kiganiro n’abanyamakuru i Entebbe, Perezida Museveni yemeye ko inzego ze z’umutekano zafashije aba basore.

Ati “Itsinda ry’abanyarwanda bajyanwaga muri RDC banyuze muri Tanzania n’u Burundi. Bavuze ko bajyaga mu mirimo y’urusengero, ariko ubwo babazwaga, byagaragaye ko ibyo bikorwa bitari ibyo gusenga mu by’ukuri. Cyari ikindi kintu”.

Ibyo Museveni yemeje byari bimuhagije kuba yakuraho ubufasha aha RNC. Ibitandukanye n’ibi byabayeho, ni uko Museveni yabishyinguye.

Kuwa 14-15 Ukuboza, Umunyamabanga wa Leta ushinzwe ibibazo byo mu karere muri Uganda, Philemon Mateke, yagiriye inama i Kampala yari igamije kongera imikoranire ya RNC na FDLR, umutwe uba muri RDC, ufite intego yo kurangiza umushinga wa Jenoside yo mu 1994.

Laforge Fils Bazeye na Theophile Abega, bari abayobozi muri FDLR, bayihagarariye muri iyo nama bafatiwe i Bunagana bavuye i Kampala. Ubuyobozi bwa RDC bwabahamanye igihe gito nyuma babashyikiriza u Rwanda kugira ngo bagezwe imbere y’ubutabera.

Aba bagabo bamaze gufatwa bahishuye byinshi ku nama zabo i Kampala, harimo n’amabwiriza ya Museveni, yo gukorana bya hafi mu kwibasira no gusenya guverinoma y’u Rwanda n’ibikorwa remezo by’inzego z’umutekano.

Ku wa 31 Ukuboza 2018 Umuryango w’Abibumbye wemeje ibya Kikagati ndetse n’ibindi bikorwa nkabyo, ubwo itsinda ry’impuguke zawo zatungaga agatoki Uganda n’u Burundi, ko ari umuyoboro wo gushakiramo abajya mu mutwe wa P5, Kayumba Nyamwasa abereye Umugaba Mukuru.

Bamwe mu bagize P5 ni MRCD ya Paul Rusesabagina ifite igice cy’ingabo cyitwa FLN, umuvugizi wawo Callixte Nsabimana wiyita Major Sankara, akaba aherutse gufatwa agarurwa mu Rwanda.

Kimwe n’abayobozi ba FDLR bafunzwe, Nsabimana Callixte, yavuga byinshi ku bufasha ingabo ze zahabwaga n’abakomeye mu nzego z’umutekano za Uganda.

Inshuro zose Uganda yagiye ivumburwa ku bikorwa byayo bibi, aho kubihagarika yabikubye kabiri. Nyuma yo gutangazwa kwa raporo ya Loni, mu Ukuboza ubuyobozi muri Uganda bwasubije binyuze mu itangazamakuru aho abayobozi ba RNC, Kayumba Nyamwasa, Tribert Rujugiro na David Himbara, bahawe umwanya wo kwiyamamaza nk’aho hatangajwe ubufatanye bwabo n’abaturage ba Uganda.

Kayumba yiswe umunyapolitiki w’inararibonye, Rujugiro yitwa umugiraneza aho ishoramari rye muri Uganda afatanyije na Salim Saleh, barimo gufasha abakene ba Arua (bamaze imyaka n’imyaniko barirengagijwe na guverinoma yabo), kuruta uko ari igice cy’ishoramari rya RNC, nk’uko mu by’ukuri bimeze.

Nyuma y’uko RNC ihawe n’itangazamakuru urubuga, byakurikiye no kumenyekana ko abayobozi bakuru muri RNC, Charlotte Mukankusi na Eugene Richard Gasana, bagiranye inama na Museveni muri Perezidansi, banahawe kandi pasiporo za Uganda zibafasha mu ngendo zabo bashaka ubufasha.

Mu kwiyererutsa, Museveni yandikiye Perezida Kagame ibaruwa yabonywe n’itangazamakuru, yemera ko yahuye n’abo bayobozi ba RNC by’impanuka atabiteguye.

Nta na rimwe Uganda yerekanye ubushake bwo gukemura ibyo u Rwanda rutishimiye kuri yo, ahubwo icyo ikora ni ugutoteza abaturage barwo bari muri Uganda ibifashijwemo na RNC.

Icy’ingenzi cyane, ni ibimenyetso byinshi birimo gushyirwa ku karubanda birimo ubufasha buhabwa RNC bwavuzwe haruguru (abatawe muri yombi barabivuga), ndetse n’ubuhamya bw’abanyarwanda bagaruwe bakorewe iyicarubozo ndetse n’inkuru z’abo basize mu nzu za CMI.

Uganda irasa n’aho irajwe ishinga no guhindanya isura y’u Rwanda aho kwita ku bibazo yarugejejeho.

Urugero, ubwo u Rwanda rwafungaga umupaka wa Gatuna kugira ngo wubakwe urusheho gutanga serivisi nziza, abayobozi ba Uganda bafashe icyemezo cyo kutamenyesha abacuruzi babo ku bijyanye n’iri fungwa ahubwo babashishikariza gukomeza gutwara ibicuruzwa ku mupaka no gukoresha itangazamakuru ngo rikwirakwize ikinyoma cy’uko u Rwanda rwafunze umupaka.

Mu by’ukuri uyu mupaka niwo wonyine ufunzwe kugeza ubwo ibikorwa byo kuwubaka bizaba birangiye.

Icyemezo cyo guherekeza umurambo w’umunyarwanda ku mupaka wa Gatuna, na camera, abadipolomate; kiri mu murongo w’iyi gahunda yo kwanga gukemura ibyo u Rwanda rusaba ndetse no kwirengagiza nkana ibimenyetso bihari.

Kwerekana umurambo w’umuturage byagizwe ibirori nyamara hirengagizwa amagana y’abanyarwanda bari muri gereza za Uganda.

Gukorerwa ihohoterwa n’iyicarubozo kw’abanyarwanda bishobora kwihanganirwa ariko gukinira politiki ku mirambo y’abaturage barwo bishobora guteza ikintu gifatwa nk’ikidashoboka. Intambara irasa n’aho idashobora gukumirwa nk’uko byari bimeze mbere, kuko ibi biragaragara nk’aho ari yo turufu Uganda isigaranye.

Ubwo u Rwanda rwakiraga umurambo w'umuturage warwo warashwe akajyanwa muri Uganda
Kwamamaza
Kwamamaza

Izindi nkuru wasoma

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

1
Kunda yvette 2019-05-28 16:17:51

Yemwe lmwaretse kwikoza isoni!!!

2
PJ 2019-05-28 14:30:57

Igihe.com ikeneye professional translators byihutirwa. Kandi bazobereye muri domaines zitandukanye.

3
UturengereMana 2019-05-28 13:32:05

Nyagasani nyirimpuhwe,
Kiliziya yawe uyihe ihirwe,
Abo muri iki gihugu bose,
N’abacu n’abatugirora neza,
Ndetse n’abatwanga ubakize.
Abadutegeka bose ubarinde,
Abanyarwanda batakuzi ubahe kukwemera,
Abahakanyi n’abanyabyaha bakuyoboke
Abatunganye ubakomeze,
Abari mu rugendo ubasohoze amahoro,
Aboro n’indushyi ubatunge,
Abababaye n’abagiye gupfa ubakize,
Maze roho ziri muri pulgatori uzicyure iwawe
Natwe uturinde muri iri joro (ibi bihe)
N’igihe tuzapfira tuzapfe tukwizeye.
AMEN.🙠🠽🙠🠽🙠🠽🙠🠽

4
Iyaduhanze iraturinze 2019-05-28 11:20:29

Yeme mwabantu mwe ubu koko ntabwo mushobora gukura Minembwe mukanwa?????buri munsi ngo Minembwe .........ubu uwahakugeza iyo RNC wayihasanga?

Kwamamaza